من ھما اِنت کہ ھُد ا ءِ جوڑ کرتگیں زند ءُُ زندمانی ءِ تہا اتکگ اَنت،من ءَ سوج ءُُ سر کنگ بوھگ اِنت کہ چو کنگی انت، کہ اے راہ ءَ روگی اِنت،گوں ایشاں نندگی اِنت،چو ورگی انت،وپسگی اِنت،کندگی انت،گریوگی اِنت،ءُُ یک روچے کیت پدا گشنت کہ چو ں مرگی اِنت۔ برے برے ھیال کیت کہ اے درائیں چیز زانا پہ منی گشگ ءَ جوڑ کنگ بوتگ اَنت؟ اگاں ھو، گڈاں واجہ ھُدا ءَ اے بلائیں سرگ ءُُ سرگ ءِ تہا دماگ چیامان کتگ،ھمے دماگ ءِ تہا سنچ ءُُ زانگ پرچہ ودی کتگ،پہمگ ءُُ مارشت ءِ سنچ پرچہ داتگ، بس ھمے گڈ ءُُ منج ءَ بنی آدم زندگی کنگ اِنت۔
بلوچی زبان ءُُ ادب ءَ یک وھدے است اَت کہ شائر ءُُ ادیباں وت ماوت ہپتگی دیوان ءُُ مراگش کتگ ءُُ وتی زبان ءُُ شائری تک ءُُ پہناتانی ہروڑیں جیڑگ ءُُ جنجالانی سرا تران کتگ ءُُ ہما دیوان ءِ تہا ہما جیڑگانی گیشواری کنگ ءِ جہد کتگ باز براں ایشانی وت ما وت ءَ ترندکلامی ءُُ جنگ اوں بوتگ بلئے بازار ءِ کس چہ آ جنگ ءُُ ہبراں سرپد نہ بوتگ ایوک ءَ ہما دیوان ءِ مردم ءُُ دیوان ءِ مردماں اے اوں گشگ بوتگ کہ دیوان گپ ایوک ءَ دیوان ءَ بہ بنت ڈن ءَ درکنوکائی مہ بیت۔
یک زمانگے بوتگ کہ یک نودربرے ءَ اگاں وتی استاد ءَ را راہ سراں دیستگ داں آئی ءِ شرپ ءَ پاد اتکگ ءُُ اوشتاتگ دانکہ استاد چماں اندیم بوتگ۔یک پتے ءَ یاکہ ماتے اگاں آئی ءِ زہگ ءَ آئی ءِ گپے نہ زرتگ داں آئی استاد حال داتگ ءُُ ہمائی ءِ ترس ءَ مدام آئی ءَ ہما کار کتگ ۔
یک راجے ءِ دیمروئی گوں آئی ءِ ورناہاں بندوک اِنت ءُُ ورناہانی دانکہ جوانیں وانگے ءُُ جوانیں زانتے گون مہ بیت آ راج ہچبر دیمروئی کت نہ کنت ۔ نہ ایوک ءَ بلوچستان ءَ بلکیں سرجمیں پاکستان ءَ دو رہبندی وانگ انت یکے پہ ازگار یں مردماں ءُُ یکے پہ غریب ءُُ ناتواناں ۔
مردمانی دل پہکی زانگ نہ بیت باز مردم پہ زاہر تئی درد وار اِنت بلئے اندر ءَ تئی مستریں دژمن ہما اَنت ءُُ باز مردم پہ زاہر بلکیں پہ دژمن ءَ اَنت بلئے شرتریں دوست تئی ہما بیت ۔
لس مردم ءِ گمان ہمیش انت کہ فلسفہ ءِ بابت ءَ بائدہما مردم گپ بہ جنت کہ آئی ءَ را فلسفہ ءِ دپتر ءِ بابت ءَ سرپدی بہ بیت،بلئے راستی چش نہ انت ،فلسفہ ءِ بابت ءَ ہرکس گپ جت کنت شرط ایش انت کہ آ فلسفہ ءَ چے سرپد بیت۔۔۔! فلسفہ ہما لیکہانی نام انت کہ زند ءِ یک بہرے ءُُ آسر ے ءَ چہ پد گیشوار کنگ بوتگ اَنت ۔
مردم باید سوت گوش بداریت ،سوت زند ءِ یک براہداریں بہرے بلئے نزاناں پرچہ لہتیں مردم ایشیءَ سرپد نہ بیت ءُُ ایشیءِ ہلاپ کنت ،کہ اے گناہ اِنت ،ایشیءِ گوش داروک گناہ گار ،ایشیءِ جنوک گناہ گار ،ایشیءِ شنگ کنوک گناہ کار بلئے نزانت کہ سوتءُُ ساز وَ حدائی ہوراں گون اِنت ،حدائی گواتاں گون انت کہ لہم لہم ءَ درچکانی تاکاں سرین ایت داں زیملے تالان بیت ۔
بلوچی زبان ءُُ لبزانک ءَ میرگل خان ءِ نام ءِ کسی پجاری ءَ نہ لوٹیت ۔آئیءِ شاعری ،دپتر یویشی ،رجانکءُُ پولکاری ہرچی کہ کارکتگ گوں شیواری ءَ کتگ ۔
بلوچی زبان ءُُ لبزانک ءَ میرگل خان ءِ نام ءِ کسی پجاری ءَ نہ لوٹیت ۔آئیءِ شاعری ،دپتر یویشی ،رجانکءُُ پولکاری ہرچی کہ کارکتگ گوں شیواری ءَ کتگ ۔
دنیا ءَ مرچی ہمنچو دیمروئی کتگ کہ حساب ءَ در اِنت ،ماہ ءُُ استالاں سر بوہگ نوں کوہن اَنت ۔
