گوادر : گوادر بار کونسل نے عدالتوں کا بائیکاٹ کردیا۔کسی وکیل نے مقدمے کی پیروی نہیں کی۔تفصیلات کے مطابق گوادر بار نے سانحہ تربت کے خلاف عدالتی کارروائی کا بائیکاٹ کردیا۔اس موقع پر کسی وکیل نے مقدمے کی پیروی نہیں کی۔
تربت: نیشنل پارٹی کے مرکزی سنیئرنائب صدر سابق سینیٹر میرکبیرمحمد شہی اور مرکزی سیکرٹری جنرل جان محمدبلیدی نے کہاہے کہ ریاست اس وقت منظم ومستحکم اندازمیں آگے بڑھ سکتی ہے جب جب اسے سیکورٹی اسٹیٹ سے ویلفیئر اسٹیٹ کی طرف لے جایاجائے، نیشنل پارٹی کی جدوجہد کامقصد عوام کی حق حاکمیت، پارلیمنٹ کی بالادستی، بلوچ شناخت اورساحل وسائل کا تحفظ ہے،بارڈر کے کاروبارسے بلوچستان کے21لاکھ لوگوں کی زندگی وابستہ ہے، بارڈر ٹریڈ کے حوالے سے نیشنل پارٹی ہرممکن ساتھ دے گی۔
تربت: مند کے سیاسی و سماجی شخصیات محمد حنیف بلوچ، عبدالجلیل بلوچ، آصف نور اور اعظم حیاتان بلوچ نے مشترکہ بیان میں کہا ہے کہ بلیدہ میں معصوم بچے کی شہادت کا واقعہ افسوسناک ہے۔ بلیدہ میں سی ٹی ڈی اور پولیس کی جانب کمسن رمیز خلیل کو فائرنگ کرکے نشانہ بنانے کے واقعے کی سخت الفاظ میں مذمت کرتے ہوئے کہا ہے کہ بلوچستان میں آئے دن بلوچوں کو ماورائے عدالت قتل کیا جارہا ہے۔
تربت: کمشنر مکران کے ساتھ شہید رامز کی فیملی اور آل پارٹیز کے آخری مذاکرات بھی ناکام، انتظامیہ کے مطالبات تیسری دفعہ مسترد کردیے گئے۔ کمشنر مکران شاہ عرفان غرشین اور ڈپٹی کمشنر کیچ حسین جان بلوچ نے پیر کو آخری بار شہید رامز کی فیملی اور آل پارٹیز نمائندوں کے ساتھ کوئٹہ روانگی کے دوران سی پیک شاہراہ پر مزاکرات کی کوشش کی جو ناکام رہے۔
گوادر : گوادر بار ایسوسی ایشن کے انتخابات مکمل، تمام امیدواران بلا مقابلہ منتخب. گوادر بار ایسوسی ایشن کے انتخابات برائے سال 2021-2022 منعقد کئے گئے. چیرمین الیکشن کمیشن شئے خالد حسین ایڈوکیٹ کے مطابق تمام امیدواران بلا مقابلہ منتخب ہوئے ہیں.
گوادر: مکران میں گزشتہ روزشدید طوفانی بارش اور آندھی کے باعث گوادر شہر میں 11000 کے وی کے20 جبکہ ایل ٹی کے 4کھمبے گر گئے اسکے علاوہ پسنی، جیونی اور پشکان میں بھی تقریباً 37کھمبے گر گئے جسکی وجہ سے صرف ان متعلقہ علاقوں میں بجلی کی فراہمی متاثر ہوئی۔
تربت: شہید رامیزخلیل کے خاندان سے یکجہتی کے لیے آل پارٹیز گوادر کا وفد سعید فیض کی سربراہی میں تربت پہنچ گیا، وفد نے شہید فدا چوک پر جاری دھرنے میں شرکت کی۔ شہید فدا چوک پر شہید رامیز کی میت کے ساتھ جاری دھرنا میں بی این پی عوامی کے مرکزی رہنما سعید فیض نے خطاب کرتے ہوئے کہا کہ شہید رامیز خلیل کے قاتل گرفتار کیے جائیں اور فیملی کے تمام مطالبات منظور کیے جائیں، انہوں نے کہا کہ مکران کے حالات کو روز بروز ایک سازش کے تحت خراب کیا جارہا ہے۔
تربت: جماعت اسلامی کے رہنما مولانا ہدایت الرحمن نے کہا ہے کہ بلوچوں کو مظلوم بنا کر ان کے لیے تعلیم، صحت اور روزگار کے دروازے بند کردیے گئے ہیں، بلوچستان کے کونے کونے میں میں چیک پوسٹ اور چوکیاں بنا کر بلوچ اور پشتون عوام کی روزانہ تزلیل کی جارہی ہے، ملتان، ساہیوال، لاہور، سوات اور وزیرستان کا سپاہی مقامی لوگوں سے پوچھتا ہے کہ کہاں سے آرہے ہو اور کہاں جارہے ہو، یہ ظلم اور جبر کی انتہا ہے، اس سے ہماری قومی حمیت کو للکارا جارہا یے۔
تربت: بلیدہ میں کرائم برانچ اور سی ٹی ڈی کا بی ایس او کے چیئرمین ظریف رند کے گھر پر چھاپہ۔ فائرنگ سے چیئرمین ظریف رند کا 7 سالہ بھتیجا رامیس جان بحق، 10 سالہ بھتیجا اور بھابھی زخمی۔ اہل خانہ نے 7 سالہ رامیس کی میت کے ہمراہ بلیدہ سے تربت آکر شہید فدا چوک پر دھرنا دیا۔
تربت: آل پارٹیز کیچ نے بلیدہ واقعہ کے خلاف کل تربت میں شٹرڈاؤن ہڑتال کی کال دے دی۔ آل پارٹیز کیچ کا ہنگامی اجلاس کنوینر مشکور انور ایڈوکیٹ کی سربراہی میں منعقد ہوا جس میں سیاسی جماعتوں کی قیادت نے شرکت کی۔