تربت: نیشنل پارٹی کیچ کے ترجمان نے جاری کردہ بیان میں ہیڈماسٹر لیاقت پر قاتلانہ حملے پر تشویش کا اظہار کرتے ہوئے واقعہ میں ملوث اہلکاروں کو گرفتار کرنے کا مطالبہ کیا، ترجمان نے واجہ لیاقت صاحب پر حملے کی سخت الفاظ میں مذمت کرتے ہوئے کہا کہ بے گناہ شہریوں پر دن دھاڑے حملے کرکے منصوبہ بندی کے تحت مکران کے حالات خراب کئے جارہے ہیں۔
تربت: بی ایس او کی جانب سے پنجگور میں چار سالہ قدیر خلیل کے قتل پر تربت پریس کلب کے سامنے مظاہرہ کیا گیا، مظاہرہ میں بی این پی کے کارکنان سمیت ایچ آر سی پی اور تربت سول سوسائٹی کے رضاکاروں نے بھی شرکت کی۔ مظاہرین نے پلے کارڈز اٹھا رکھے تھے جس پر پنجگور واقعہ کے خلاف نعرہ درج تھے۔
تربت: کیچ کے سب تحصیل زامران میں باڈرروں کی بندش اور تیل کاروبار میں حائل رکاوٹوں اور پابندیوں اور سفارشی گاڑیوں کی رفت و آمد کیلئے اہلیان زامران نے ناگ زامران کے علاقے خانکلگ ناگیان کے مقام پر دھرنا دیاہے اور آج گیارہ دن گزر کے بعد بھی سڑک کو بدستور بند کر کے سفارشی گاڑیو کو جانے سے روک دیاگیاہیاور احتجاج کاسلسلہ جاری ہے۔
گوادر: پنجگور میں قدیر خلیل نامی بچے کے بیہمانہ قتل کے خلاف سول سوسائٹی گوادر کے زیر اہمتام شہدائے جیونی چوک پر احتجاجی مظاہرہ کیا گیا۔ احتجاجی مظاہرہ میں سیاسی جماعتوں کے رہنماؤں اور کارکن بھی شریک تھے۔
تربت: انجمن تاجران حقیقی کا کمشنر مکران کے ساتھ مزاکرات کامیاب، کل سے لاک ڈاؤن ختم اور دکانیں کھولنے کا فیصلہ کیا گیا۔ انجمن تاجران حقیقی کے سربراہ شاہ دوست دشتی کی سربراہی میں تاجر برادری کے ایک وفد نے جمعہ کے روز کمشنر مکران شاہ عرفان غرشین سے ملاقات کرکے لاک ڈاؤن کے حوالے سے تبادلہ خیال کیا، انہوں نے کہا کہ پندرہ روزہ لاک ڈاؤن کی مدت جمعہ کو ختم ہوگئی ہے۔
کوئٹہ: تحریک بحالی بولان میڈیکل کالج کوئٹہ کے رہنماوںڈاکٹرالیاس،ڈاکٹرسخی، میرزیب شاہوانی ،ڈاکٹر مصطفی وردگ اوردیگر نے حکومت سے مطالبہ کیاہے کہ بولان میڈیکل کالج کوئٹہ کے وائس چانسلر کی مدت ملازمت میں توسیع منسوخ کرکے نئے وائس چانسلر کی تقرری عمل میں لائی جائے بصورت دیگر گورنر ہاوس کے سامنے دھرنا دینے پر مجبور ہونگے۔
تربت: پاکستان نیشنل پارٹی کے مر کزی صدر سید احسان شاہ نے کہا کہ پنجگور میں قدیر خلیل تشدد اور قتل کا واقع ظلم و بربریت کے دور کے واقعات سے بھی بدتر ہے۔ اس واقعے کی شدید الفاظ میں مذمت کرتے ہیں۔قاتلوں کو جلد سے جلد گرفتار کرکے قرار واقعی سزا دی جائے۔
تربت: انجمن تاجران کیچ کے ترجمان نے اپنے ایک بیان میں کہا ہے کہ انتظامیہ کے جانب سے لاک ڈاؤن کی مدت پوری ہونے اور انتظامیہ کے جانب سے آج لاک ڈاؤن کے خلاف ورزی کرنے کی وجہ سے انجمن تاجران کیچ باقاعدہ کل بروز جمعہ مورخہ 6 اگست 2021 سے لاک ڈاؤن ختم کرنے کا اعلان کرتا ہے اور تمام دوکانداروں سے گزارش ہے کہ کل سے دوکانیں اور مارکیٹ کھولیں اور انشاء اللہ ہفتہ 7 اگست سے معمول کے مطابق بازار کھل جائیگا۔
گوادر: پیشکان ، پانی اور بجلی کی عدم فراہمی اور بندش کے خلاف شٹر ڈاؤن و پہیہ جام ہڑتال ، کاروباری مراکز بند ، خواتین سڑکوں پر نکل آئیں، سڑکوں پر رکاوٹیں کھڑی کیں اور ٹائر جلائے احتجاجی مظاہرہ تفصیلات کے مطابق پیشکان میں گزشتہ ایک ماہ سے پانی اور بجلی کی بندش اور عدم فراہمی کے خلاف پہیہ جام اور شٹر ڈاؤن ہڑتال کیا گیا۔جس کے باعث تمام دکانیں اور کاروباری مراکز بند رہے۔
گوادر: ڈپٹی کمشنر گوادر میجر ریٹائرڈ عبدالکبیر خان زرکون نے گوادر میں بجلی اور گیس کی فراہمی کے حوالے سے موجود بحرانی کیفیت کا نوٹس لیتے ہوئے کیسکو اور سورئی سدرن گیس کمپنی کے حکام سے کہا ہے کہ وہ جلد از جلد گوادر میں ضرروی تعداد میں عملہ کی تعیناتی سہولتوں کی فراہمی اور اپنے دفاتر کی مفالیت کو یقینی بنائیں۔