تربت: پی پی ایچ آئی کی طرف سے بی ایچ یو جوسک اور بی ایچ یوشاہی تمپ میں ذچہ و بچہ سنٹر کا افتتاح کردیا گیا،افتتاح ڈپٹی کمشنر کیچ میجر ریٹائرڈ محمد الیاس کبزئی نے باقاعدہ فیتہ کاٹ کر کیا ، اس موقع پر ڈی ایچ او کیچ ڈاکٹر رحیم جان بلیدی، پی پی ایچ آئی ضلع کیچ کے سپورٹ منیجر حاجی خان اور بی ایچ یوز کے اسٹاف موجود تھے، ڈپٹی کمشنر کیچ نے ذچہ و بچہ سینٹرز کے شعبوں کا دورہ کیا۔
تربت: آل پارٹیز کیچ کے وفد سے گفتگو کرتے ہوئے نیشنل پارٹی کے سربراہ ڈاکٹر مالک نے کہا ہے کہ کیچ میں مضطوط سیاسی ماحول پروان چڑھانے کے لیے آل پارٹیز کی اہمیت دوچند ہے، اس پلیٹ فارم کو مذید فعال اور مستحکم بنانے کے لیے تمام سیاسی جماعتیں اپنی زمہ داری ادا کریں۔ انہوں نے کہاکہ نیشنل پارٹی نے ہمیشہ سیاسی اتحاد کے لیے کوششیں کی ہیں تاکہ سیاسی ماحول منظم ہو، آل پارٹیز کا قیام اور اس کی فعالیت بہت ضروری ہے۔
تربت: بلوچستان عوامی پارٹی کے مرکزی رہنما،صوبائی مشیرفشریز الحاج میر اکبر آسکانی نے کہاہے کہ ناصر آبادمیں 33KV گرڈ اسٹیشن کی تعمیر کیلئے ٹینڈرجاری کردئیے گئے ہیں۔ 10مارچ کو ٹینڈرہوں گے جس کے بعد گرڈ اسٹیشن کی تعمیر شروع ہوجائے گی جس سے ناصر آباد ومضافات کے علاقوں کے عوام کوبجلی بحران سے نجات مل جائے گی۔
تربت: مرکزی جمعیت اہل حدیث بلوچستان کے صوبائی ناظم اعلی مولانا عبدالغنی زامرانی نے ایرانی فورسز کی جانب حق آباد میں تیل بردار مزدوروں پر حملے کی سخت مذمت کرتے ہوئے واقعہ کو سفاکیت وظلم کی انتہاء قرار دیتے ہوئے کہاکہ تیل برداروں کے ساتھ پاکستان وایران میں ناروا سلوک روا رکھا جاتاہے یہ لوگ مجبور ہیں بے روزگار ہیں۔
تربت: یونیورسٹی آف تربت گوادرکیمپس سے فارغ التحصیل ہونے والے چارسالہ بی ایس ڈگری پروگرام کے پہلے بیچ کے طلبہ وطالبات کے اعزازمیں گوادرکیمپس کے سمینارھال میں ایک پروقارتقریب منعقدہوئی۔تقریب کااہتمام سیکنڈ بیچ کے طلبہ وطالبات کی جانب سے کیاگیاتھاجس میں تعلیمی شعبہ جات کے سربراہان، فیکلٹی ممبران اور انتظامی افسران اور اسٹاف کے علاوہ طلبہ وطالبات کی کثیرتعدادموجودتھی۔
تربت: رکن صوبائی اسمبلی،پارلیمانی سیکرٹری برائے مذہبی امور لالہ رشیددشتی نے کہاکہ میرے حلقہ انتخاب میں کروڑوں روپے کی ترقیاتی اسکیمیں شروع کردی گئی ہیں، عوام کے مسائل ومشکلات کاحل اولین ترجیح ہے، دشت، نگور، مند اورگوکدان میں پہلی مرتبہ بڑے پیمانے پرترقیاتی کام ہورہے ہیں، حکومت کی آئینی مدت پورا ہونے تک حلقہ میں سڑکوں کاجال بچھایا جائے گا۔
حب: لبیر کالونی کے قریب پانی کی جوہڑ میں کھیلتے دو بچے گر گیا ایک بچہ جاں بحق دوسرے بچی کو بے ہوش کی میں نکال کر ہسپتال منتقل کردیا گیا۔ ریسکیو ذرائع کے مطابق حب کے علاقے لیبر کالونی 600کوارٹر پانی کی جوہڑ میں کھیلتے ہوئے گرگئے ایک بچہ جاں بحق ہوگیا ۔
تربت: تربت سول سوسائٹی کے کنونیئرگلزاردوست کی سربراہی میں ایک وفد نے صوبائی وزیر خزانہ بلوچستان میرظہوراحمدبلیدی سے انکے تربت کی رہائش گاہ پر ملاقات کی،ملاقات میں تربت سمیت ضلع کیچ میں بد امنی،چوری ڈکیتی،بجلی کی لوڈشیڈنگ،بل کی عدم ادائیگی کے نام پر ٹرانسفارمراورگیارہ ہزارکی تارکاٹنا سمیت مختلف عوامی ایشوز پر تبادلہ خیال کیا گیا۔
تربت: بلوچستان نیشنل پارٹی عوامی کیچ کے ضلعی جنرل سیکرٹری احد الہی میروزئی نے پروم میں ایرانی فورسز انقلاب کی جانب سے بلوچ جوانوں کے قتل عام کی شدید الفاظ میں مذمت کرتے ہوئے اس اندوہناک واقعہ کی تحقیقات کا مطالبہ کیا۔انہوں نے اپنے بیان کہا کہ اس واقعے میں بلوچستان کے ایک درویش صاحبذادہ خاندان جو مشرقی اور مغربی بلوچستان میں یکسان عزت و احترام کی نگاہ سے دیکھا جاتا ہے۔
تربت: نیشنل پارٹی کے مرکزی رہنما،میونسپل کارپوریشن تربت کے سابق میئر قاضی غلام رسول بلوچ نے میونسپل کارپوریشن تربت کے ملازمین کی تنخواہوں کی بندش کی شدید مذمت کرتے ہوئے ملازمین کے احتجاج کی بھرپور حمایت کااعلان کیا اورکہاکہ سلیکٹڈ حکمرانوں کو غریب طبقہ کے ان خاکروبوں پربھی رحم نہیں آتا جو گزشتہ4مہینوں سے اپنی تنخواہوں سے محروم کردئیے گئے ہیں۔