قلات: اسسٹنٹ کمشنرقلات میرزاہد لانگو نے کہاہے کہ منشیات ہمارے معاشرے کودیمک کی طرح چاٹ رہی ہے جس کے باعث منشیات میں مبتلا افراد معاشرے کے لیے بوجھ بن رہے ہیں اس لیے معاشرے کے فرد کو چاہیے کہ معاشرے کو منشیات سے مکمل پاک کرنے کے لیے انتظامیہ سے مکمل تعاون کرنی چاہیے ان خیالات کااظہار انہوں نے لیویز کی کاروائی کے بعد میڈیا کوبریفنگ دیتے ہوئے کیا۔
گوادر: گوادر کی قدیم آبادی جہاں ماہیگیر ہزاروں سال سے آباد ہیں اور جن کا اس زمین پر پیدائیشی اور بنیادی حق بنتا ہے لیکن حالیہ اور گزشتہ حکومتی پالیسیاں ماہیگیر دوست کی بجائے ان کی زندگی روزگار معیشت اور معاشرے کے لیئے زندگی آموز نہیں ہیں۔ ان خیالات کا اظہار ماہیگیر رہنما خداداد واجو نے پریس کانفرنس کرتے ہوئے کیا۔ انہوں نے کہا کہ حکومتی عدم توجہی کی وجہ سے ماہیگیر بنیادی سہولتوں سے بھی محروم ہونے لگے ہیں۔
تربت: وفاقی وزیر زبیدہ جلال نے وزیراعظم کے مشیر برائے خزانہ حفیظ شیخ سے گزشتہ روز ملاقات کی،ملاقات میں ایرانی سرحد سے متصل بارڈر مارکیٹ کے قیام اور قانونی بارڈر ٹریڈ پہ تبادلہ خیال کیا گیا۔
تربت: شاپک میں نامعلوم افراد کا گھر میں گھس کر حملہ، 4بھائیوں کو زخمی کردیا۔تربت کے نواحی علاقہ شاپک میں گزشتہ روز نامعلوم افراد نے گھر میں گھس کر 4 بھائیوں قادر بخش، محمد جان، رحیم بخش اورمحمد بخش ولد مرادبخش پر ڈنڈوں اور لاتوں سے حملہ کرکے انہیں شدید زخمی کردیا جنہیں فوری طورپر ٹیچنگ ہسپتال تربت لایاگیا۔
گوادر: ضلع گوادر میں منشیات کے خلاف عوامی مظاہرے اور احتجاجی ریلیوں کا کا سلسلہ جاری ہے، آج تحصیل پسنی کا علاقہ نلینٹ میں نوجوانوں نے منشیات کے خلاف احتجاجی ریلی نکالی اور کلانچ میں گھر گھر پھیلتے منشیات کی وباء کے خلاف اپنا احتجاج ریکارڈ کرایا، ریلی میں کلانچ مختلف گاؤں سے آئے ہوئے لوگ شریک رہے جس میں نوجون اور بچوں کی بڑی تعداد شامل تھی۔
حب: کراچی کی یوسی 17 تھارولین لائن کے مکین بلدیاتی مسائل اور کے الیکٹرک کی جانب سے جاری غیراعلانیہ لوڈ شیڈنگ باعث پانی کی قلت کے خلاف سراپا احتجاج خواتین اور بچے سڑکوں پر نکل آئے نشتر روڈ بلاک کردیا گیا تفصیلات کے مطابق کراچی کی یوسی 17 تھارولین جمشید ٹان کے مکین بلدیاتی مسائل حل نہ ہونے پر سڑکوں پر نکل آئے۔
لاہور: بلوچ یکجہتی کمیٹی کے زیراہتمام لاہور پریس کلب کے سامنے بہاؤالدین زکریا یونیورسٹی ملتان میںبلوچستان اور سابقہ فا ٹا کے طلباء کے اسکالرشپ کی بحالی کے لئے احتجاجی کیمپ لگایا
تربت: ایران سے متصل عبدوی بارڈر پر ڈرائیورز کو تنگ کرنے کے خلاف خواتین ایک بار پھر سراپا احتجاج۔ایک دن قبل بھی خواتین نے احتجاجاً ڈی سی آفس کے سامنے روڈ پر دھرنا دیا تھا۔عبدوی بارڈر پر تیل بردار گاڈیوں کے ڈرائیور کو مبینہ طور پر کئی ہفتوں تک روکنے اور ان سے جبری مشقت لینے کے خلاف رواں ہفتے خواتیں نے دوسری بار تربت میں احتجاج کیا ہے۔
تربت: ایف سی کی جانب سے ضلع کیچ میں ایک اور اسکول کی تعمیر و مرمت مکمل۔پاک فوج اور ایف سی بلوچستان ساؤتھ کی جانب سے علاقے کے تعلیمی اداروں کی سرپرستی کا سلسلہ جاری ہے۔ حال ہی میں گورنمنٹ پرائمری سکول شاہ زنگی کی عمارت ضروری مرمت اور تعمیر و تزئین کے بعد کھول دی گئی ہے۔
تربت: بی این پی عوامی کے مرکزی سینئر نائب صدر سابق صوبائی وزیر میر اصغر رند نے کہا کہ منشیات کے خلاف کیچ کے عوام سول سوسائٹی علاقائی معتبرین بی این پی عوامی کے کارکنوں کی جد و جہد قابل ستائش اور ان کی سماجی شعور کی غمازی کرتی ہے انہوں نے کہاکہ ایک منظم سازش کے تحت بلوچستان خصوصاً کیچ و مکران میں منشیات کا دھندہ عروج پر پہنچ گیا ہے ہر گاؤں و دیہات میں منشیات کا زہر بڑی تیزی کے ساتھ پھیل رہی ہے۔