پشاور میں عوامی نیشنل پارٹی کی انتخابی میٹنگ میں ہونے والے خودکش دھماکے میں شہیدہونے والوں کی تعداد 20 تک پہنچ گئی ہے،لیڈی ریڈنگ ہسپتال کے حکام کا کہنا ہے کہ منگل کی شب ہونے والے اس دھماکے کے مزید سات زخمی شہید ہو گئے ہیں۔
بلوچستان میں ترقیاتی وغیر ترقیاتی منصوبوں میں ریکارڈ کرپشن سب کے سامنے عیاں ہے، بلوچستان کی بیڈ گورننس کی بنیادی وجہ کرپشن ہے اوراس کے ذمہ دار صرف سیاستدان نہیں بلکہ یہاں کی افسر شاہی کا بھی اس میں بڑا ہاتھ ہے، گزشتہ برس جب نیب نے شواہد کی بنیاد پر چھاپہ مارا تو حکومت بلوچستان کا ایک سیکریٹری اربوں روپے کی کرپشن میں ملوث پایا گیا۔
ملک بھر میں اس وقت عام انتخابات کی تیاریاں عروج پر ہیں ملک کی بڑی سیاسی جماعتیں جلسے، جلوس، کارنرمیٹنگز اور ملک کے دیگر حصوں کے دورے کررہے ہیں ، سندھ،پنجاب، کے پی میں مرکزی جماعتوں کے قائدین کے بڑے جلسے منعقد ہورہے ہیں ۔ ایک دوسرے پر سبقت لے جانے کیلئے جہاں مسائل کو اجاگر کیاجارہا ہے وہیں ترقیاتی منصوبوں کو بھی گنوایاجارہا ہے ۔
جب سے نیب نے سیاسی جماعتوں کے قائدین سمیت اہم بیورو کریٹس پر ہاتھ ڈالا ہے اور ان کو سزائیں بھی سنارہی ہے تو دوسری جانب سیاسی جماعتوں نے اس بات پر زور دینا بھی شروع کردیا ہے کہ احتساب بلاتفریق سب کا ہونا چاہئے، تمام اداروں کے اندر موجود کرپٹ عناصرکو قانون کی گرفت میں لانا چاہئے۔
بلوچستان واحد صوبہ ہے جہاں بلدیاتی انتخابات سب سے پہلے ہوئے مگر اب تک اختیارات نچلی سطح تک منتقل نہیں ہوئے۔ گزشتہ چار سالوں کے دوران تین وزرائے اعلیٰ تبدیل ہوئے تینوں نے اپنے ادوار میں بلدیاتی اداروں کو فعال اور نچلی سطح تک اختیارات کی منتقلی کے وعدے کئے مگر وہ وعدہ ہی کیا جو وفا ہو۔
احتساب عدالت نے ایون فیلڈ ریفرنس کیس میں فیصلہ سناتے ہوئے نواز شریف، مریم نواز اور کیپٹن صفدر کو مجرم قرار دے دیا۔ نواز شریف کو 10 برس قید 80 لاکھ پاؤنڈ جرمانہ، مریم نواز کو سات سال قید 20 لاکھ پاؤنڈ جرمانہ جبکہ کیپٹن (ر) صفدر کو ایک برس قید کی سزا سنائی گئی۔
گزشتہ روز پاک چین اکنامک فورم کے دوران چینی حکام نے گوادر میں بجلی کی پیداوار کیلئے کول پاور پلانٹ لگانے کی تجویز دی تاکہ گوادر جو مستقبل میں معاشی حب بننے جارہا ہے جو سی پیک کا مرکز ہے، وہاں بجلی بحران ختم کیاجاسکے۔
امریکا کی جانب سے کہا گیا ہے کہ افغانستان میں 17 سال سے جاری بحران کے خاتمے کے لیے طالبان کا مذاکرات میں پیش رفت نہ کرنا قابلِ قبول نہیں، اس کے ساتھ امریکا نے پاکستان کو بھی عسکریت پسندوں پر دباؤ ڈالنے کا کہا۔امریکی اسٹیٹ ڈپارٹمنٹ میں جنوبی اور وسطی ایشیائی امور کے بیوروکی پرنسپل ڈپٹی اسسٹنٹ سیکریٹری ایلس ویلز نے یہ بات کابل کے دورے کے موقع پرکہی۔
نگران وزیراعلیٰ بلوچستان نے صحت اور تعلیم کے شعبوں کی ابتر صورتحال پر تشویش کا اظہار کرتے ہوئے کہا کہ صحت اور تعلیم کے شعبے بری طرح مسائل کا شکار ہیں اور ان کی بحالی حکومت کی اولین ترجیحات میں شامل ہے۔ریاست تمام دستیاب وسائل بروئے کار لاکر عوام کو صحت اور تعلیم کے شعبوں میں تمام ضروری سہولتیں مہیا کرنا چاہتی ہے۔ یہ مستقل پالیسی ہے اور حکومتوں کی تبدیلی سے اس پالیسی پر کوئی فرق نہیں پڑتا ۔
بلوچستان میں جہاں عام انتخابات کی مہم کاآغاز ہوچکا ہے وہیں بلوچستان کے سابق منتخب لیڈران کے درمیان سماجی ویب سائٹ پر لفظی جنگ جاری ہے،سوال یہ اٹھایاجارہا ہے کہ 70 سالوں کے دوران جمہوری وغیر جمہوری ادوار میں کس نے اپنے حلقے میں کیاکارنامہ سرانجام دئیے۔