Posts By: نامہ نگار

دالبندین: بلوچستان ایمپلائز ورکرز گرینڈ الائنس چاغی کے ضلعی صدر کامریڈ اللہ نور بلوچ۔جی ٹی اے بی چاغی کے ضلعی صدر خلیفہ نذیر ہیجباڑی۔ایپکا کے ضلعی صدر اسد اللہ غالب۔ پروفیسر اینڈ لیکچرر ایسوسی ایشن کے زاہد بڑیچ۔ حاجی عبدالطیف عادل۔قاری عبدالقدوس بدوزئی .سید لعل شاہ ساغر۔ڈاکٹر حامد گل یوسفزئی۔ میر نور علی سنجرانی۔ملک محمد آصف قمبرزئی اور سردار محمد اشرف جوشنزئی نے اپنے جاری کردہ مشترکہ بیان میں کہا کہ 25 فیصد ڈسپیریٹی الاونس صوبے کے ملازمین کا حق ہے وفاقی حکومت نے ملک میں بڑھتی ہوئی مہنگائی کے پیش نظر سرکاری ملازمین کی تنخواہوں میں 15 فیصد ڈسپیریٹی الاونس کا اعلان کردیا اور باقاعدہ طور پر نوٹیفکیشن جاری کر دی گئی۔

ڈھاڈر: ڈی پی او کچھی گل احمد سرپرہ کی خصوصی ہدایت پر ایس ایچ او ڈھاڈر مٹھا خان مغیری بمعہ پولیس پارٹی نے خفیہ اطلاع پر ڈھاڈر دربی کے قریب قومی شاہراہ پر چیکنگ کے دوران دوالگ الگ کاروائیوں میں دو موٹر سائیکلوں کے خفیہ خانوں سے11 کلواعلیٰ کوالٹی کے چرس بر آمد کرکے دو ملزمان کو گرفتار کرکے مقدمہ درج کرلیا۔

ڈھاڈر: سرکاری پرائمری اسکولزمیں تدریسی کتب تاحال میسر نہیں ہوسکے دو ہفتے سے زائد گزر چکا نئے تعلیمی سال کے آغاز کے باوجود تدریسی کتب کی فراہمی نہ ہونے سے طلباء طالبات کا وقت ضائع ہونے لگا۔

تفتان: ایرانی حکام نے 38 پاکستانی شہریوں کو تفتان انتظامیہ کے حوالے کردیا لیوز حکام کے مطابق پاک ایران سرحد پر گذشتہ روز 38 پاکستانی باشندوں کو تفتان سرحدی حکام کے حوالے کردیا۔

مستونگ: تعلیمی سال دو ہزار بائیس شروع ہے سرکاری و نجی سکولز کھلے دس دن گزر گئے مگر اسکولوں میں درس وتدریس کا عمل شروع نہیں ہوسکا،تعلیمی اداروں میں درس وتدریس کا عمل شروع نہ ہونا لمحہ فکریہ ہے۔

پنجگور:  پنجگور مسلم لیگ (ن )کے زیر اہتمام ڈویژنل ورکر کنونشن ڈسٹرکٹ کونسل ہال میں منعقد ہوا ،جس کے مہمان خاص صوبائی صدر جمال شاہ کاکڑ تھے جبکہ دیگر مہمانوں میں صوبائی نائب صدر عرض محمد بڑیچ ،جونیئر نائب صدر حاجی وارث خان اچکزئی ،نائب صدر حیدر خان ،صوبائی ترجمان شاکر محمد حسنی ،ڈویژنل صدر اشرف ساگر ،صوبائی رہنما عبدالقدیر بلوچ ،گوادر کے ضلعی جنرل سیکرٹری پرویز جمیل اور دیگر شامل تھے۔

ڈیرہ اللہ یار: بلوچستان حکومت کی جانب سے مال مویشیوں کی بین الصوبائی نقل و حرکت پر پابندی کے بعد ڈیرہ اللہ یار پولیس نے مال مویشیوں سے لدی ٹرک تحویل میں لے لی سندھ اور پنجاب سے بلوچستان میں داخل ہونے والی مال مویشیوں سے لدی گاڑیوں کو واپس بھیجنے کا سلسلہ بھی جاری ہے۔

سوراب: پاکستان تحریک انصاف کے مرکزی رہنماء صوبائی مشیر توانائی محسن سوراب نواب زادہ میر نعمت اللہ خان زہری کی چیف انجینئر کیسکو سے ملاقات۔ملاقات میں حلقہ انتخاب میں بجلی کے درپیش مسائل کے بارے میں تفصیلی کفتگو کیاگیا۔

بھاگ: جاموٹ قومی موومنٹ کے سینئیر رہنما کامریڈ نوراحمد جاموٹ نے اپنے جاری بیان میں بھاگ میں پانی کے بحران پر سپریم کورٹ کے فیصلے پر عمل درآمد نہ کرنے پر تشویش کا اظہار کرتے ہوئے کہا ہے کہ بھاگناڑی کے دیہاتوں میں پینے کے پانی کا شدید بحران ہے۔

مستونگ: ڈپٹی کمشنر مستونگ سلطان محمد بگٹی نے کہاہے کہ ہم سب کو مستونگ کی ترقی و خوشحالی کے لیئے مل کر کردار ادا کرنا ہوگامستونگ کے عوام کی فلاح و بہبود تعلیم و صحت سمیت تمام شعبوں میں بہتری و ترقی کیلئے سیاسی و سماجی جماعتیں ، قبائلی عمائدین اور تمام مکاطب فکر کے لوگوں کو اپنا کردار ادا کرناہوگا۔۔کیونکہ مشترکہ کاوشوں کے بغیر علاقے کی تعمیر و ترقی اور خوشحالی ممکن نہیں ہیامن و امان پر کوئی سمجھوتہ نہیں کرینگے۔