خاران: خاران میں کرونا وائرس کے روک تھام کیلئے ڈپٹی کمشنر خاران ڈاکٹر خدایرحم میروانی کے زیر صدارت اجلاس منعقد ہوا اجلاس میں ایم پی اے خاران ثناء بلوچ ایڈمنسٹریٹر میونسپل کمیٹی خاران سیدانورشاہ اسسٹنٹ کمشنر خاران ملک نثار احمد بازار پنچائت کے صدر شیخ منیر احمد ال پارٹیز کے رہنماوں مولنا عظمت اللہ منظور احمد رند ندیم بلوچ حاجی اصغر ملنگزئی حاجی محمد عارف بڑیچ حاجی عظیم بڑیچ طاہر شہباز ایڈووکیٹ مولانا شکراللہ حاجی نصرت مینگل۔
نوکنڈی: قبائلی و الفتح پینل کے سرکردہ رہنما ملک حاجی احمد خان مشوانی نے ایک بیان میں کہا کہ نوکنڈی کی یوٹیلیٹی اسٹورز میں اشیاء خوردنوش و دیگر گھریلوسودا سلف کی عدم فراہمی سے عوام کو مشکلات کا سامنا ہے
نوکنڈی:نوکنڈی میں گیارہویں روز سے لاک ڈاؤن سے بازار بند اور نیشنل بینک دوسرے دن بند ہونے سے صارفین کو مشکلات کا سامنا کرنا پڑا
چمن : پاک افغان سرحد باب دوستی کے مقام پر پاک افغان سرحدی فورسز کی جانب سے مشترکہ اجلاس جس میں باب دوستی پرٹریڈ کی بحالی کے حوالے سے بات چیت کی گئی اوریہ امکان ظاہرکیاگیا اجلاس میں افغان دونوں حکام نے ٹریڈ کی بندش سے دونوں ممالک کے عوام کو درپیش مشکلات کے بارے میں بھی اظہار خیال کیاگیا۔
چمن : کنوینر چمن مصالحتی جرگہ و گلستان امن جرگہ سنیئر رہنماء چمن چیمبرآف کامرس انڈسٹری حاجی عبدالباری ادرکزئی،شیخ الحدیث مولانا عبدالکریم،حاجی جانان اردوزئی،جمعیت علماء اسلام کے رہنماء مولوی محمدمیر اوردیگر نے ہنگامی پریس کانفرنس سے خطاب کرتے ہوئے کہاکہ جب سے کروناء وائرس کی وباء پھوٹ پڑی ہیں اسوقت سے پاک افغان سرحد باڈر کو ہرقسم کی آمدروفت کیلئے سیل کردیاگیاہیں جس سے پیدل آمدروفت کے ساتھ ساتھ تجارتی سرگرمیاں بھی مکمل طورپر معطل ہوچکی ہے پاک افغان سرحد کی بندش سے چمن میں بے روزگاری بڑھ گئی ہیں۔
قلات: قلات کے یونین کونسل پندران میں اتفاقیہ گولی چلنے سے نوجوان جانبحق۔
کوہلو : ڈپٹی کمشنر کی خصوصی ہدایت پررسالدار میجر شیر مری کی سربراہی میں لیویز اہلکاروں نے دیہی اور شہری علاقوں میں سینکڑوں دیہاڑی دار اور مستحق افراد میں راشن تقسیم کردیے ہیں راشن میں آٹا،چینی،دالیں اور اشیاء خوردونوش شامل ہیں۔
کوہلو: صوبہ بھر کی طرح کوہلو میں بھی گیارہویں روز لاک ڈاؤن جاری رہا،جمعہ کے باعث شہر میں صبح 8بجے سے دوپہر 2بجے تک مکمل لاک ڈاؤن رہا اور ڈپٹی کمشنر نے تمام علمائے کرام سے جمعہ کے اجتماعات منسوخ شہر کے تمام داخلی و خارجی راستوں کو مکمل بند کردیا گیا جبکہ شہر میں لیویز و پولیس کے بھاری نفری کا گشت جاری رہا۔
لورالائی : ڈی ایچ کیو ہسپتال لورالائی کے ممتاز معالج سینئر ڈاکٹر محمد کبیر کاکڑ نے کہا ہے کہ کرونا وائر س سے حفاظت اسی صورت ممکن ہے کہ ہم خود کو گھروں کے اندر محدود کر لیں غیر ضروری طور پر گھروں سے باہر نہ نکلیں کیونکہ یہ وائر س ہیومیں ٹو ہیومن پھیلتا ہے۔
ڈیرہ اللہ یار: صوبائی وزیر ٹرانسپورٹ و بین الصوبائی امور میر عمر خان جمالی کی خصوصی ہدایت پر میونسپل کمیٹی کے عملے نے کورونا وائرس کے پھیلاؤ کو روکنے کے لیے شہر کی سڑکوں کی دھلائی شروع کردی جبکہ جراثیم کش اسپرے مہم بھی جاری ہے۔