قلات: ملک کے دیگرحصوں کی طرح قلات میں بھی جمعہ کی نمازیں مساجد میں نہیں ہو سکیں لوگوں نے اپنے گھروں میں پنجگانہ نمازیں ادا کیں جبکہ ضلعی انتظامیہ انتظامیہ کی جانب سے قلات میں مکمل طور پر لاک ڈاؤن کیا گیا جس کے تحت میڈیکل اسٹور کرینہ اسٹور یوٹیلیٹی اسٹور سمیت تمام کاروباری مراکز بھی بند رہے۔
بھاگ: بلوچستان بھر کی طرح بھاگ شہر میں بھی کرونا وائرس کی روک تھام شہریوں کی حفاظت کے لیئے لاک ڈاؤن جاری ہے روزانہ کی بنیاد پر کام کرنے والے مزدور دو وقت کی روٹی کے لیئے ترس گئے۔ حکومت اپنے وعدوں پر عمل در آمد یقینی بنائے اور غریبوں و مزدوروں کو ماہانہ خرچ دیا جائے۔
لورالائی : بلوچستان حکومت کی طرف صوبے کی دیگر شہریوں کی طرح لورالائی کے شہریوں کو گھروں میں رہنے کی اپیل کی تھی اوریہ بھی کہا گیا تھا کہ شہر میں کسی بھی جگہ گاڑیوں دکانوں اور دیگر جگہوں پر چار سے زیادہ افراد کے ایک ساتھ کھڑے رہنے والوں کے خلاف کاروائی کی جائے گی اور چار سے زائد افراد کو دیکھ کر گرفتار کرلیا جائے گا۔
لورالائی : سیکرٹری کالجز اینڈ آئیر ٹیکنیکل ایجوکیشن محمد ہاشم غلزئی کورونا وائرس کے حوالے سے انتظامات کا جائزلینے کیلئے لورالارئی میڈیکل کالج کا دورہ کیا وہاں پر کورونا وائرس کے حوالے سے بنائے گئے آئسولکیشن وارڈ ز اور مختلف شعبوں کا معائنہ بھی کیا۔
ماشکیل: بلوچستان نیشنل پارٹی واشک کے ضلعی ترجمان نصیر کبدانی نے اپنے ایک جاری کردہ بیان میں پاکستان اور ایران کے سرحدی علاقے ماشکیل میں غیر تسلی بخش انتظامات پر شدید تحفظات کا اظہار کرتے ہوئے کہا کہ وفاقی حکومت اور صوبائی حکومت چالیس ہزار آبادی پر مشتمل سرحدی علاقے کے لوگوں کے ساتھ مذاق بند کریں اس وقت ماشکیل کے لوگ انتہائی خوف کی حالت میں زندگی بسر کر رہے ہیں۔
نوکنڈی: ڈپٹی کمشنر چاغی آغا شیرزمان کی ہدایت پر تحصیلدار نوکنڈی عرفان خان خلجی کی کاروائی،نوکنڈی کے مقام پر افغانستان سے غیرقانونی طور پر داخل والے ازبک باشندے گرفتار۔
چمن: چیف آفیسر میونسپل کارپوریشن حافظ محمد سلیم اچکزئی کی نگرانی میں سینٹری انسپکٹر اصغراچکزئی کی سربراہی میں لیبر ٹیموں نے میں مختلف شاہراہوں اور روڈوں پر صفائی اور ستھرائی کا کام جاری رکھا کرونا ائرس سے بچاؤ کیلئے صفائی اور اسپرے کاکام میونسپل کارپوریشن کی جانب سے عرصہ دراز سے جاری ہیں ۔
چمن: پوری دنیا کوکروناء وائرس نے اپنی لیٹ میں لینا شروع کردیا جبکہ کئی ممالک نے لاک ڈاؤن شروع کردیا اور پورے صوبے بلوچستان میں بھی لاک ڈاؤن شروع ہوگیاہے جس کی وجہ سے چمن شہربھی جزوی طورپر بند ہوگیاہیں۔
چمن: چمن کے علاقے محمود آباد میں لیویز فورس اور ڈاکوؤں کے مابین فائرنگ کا تبادلہ ہوا جس کے نتیجے میں 2ڈاکوؤں کو زخمی حالت میں گرفتار کرلئے گئے۔
کوہلو: کوہلو میں کورناوائرس کے پیش نظرتیسرے روز بھی مکمل لاک ڈاؤن رہا شہر کے تمام کاروباری مراکز شاپنگ مالز مارکیٹیں‘ہوٹلز اور بین الصوبائی ٹرانسپورٹ،اندرون صوبہ، انٹرا سٹی ٹریفک مکمل طور پر بند رہا تاہم میڈیکل سٹور، کریانہ سٹور،سبزی،گوشت،نان بائی کی دکانیں کھلی رہی ہیں۔