سبی: سابق چیئرمین میونسپل کمیٹی و سرپرست اعلیٰ انجمن تاجران سبی حاجی محمد داؤد رند نے کہا ہے کہ ملک بھر میں وبائی مرض کورونا وائرس کی وجہ سے ایمر جنسی نافذ ہے اور ملک بھر کی طرح سبی میں بھی ضلعی انتظامیہ کے حکم پر شہر کو لاک ڈاؤن کردیا گیا ہے جس کی وجہ سے لوگ گھروں تک محدود ہوکررہ گئے ہیں۔
نوشکی: بلوچستان نیشنل پارٹی کے رکن وایم پی اے نوشکی بابو میر محمد رحیم مینگل نے وفاقی حکومت کی جانب سے پیٹرولیم مصنوعات میں فی لیٹر صرف 15 روپے کی کمی کے فیصلے کو مسترد کرتے ہوئے کہا کہ پیٹرولیم مصنوعات بین الاقوامی منڈی میں تاریخ کے کم ترین سطح پر آچکے ہیں لیکن وفاقی حکومت کی جانب سے موجودہ کمرتھوڑمہنگائی میں پسے ہوئے عوام کو اس مد میں دیا جانے والا ریلیف انتہائی غیر معقول ہے۔
مستونگ: نیشنل پارٹی مستونگ کے رہنماء کامریڈ بشیر آحمد بنگلزئی نے اپنے جاری کردہ ایک بیان میں کہا ہے کہ کیسکو کی جانب سے سورگز غنجہ ڈھوری اولڈ لکپاس اور نواحی علاقوں کے دیگر فیڈرز پر بجلی لوڈشڈنگ کا دورانیہ21 گھنٹہ کرنے کے بعد اب دوبارہ لوڈشیڈنگ کا پرانا شیڈول 18 گھنٹہ بحال کر دی ہے لیکن اس سے زمیندار طبقے کو کوئی فائدہ نہیں ہوا۔
ڈھاڈر: کرونا وائرس کے خطرے کے پیش نظر ڈھاڈر میں مکمل لاک ڈاؤن،ذخیرہ اندوزی کرنے والوں کی چاندی اشیاء خردونوش کی قیمتوں میں دوسو گنااضافہ کوئی پوچھنے والا نہیں انتظامیہ پرائس کنٹرول کمیٹی کو فعال بنائے عوامی حلقوں کا مطالبہ۔
سبی : وزیراعلیٰ بلوچستان جام کمال نے کہاہے کہ صوبے میں لاک ڈاؤن پر عملدرآمد کو ہر صورت یقینی بنایا جائیگا۔
نوکنڈی : محکمہ داخلہ کے احکامات پہ نوکنڈی میں بھی جزوی لاک ڈاؤن، میڈیکل اسٹور پرچون، گوشت، سبزی فروش اور تنور کھلے رہے بازار میں ٹریفک اور رش بھی انتہائی کم رہی۔
نوشکی: بلوچستان نیشنل پارٹی نوشکی کے ضلعی بیان میں ضلعی انتظامیہ سے کہا گیا ہے کہ افراتفری نفسانفسی اور ذہنی کشمکش کے ماحول کو جنم لینے اور پروان چڑھانے سے روکنے کے لئے ذخیرہ اندوزی اور بلیک مارکیٹنگ کی خاتمہ کو یقینی بنانے کے لئے تھوس جامع اور پائیدار عملی اقدامات کرنے کے ساتھ روزانہ اجرتی بنیادوں اور چھو ٹے کاروبار کرنے والوں کے زندگی کو رواں رکھنے کے لئے ہنگامی بنیادوں پر توجہ دیں بیان میں کہا گیا ہے۔
قلات: ڈپٹی کمشنر قلات شہیک بلوچ کی خصوصی ہدایت پر قلات میں میونسپل کمیٹی کی جانب سے شہر کے مختلف علاقوں میں کرونا وائرس سے بچاؤ کے لیئے اسپرے کیا گیامہم میں میونسپل کمیٹی کا چیف آفیسر اور دیگر عملہ نے حصہ لیا۔
نوشکی : بلوچستان نیشنل پارٹی کے رکن سینٹرل کمیٹی و ایم پی اے نوشکی میر بابومحمد رحیم مینگل نے کہا کہ کرونا وائرس سے دنیا بھر کے ترقی یافتہ اقوام جس طرح سے متاثر ہورہے ہیں اس کی نظیر پہلے کبھی نہیں دیکھی گئی ہے۔
کوہلو : کورونا وائرس کے پیش نظر کوہلو میں لیویز فورس کی جانب سے شہر کے مختلف گلی محلوں میں جراثیم کش اسپرے کیا جارہا ہے۔