بھاگ: شہید بینظیر بھٹو بلڈبینک ویلفیئر سوسائٹی بلوچستان کے زیر اہتمام اپنی مدد آپ کے تحت تنظیم کے صدر حسین بخش سولنگی،جنرل سیکرٹری ملک محمدابراہیم شاہوانی نے لوگوں میں کورونا وائرس جیسے موذی اور خطرناک مرض سے بچنے کیلئے سینکڑوں ماسک تقسیم کیئے اور عوام کو موذی مرض سے بچا ؤ کیلئے احتیاطی تدابیر سے بھی آگاہ کیا۔
کوہلو: ڈپٹی کمشنر کوہلو عبداللہ کھوسہ نے کہا ہے کہ حکومت کرونا وائرس کی روک تھام کیلئے اقدامات کررہی ہے عوام کے تعاون سے ہی کرونا وائرس پر کنٹرول ممکن ہے ہر کوئی اپنے صحت اور صفائی کا خاص خیال رکھے گھروں سے باہر نہ نکلیں یہ اقدامات عوام کی بہتری اور حفاظت کیلئے ہیں۔
ڈھاڈر: ڈھاڈر رندعلی بازار میں نامعلوم چور ہندوبرادری کے دو دکانوں میں نقب زنی کرکے لاکھوں روپے لیکر رفو چکر،واقعہ کے بعد تاجران،سیاسی سماجی رہنماؤں کا احتجاج شٹر ڈاؤن ہڑتال،احتجاجی ریلی چوری کی بڑھتی ہوئی وارداتیں باعث تشویش ہیں،حاجی خان جتوئی، نصیر احمد بنگلزئی،مولانا حافظ یعقوب۔
ڈیرہ مراد جمالی : وزیراعلی بلوچستان جام کمال خان نے ڈیرہ اللہ یار ترکش کالونی میں کرونا وائرس کے مریضوں کیلئے بنائے جانے والے قرنطینہ کے دورے پر جب لگائے ہینڈ سینٹائزر (Hand Sanitizer)سے ہاتھ صاف کر رہے تھے۔
ڈیرہ اللہ یار: کورونا وائرس کے پیش نظر ضلعی انتظامیہ نے صوبائی حکومت کے احکامات پر شہر میں لاک ڈاون کردیا ہے۔
لورالائی : آل پاکستان میڈیکل ایسوسی ایشن کے صدر ڈاکٹر محمد کبیر کاکڑ محمد جنرل سیکرٹری سید عبدالباری سینئر نائب صدر ڈاکٹر یعقو ب خان کاکڑپریس سیکرٹر ی ڈاکٹر محمد جہانگیر ڈاکٹر احسان اللہ غلزئی ڈاکٹر جعفر خان غلزئی ڈاکٹر محمد امین کاکڑ ڈاکٹر بہادر خان کدیزئی ڈاکٹر امجد اور مجیب خان ناصر نے ٹیچنگ ہسپتال لورالائی میں ایک پرہجوم پر یس کانفرنس سے خطاب کرتے ہوئے کہا ہے کہ کرونا وائرس نے پوری دینا کو لپیٹ میں لیا ہوا ہے اور پاکستان میں بھی کافی حد تک پھیل چکا ہے۔
ڈیرہ مراد جمالی: نصیرآباد کی 80فیصددیہی آباد ی کرونا وائرس سے لاعلم شادی کی تقریبات ہوٹل سرعام کھلے ہوئے ہیں جبکہ دیہی آباد ی کے رہائشیوں نے کرونا وائرس سے بچنے کیلئے ماسک صابن سے ہاتھ دھونے کے بجائے اپنے بچوں عورتوں اور جانوروں کو قر آن پاک کے نیچے سے گزارنا اور مرشدوں درگاہوں میں دعائیں کرانا شروع کردیا ہے۔
پنجگور : سیکر ٹری فنانس نورالحق بلوچ اور سکریٹری سوشل ویلفیئر عبدالرؤف بلوچ کا ڈسٹرکٹ ہیڈکوارٹر ہسپتال کا دورہ ڈپٹی کمشنر پنجگور شفقت انور شاہوانی نے ضلع کی مجموعی صورت حال اورانسداد کورونا سے متعلق تیاریوں اور انتظامات کے حوالے سے انھیں بریفنگ دی۔
مستونگ: نیشنل پارٹی مستونگ کے ضلعی ترجمان نے اپنے جاری کردہ ایک بیان میں کیسکو کی جانب سے مستونگ کے نواحی علاقوں کی تمام فیڈرز پر بجلی لوڈشڈنگ کا دورانیہ21 گھنٹہ کرنے کی شدید الفاظ میں مذمت کرتے ہوئے کہا کہ موجودہ کٹ پتلی و سلیکٹڈ حکومت اور کیسکو کی اس ظالمانہ اورعوام و زمیندار دشمن اقدام سے ایسا لگتا ہے کہ بلوچ علاقوں سے زراعت اور کھتی باڑی کا شعبہ تباہ و برباد کر کے بلوچستان کو صحرا میں تبدیل کرنے اورزمینداروں کی اجتماعی خودکشی کا منصوبہ بندی مکمل کر لی ہے۔
لورالائی : صوبائی وزیر صنعت وتجارت حاجی محمد خان طور اوتمانخیل نے کہا ہے کہ صوبائی حکومت وزیر اعلی جام کمال علیانی کی قیادت میں کورونا وائرس کی روک تھام کیلئے جنگی بنیادوں کر اقدامات کررہی ہے۔