سبی: وائس چانسلر میر چاکر خان رند یونیورسٹی سبی پروفیسر ڈاکٹر علی نواز مینگل نے کہا ہے کہ جدید چیلنجز سے نمٹنے کے لئے ہمیں نئی نسل کو تعلیم یافتہ بنانا ہوگا تاکہ ملک وقوم کی درست سمت میں بہتر انداز سے رہنمائی ممکن ہوسکے میر چاکر خان رند یونیورسٹی نہ صرف سبی نصیر آباد جعفرآباد ڈیرہ بگٹی سوئی ہرنائی بلکہ پورے بلوچستان کے لئے مثالی بنائیں گے۔
آواران : آواران کے باسیوں نے پاسپورٹ آفس کی بحالی کا مطالبہ کر دیا۔ پاسپورٹ آفس صرف ایک ماہ تک بحال رہا۔ گزشتہ دو سال سے تالہ بندی کا شکار ہے۔ تالہ بندی کو ختم کرکے زمہ داراں کو ڈیوٹی پر حاضر کرکے پاسپورٹ آفس آواران کا نظام بحال کیا جائے۔
تمپ: تمپ کے پہاڑی علاقہ سے دو لاشیں برامد۔ لیویز کے مطابق تمپ کے پہاڑی علاقہ شاہاپ سے دو افراد کی لاشیں ملی ہیں۔
خضدار: پاکستان میں یورپین یونین کی سفیراینڈرولا کامینارا نے کہا ہے کہ بلوچستان کے عوام کی فلاح و بہبود کے لیئے مختلف شعبوں میں ترقیاتی منصوبوں پر کام جاری ہے یہ جان کر کہ عوام ان اسکیموں کے ثمرات سے بھرپور فائدہ اٹھارہے ہیں بڑی خوشی ہوئی ہے۔
بھاگ: نیشنل پارٹی تحصیل کے زیراہتمام بھاگ تحصیل کے بنیادی مسائل کے حل کیلئے عظیم الشان احتجاجی ریلی اور جلسہ عام منعقدہوا احتجاجی ریلی مختلف شاہراہوں سے ہوتی ہوئی مین بازار میں جلسہ عام کی شکل اختیار کرگئی احتجاجی ریلی اور جلسہ عام کی صدارت نیشنل پارٹی کے صوبائی کسان سیکرٹری عبدالستار بنگلزئی نے کی جبکہ مہمان خاص نیشنل ڈیموکرٹیک پارٹی کے رہنماواجہ چنگیز حئی بلوچ تھے۔
ماشکیل : بلوچستان نیشنل پارٹی واشک کے ضلعی صدر انجینئر سیف الرحمن عیسی زئی ضلعی ترجمان نصیر کبدانی نے اپنے ایک جاری کردہ مذمتی بیان میں کہا ہے کہ مخالفین اپنے ادوار میں ان خالی آسامیوں پر تعیناتی نہ کرنے کی اپنی نااہلی کو چھپانے کی خاطر ایم پی اے خاران واجہ ثنا بلوچ پر بلا جواز تنقید کرکے سادہ لو عوام کو دھوکہ دینے کی کوشش کر رہے ہیں۔
خضدار: معروف سماجی رہنما ڈکٹر خلیل احمد بہلول نے بلوچستان عوامی پارٹی کے رہنما حاجی نور الدین چھٹہ،گورنمنٹ ٹیچر ایسوسی ایشن بلوچستان کے نائب صدر میر شہباز خان قلندرانی مسلم لیگ ن کے تحصیل صدر ڈاکٹر حضور بخش زہری،ارشاد غنی ایڈوکیٹ، بی این پی (عوامی)کے رہنماء صدام بلوچ کے ہمراہ خضدار پریس کلب میں پریس کانفرنس کرتے ہوئے کہا۔
اوستہ محمد : وفاقی وزیر نجکاری میاں محمد سومرو نے کہا ہے کہ موجودہ حکومت عوام کے مسائل کو حل کر نے کے لئے کوشاں ہیں پی ٹی آئی حکومت اپنی اتحادیوں سے ملکر ملک کو ترقی کی طرف گامزن کریگی سی پیک منصوبے سے بلو چستان ترقی اور خوشحالی کی طر ف بڑے گی ملک میں مہنگائی کو کنٹرول کرنے کے لئے حکومت اقدامات کر رہی ہے گوادر کو مالکانہ حقوق دئیے جارہے ہیں۔
مستونگ: قومی شاہراہ پر ڑلی کے مقام پر مال بردار کوچ اور آلٹو کار میں خوفناک تصادم۔حادثے میں خاتون سمیت دو پولیو ورکرز شہید۔
ڈیرہ اللہ یار: ملک بھر میں آٹے کے بحران کے پیش نظر پاسکو زون جعفرآباد کی جانب سے سندھ فوڈ اتھارٹی کو بڑی مقدار میں گندم کی فراہمی شروع ہوگئی ہے پاسکو ڈیرہ اللہ یار کے گودام سے ہزاروں ٹن گندم بڑی گاڑیوں میں لاد کر سندھ منتقل کی جارہی ہے۔