آواران: بلوچستان ایجوکیشن سسٹم نے آواران میں گزشتہ ایک ہفتے کی مہم جوئی کے دوران 176ایسے سکولوں کا سرغ لگایا ہے جو بند ہیں۔ 104سکول وہ ہیں جو 2018 کو منظور ہوئے تھے مگر تعلیمی سلسلہ تاحال شروع نہیں کیا جا سکا۔ کئی سکول ایسے ہیں جو 15یا 20 سالوں سے بند ہیں۔ کئی سکول عمارات سے محروم ہیں۔ جن کی عمارتیں ہیں وہ خستہ حال ہیں۔
کوہلو + اوستہ محمد: جامعہ بلوچستان میں طالبات کو سی سی ٹی وی کیمروں کے ذریعے بلیک میل کرکے حراساں کرنے کے خلاف بلوچستان نیشنل پارٹی(عوامی)کا کوہلو شہر میں احتجاج ریلی مظاہرہ یونیورسٹی میں ایسے معاملات نااہل وائس چانسلر کی ناک کے نیچے ہوتے رہے۔
کوہلو: کمانڈر سدرن کمانڈ لیفٹیننٹ جنرل وسیم اشرف نے کیڈٹ کالج کوہلو کا دورہ کیا پرنسپل کیڈٹ کالج کوہلو کرنل رضا محمد تنولی نے کمانڈر سدرن کمانڈ کا کیڈٹ کالج کوہلو پہنچنے پر شاندار استقبال کیا، کیڈٹس نے کمانڈر سدرن کمانڈ کو گارڈ آف آنر پیش کی۔
آواران : تحصیل جھاؤ آواران میں 87سکول بند۔ ناقص تعلیمی منصوبہ بندی اور علاقائی نمائندگان کی لاتعلقی نے تعلیمی نظام کو تباہی کے دہانے پر پہنچا دیا۔ مستقبل کے معماروں کی زندگی داؤ پر۔
ڈھاڈر: کچھی یوتھ اتحاد کے زیر اہتمام صدر منظور بلوچ کی قیادت میں بلوچستان یونیورسٹی جنسی ہراسمنٹ اسکینڈل کے خلاف پریس کلب ڈھاڈر کے سامنے احتجاجی مظاہرہ کیا گیا قبل ازیں شاہی چوک سے ریلی نکالی گئی۔
ڈھاڈر: کچھی کی تحصیل سنی کے علاقے تالار کے قریب ڈاکوؤں کی فائرنگ سے دو نوجوان سگے بھائی جاں بحق جوابی فائرنگ سے ایک ڈاکو بھی موقع پر ہلاک مقامی لیویز نے نعشوں کو سول ہسپتال ڈھاڈرمنتقل کردیا۔
حب : جمعیت علماء اسلام ودیگر اپوزیشن جماعتوں 27اکتو بر کو حب سے اسلام آباد آزادی مارچ میں شرکت کیلئے روانہ ہوگی اگر ہمارے قافلے کو روکنے کی کوشش کی گئی تو حب سے بلوچستان تک ہر اضلاع میں دھر نا دیاجائے گا جس کے ذمہ دار وفاقی وصوبائی حکومت ہوگی ہم آئین اور پرامن احتجاج کے طور پر اسلام جانا چاتے ہیں۔
ڈیرہ مراد جمالی : نصیرآباد میں محکمہ مواصلات وتعمیرات کی کروڑوں کی گھوسٹ سڑکوں کی اطلاعات اور کاغذی کارروائی میں دو سے تین مرتبہ بنانے پر چیف سیکریڑی بلوچستان نے کمشنر نصیرآباد سے انکوائری کرنے کیلئے مراسلہ جاری کردیا تحصیل تمبو کے علاقے آر ڈی ساٹھ بالان شاخ کی سڑکوں کی عدم تعمیر کا نوٹس لے لیاگیا کی محکمہ مواصلات وتعمیرات نصیرآباد کے آفیسروں میں کھلبلی مچ گئی۔
نوکنڈی: نوکنڈی آر ایچ سی جسے حال ہی میں ٹی ایچ کیو ہسپتال کا درجہ دیا گیا ہے گزشتہ چھ مہینوں سے ہسپتال میں ادویات کی عدم فراہمی سمیت ڈاکٹرز کی تقرری نہ ہونے سے مریضوں کو علاج معالجے میں مشکلات کا سامنا ہے ۔
سبی: بلوچستان یونیورسٹی کوئٹہ میں طلباء و طالبات کو بلیک میل اور ہراساں کرنے کے خلاف میں آل پارٹیز اور سول سوسائٹی کی جانب سے احتجاجی مظاہرہ،میونسپل کمیٹی سے سبی پریس کلب تک احتجاجی ریلی،ریلی کے شرکاء نے اپنے ہاتھوں میں پلے کارڈز اور بینرز اٹھا رکھے تھے،جس پر وائس چانسلر سمیت ذمہ داروں کے خلاف نعرے درج تھے۔