سبی: بلوچستان یونیورسٹی کوئٹہ میں طلباء و طالبات کو بلیک میل اور ہراساں کرنے کے خلاف میں آل پارٹیز اور سول سوسائٹی کی جانب سے احتجاجی مظاہرہ،میونسپل کمیٹی سے سبی پریس کلب تک احتجاجی ریلی،ریلی کے شرکاء نے اپنے ہاتھوں میں پلے کارڈز اور بینرز اٹھا رکھے تھے،جس پر وائس چانسلر سمیت ذمہ داروں کے خلاف نعرے درج تھے۔
ڈھاڈر: ملک کی تمام سیاسی جماعتوں کو یکسوئی کے ساتھ ملکر ملکی اندرونی بیرونی طاقتوں کا مقابلہ کرنا چاہیئے موجودہ وقت آزادی مارچ کیلئے مناسب نہیں،ملک میں شفاف انتخابات نہیں ہوتے دھاندلی کا نہیں کہتا لیکن “استادی “ہوجاتی ہے۔
کوہلو: سابق صوبائی وزیر داخلہ نوابزادہ گزین مری کا ضلع لورالائی کے علاقہ چمالنگ کا دورہ،مری قبائل کے ہزاروں افراد نے نوابزادہ گزین مری کا شایان شان طریقے سے استقبال کیا۔
قلات: قلات کے علاقے گیاواندراہ میں مسلح شخص کی فائرنگ سے خاتون سمیت دو افراد جا ں بحق ہوگئے ہیں قلات لیویز کے مطابق قلات سے پچاس کلومیٹر دور گیا۔
حب: لسبیلہ گوادر سے منتخب رکن قومی اسمبلی محمد اسلم بھوتانی نے حب میں میڈیا سے گفتگو کرتے ہوئے کہا کہ حب شہر میں خستہ حال قومی شاہراہ کی مرمت کے کام کے ٹینڈرز تین مرتبہ ہوئے مگر کسی ٹھیکیدار نے حصہ نہیں لیا بار بار ایک ٹھیکیدار کی شرکت کی وجہ سے محکمہ نیشنل ہائی ویز اتھارٹی نے ٹھیکہ دینا مناسب نہیں۔
حب : لسبیلہ گوادر سے منتخب رکن قومی اسمبلی اسلم بھوتانی گڈانی جیل میں قتل ہونے والی لیڈی کانسٹیبل کے گھر گڈانی پہنچ گئے لواحقین سے تعزیت کی۔
مچھ: مچھ تیل سے بھری ٹینکر الٹ گیا 3افراد زخمی تیل سڑک پر بہہ گیا پھسلن پیدا ہونے کی وجہ سے ٹریفک کی روانی متاثر عین اسوقت بارش کا جم کر برسنا باعث رحمت بن گئی اور سڑک پر بہہ والے تیل کو بارشی پانی اپنے ساتھ لے گئی او ر پھسلن ختم ہوتے ہی قو می شاہراہ ہرطرح کی ٹریفک کیلئے بحال ہوگئی۔
ڈیرہ مراد جمالی : اوچ پاور پلانٹ ڈیرہ مراد جمالی میں پاور پلانٹ کی سالانہ شیڈون کے دوران مقامی مزدوروں کو بے دخل کرنے ودیگر صوبوں سے لیبر منگوانے پر مزدروں کا احتجاج اور بلوچستان عوامی پارٹی کے سنیئررہنما سابق صوبائی وزیر میر عبدالغفور لہڑی کی قیادت میں ڈپٹی کمشنر نصیرآباد سے ملاقات مسائل سے آگاہ کیا تفصیلات کے مطابق ڈیرہ مراد جمالی کے اوچ پاور پلانٹ میں سالانہ شیڈون کے دوران پاور پلانٹ میں ضروری کام کے سلسلے میں سینکڑوں کی تعداد میں دیگر صوبوں سے مزدور منگوانے اور مقامی مزدوروں کو نظر انداز کرنے کے خلاف مقامی مزدوروں نے پریس کلب کے سامنے احتجاج کیا۔
صحبت پور: محکمہ صحت کا پرائیویٹ پریکٹیشنرزکیخلاف کاروائی متعددکلینکس سیل۔پرائیوئیٹ پریکٹیشنرز کے کلینکس کی بندش کیخلاف ضلع بھر میں پرائیوئیٹ پریکٹیشنرزاور میڈیکل اسٹورزاحتجاجاََ بند عوام کو شدیدمشکلات کا سامنا۔تفصیلات کے مطابق محکمہ صحت کی جانب سے ضلع صحبت پور میں پرائیوئیٹ پریکٹیشنرزکیخلاف کاروائی متعددکلینکس بند۔
کرخ : بلوچستان نیشنل پارٹی کے مرکزی سربراہ قائد بلوچستان سردار اختر جان مینگل نے کہا ہے وفاقی حکومٹ کے ساتھ کسی وزارت یا ذاتی مفادات کے لئے ہمارے پارٹی کامعاہدہ نہیں ہوا ہے بلکہ چھ نکات پر معاہدہ ہوا ہے ایک سال گزرنے کے باوجود سست روی پر ہمارے پارٹی کے تحفظاٹ ہیں حلقہ انتخاب سمیت صوبہ کے عوام کے مشکلات اور مسائل سے بخوبی اگاہ ہوں۔