ڈھاڈر: وزیر اعظم پاکستان کے معاون خصوصی رکن صوبائی اسمبلی چیف آف رند قبائل سردار یار محمد رند نے کہا ہے کہ جمہوریت کو بچانے کے دعویدار اصل میں اپنی کرپشن کو بچانے کیلئے ایک پیج پر آئے ہیں ن لیگ اور پی پی پی کی حکومتوں نے عوام کو قرضوں کے منوں مٹی بوجھ تلے دبا دیا ملک کی معیشت کی ابتری کے ذمہ دار بھی یہی لوگ ہیں،ضلع کچھی میں حالیہ بارشوں کے بعد تباہی سے انتا ریلیف متاثرہ خاندانوں کو نہیں مل سکا۔
بھاگ : تحصیل بھاگ میں مہنگائی عروج پر دکاندار اپنی مرضی کے ریٹ پر چیزیں بیچ رہے ہیں کوئی سننے والا نہیں رمضان المبارک بابرکت مہینے میں روز مرا کی اشیا کی قیمتیں اسمان سے باتیں کر رہی ہیں جو غریب ادمی کی خرید سے باہر ہیں پرائس کنٹرل کمیٹی غائب منافعہ خوروں کی چاندی عوام کو دونوں ھاتھوں سے لوٹا جارھا ہے مہنگائی نے عوام کی کمر توڑ دی انتظامیہ خاموش تماشائی کا کردار ادا کر رہی ہے۔
مستونگ : گورنمنٹ گرلز ہائی اسکول محمد شہی مستونگ میں حشرات کے کاٹنے سے 175 طالبات الرجی کے شکار ہوگئے پی پی ایچ آئی اور محکمہ صحت کی بروقت طبی امدادی اقدامات سے الرجی پر قابو پا لیا گیا۔
اوستہ محمد : نیشنل پارٹی تحصیل اوستہ محمد کے سابق صدر علی حسن بلوچ نے کہا کہ رمضان المبارک کی مقدس مہینے میں اشیا خوردونوش کی قیمتوں میں بے تحاشا اضافے اور پرائس کنٹرول کمیٹی کی بے بسی پر افسوس کا اظہار کرتے ہوئے کہا کہ منافع خور شہریوں کے غریب عوام کو دونوں ہاتھوں سے لوٹنے میں مصروف عمل ہیں عوام کو ریلیف فراہم کرنے کے دعووں میں کوئی حیقیت نہیں یوٹیلٹی اسٹورز میں سامان کا نام ونشان تک نہیں۔
سبی: وزیر اعظم کے معاون خصوصی برائے پانی وبجلی قدرتی وسائل رند قبائل کے سربراہ چیف آف رند سردار یار محمد رندنے کہا ہے کہ کرپشن اور نااہلی کسی صورت برادشت نہیں کروں گا بجلی گیس قوم کی امانت ہے جس میں خیانت کرنے کی اجازت نہیں دی جائے گی ضلع بھر کے آفیسران عوام کی خدمت کو یقینی بنائیں ان خیالا ت کا اظہار انہوں نے ڈپٹی کمشنر آفس ڈھاڈر میں ضلعی آفیسران کے اہم اجلاس کی صدارت سے خطاب کرتے ہوئے کیا۔
ڈھاڈر: سردار یار محمد رند جعلی ڈگری کیس سے باعزت بری،جھوٹے بے بیناد الزامات لگاکر مخالفین سچائی کو شکست نہیں دے سکتے جیت ہمیشہ حق اور سچ کی ہوتی ہے۔
ڈھاڈر: ڈھاڈر کے قریب ویگن اور ٹرک میں تصادم 15مسافر زخمی پانچ کی حالت تشویشناک کوئٹہ منتقل کردیا گیا تفصیلات کے مطابق جمعرات کی صبح سبی سے کوئیٹہ جانے والی مسافر ویگن ڈھاڈر کے قریب دربی پولیس ناکہ کے مقام پر تیز رفتاری کے سبب ٹرک سے جاٹکرائی جس کے نتیجے میں ویگن کے پندرہ مسافر زخمی ہوگئے جن میں سے پانچ کی حالت تشویشناک بتائی جاتی ہے زخمیوں کو فوری طور پر سول ہسپتال ڈھاڈر منتقل کردیا گیا۔
مستونگ: بلوچستان نیشنل پارٹی کے مرکزی لیبر سیکریٹری منظور بلوچ ضلعی صدر میر عبداللہ جان مینگل نے کہا ہے کہ بی این پی واحد حقیقی اور سیاسی جہوری جماعت ہے جس میں بلوچ پشتوں سمیت معاشرے کی تمام مکتبہ فکر کے طبقات ڈاکٹرز وکلا انجینئرز صحافی تاجر زمیندار اور اقلیتی برادری کی نمائندگی شامل ہے قائد بلوچستان سردار اختر جان مینگل کے قیادت میں بی این پی ہر محاز پر ان تمام محکوم و مظلوم طبقات کی عملی طور پر حقوق کی جنگ لڑ رہی ہے۔
دالبندین: نیشنل پارٹی کے صوبائی لیبر سیکرٹری سردار رفیق شیر بلوچ نے اپنے جاری کردہ بیان میں رمضان المبارک کے مقدس مہینے میں اشیاء خوردونوش کی قیمتوں میں بے تحاشہ اضافے اور پرائس کنٹرول کمیٹی کی بے بسی پر سخت افسوس کا اظہار کرتے ہوئے کہا کہ منافع خور علاقے کے غریب عوام کو دونوں ہاتھوں سے لوٹنے میں مصروف ہیں۔
ڈیرہ اللہ یار: ڈیرہ اللہ یار میں ماہ رمضان المبارک کے دوران قصاب کی دکان پر مردہ بکرے کا گوشت فروخت ہونے کا انکشاف اسسٹنٹ کمشنر کا چھاپہ ذبح سے پہلے مردہ ا ہوا بکرا برآمد قصائی کو گرفتار کر لیا گیا۔