سبی : سبی کے مختلف علاقوں میں سحری و افطاری کے وقت گیس کی سپلائی معطل ہو جاتی ہے جبکہ دن بھر گیس پریشر میں کمی رہتی ہے جس کی وجہ سے روزے داروں کو کھانے بنانے میں شدید پریشانی و مشکلات کا سامنا کرنا پڑتا ہے،اعلیٰ حکام اور ضلعی انتظامیہ گیس کی بندش کا نوٹس لیں۔
بھاگ : تحصیل بھاگ یونین کونسل نوشہرہ کے گوٹھ بڈا گہورامزی بجلی کی شارٹ سرکٹ سے کئی گھروں کا لاکھوں روپے کا سامان جل کر خاک راک ہوگیا جن میں قیمتی پھنکے فریج ٹی ویو دیگر سامان شامل تھا۔
کوہلو : وزیر اعلی بلوچستان کی خصوصی ہدایت ہوا میں اڑ گئے کوہلو کا سستا بازار صرف فوٹو سیشن تک محدود رہا ہے عوام کو ریلیف کے نام صرف فوٹو سیشن کیا گیا ہے۔
دالبندین: دالبندین میں اشیائے خوردونوش کی قیمتوں کو پر لگ گئے پھل اور سبزیاں عوام کی دسترس سے باہر غریب عوام پریشان سرکاری نرخنامہ محض نمائشی رہا۔
خضدار: کوئٹہ کراچی قومی شاہراہ پر مسافر کوچ تیز رفتاری کے باعث الٹ گئی تین افراد جاں بحق۔
مستونگ: نیشنل پارٹی کے ضلعی ترجمان نے جاری کردہ ایک بیان میں مستونگ شہر اور گردونواح کے علاقوں میں گیس کی طویل غیر اعلانیہ لوڈشیڈنگ اور دانستہ طور پر گیس پریشر کو کم رکھنے کی عمل کو گیس کمپنی کی جانب سے عوام دشمن اور ظالمامہ اقدام قرار دیتے ہوئے شدید الفاظ میں مذمت کی۔
لورالائی: لورالائی میں سستا بازار کے نام پر مہنگا بازار سجا دیا گیا ہے۔ پرائس کنٹرول کمیٹی ناکام۔ روزمرہ کی ہر چیز عام بازار سے سستا بازار میں مہنگا فروخت ہورہا ہے۔ تاجروں کے نام پر سیاست کرنے والے نام نہاد تاجر رہنما اور انتظامیہ صرف فوٹو سیشن اور اپنی شہرت کررہے ہیں۔
کو ئٹہ: بلوچستان کے علاقے ڈیرہ اللہ یار میں کسٹم حکام نے غیر قانونی پیٹرول پمپس کے خلاف کارروائی عمل میں لاتے ہو ئے متعدد غیر قانونی پمپس سیل کردیے۔
ڈیرہ مراد جمالی: لہڑی شہر کو بجلی فراہم کرنے والی 33کے وی کی مین سپلائی لائن کے پانچ کھمبوں کی تاریں کاٹ کر فرار ہوگئے علاقے میں بجلی کی سپلائی معطل ہونے سے شدید گرمی میں روزہ دار تڑپ اٹھے واقعہ کے بعد مقامی لیویز سابق وفاقی وزیر میر دوستین خان ڈومکی موقع پر پہنچ گئے۔
سبی: سبی میں شدید گرمی،گرمی کی شدت میں اضافہ ہونے کی وجہ سے دوپہر سے بازار اور گلیاں ویران ہوگئے،لوگ گھروں تک محدود ہو کر رہ گئے۔