ڈیرہ مراد جمالی: لہڑی شہر کو بجلی فراہم کرنے والی 33کے وی کی مین سپلائی لائن کے پانچ کھمبوں کی تاریں کاٹ کر فرار ہوگئے علاقے میں بجلی کی سپلائی معطل ہونے سے شدید گرمی میں روزہ دار تڑپ اٹھے واقعہ کے بعد مقامی لیویز سابق وفاقی وزیر میر دوستین خان ڈومکی موقع پر پہنچ گئے۔
سبی: سبی میں شدید گرمی،گرمی کی شدت میں اضافہ ہونے کی وجہ سے دوپہر سے بازار اور گلیاں ویران ہوگئے،لوگ گھروں تک محدود ہو کر رہ گئے۔
سکندرآبادسوراب: شہیدسکندرآبادمیں ماہ صیام میں جاری گران فروشی کاسلسلہ تھم نہ سکا،انتظامیہ کی رسمی اقدامات کوہوامیں اڑاکرمنافع خورشہریوں سے منہ مانگی قیمتیں وصول کررہے ہیں مگرپوچھنے والاکوئی نہیں،عوامی وسماجی حلقوں کاپرائس لسٹ پرعملدرآمدیقینی بنانے کے لئے سنجیدہ اورموثراقدامات کامطالبہ۔
کوہلو: کوہلو کے تحصیل کاہان کے علاقے جنت علی میں بارودی سرنگ کا دھماکہ ایک شخص جان بحق،ایک زخمی۔
خضدار: بلوچستان نیشنل پارٹی کے مرکزی قائد سابق وزیراعلیٰ بلوچستان رکن ِ قومی اسمبلی سرداراختر جان مینگل نے کہاہے کہ اس ملک کو فلاحی ریاست بنانے کے لئے آج تک سنجیدگی سے کوششیں نہیں کی گئی اور نہ ہی عوام کی خوشحالی کے لئے سوچا گیا یہی وجہ ہے کہ آج بلوچستان کے لوگ زندگی کی جس کرب اور کٹھن دور سے گزررہے ہیں وہ حالت بیان کرنے کے قابل بھی نہیں، حکمران دعویٰ کرررہے ہیں۔
دالبندین: چیف کیسکو بلوچستان سے واپڈا کے مزدوروں کی ملاقات مسائل سے آگاہ کر دیا۔
دالبندین : دالبندین گرڈ اسٹیشن سے سب تحصیل یک مچ اور تحصیل نوکنڈی کو بجلی کی سپلائی شروع یک مچ کو 11کے وی اور نوکنڈی کو 33کے وی کی ٹرائسمیشن لائن کے ساتھ باقاعدہ بجلی کی سپلائی شروع کردی گئی۔
اوستہ محمد : مشیر تعلیم محمد خان لہڑی نے کہا ہے کہ محکمہ تعلیم میں 15 ہزار سے زائد آسامیوں پر بے روزگار اور قابل اساتذہ بھرتی کریں گے، بھر پور کوشش ہے کہ صوبے میں تعلیم کے معیار کو بہتر بنائے، صوبے کے خستہ حال سکولوں کی حالت بہتر بنانے کے لئے صوبائی حکومت اقدامات کررہی ہے، جعفرآباد اور نصیرآباد میں پہلے مرحلے میں ہائی اور مڈل سکولوں میں بائیو میٹرک سسٹم متعارف کرارہے ہیں اس کے بعد پرائمری سکول میں بھی بائیومیٹرک سسٹم لائیں گے۔
قلات: قلات میں سنگداس کے قریب قومی شاہراہ پر کار اور ٹرک میں خوفناک تصادم کے نتیجے میں تین افراد جاں بحق اور دو زخمی ہو گئے ہیں زخمیوں کو ڈی ایچ کیو ہسپتال قلات میں ابتدائی طبعی امداد کے کوئٹہ منتقل کر دیا گیا۔
سبی: سبی میں گرمی کی آمد کے ساتھ ہی شہر کے مختلف علاقوں میں پینے کے صاف پانی کی شدید بحران پیدا ہو گئی ہے،شدید گرمی میں پانی کی قلت کے باعث شہری بلبلا اٹھے ہیں۔