قلات: قلات پولیس کی کاروائی موٹر سائیکل چوروں کے بین الصوبائی گروہ کے پانچ کارندے گرفتار چار موٹر سائیکل برآمد ملزمان نے کوئٹہ قلات اور حب سے موٹر سائیکلیں چوری کرکے مختلف علاقوں میں فروخت کرتے تھے ملزمان نے اپنے جرم کا اعتراف بھی کرلیا ہے۔
ڈیرہ مراد جمالی: نیشنل پارٹی کے مرکزی سیکریٹری جنرل جان محمد بلیدی نے کہا ہے کہ موجودہ وفاقی حکومت کے ذریعے ملک میں مہنگای اور بے روزگاری کا طوفان لایا گیا اور آی ایم ایف سے ڈیلنگ کے بعد صورتحال مزید سنگین ہو جاے گی ۔
دالبندین : چاغی کے قریب مسلح ڈاکوؤں نے دو گاڑیاں ایک لاکھ نقدی اور موبائل چھین کر فرار ۔
خضدار : خضدار سے اندرون سندھ اور اندرون سندھ سے خضدار آنے والی مسافر ویگنوں کو مسلح افراد نے باریجہ ضلع جھل مگسی کے مقام پر زبردستی روک دیا ،خواتین و بچوں سمیت بزرگ مسافروں کو شدید پریشانی و مشکلات کا سامنا ،آٹھ گھنٹے روکے رکھنے کے بعد اندرون سندھ سے آنے والی گاڑیوں کو واپس سندھ اور خضدار سے جانے والی گاڑیوں کو واپس خضدار بھیج دیا گیا۔
مانجھی پور: مانجھی پور کوسندھ اوربلوچستان کے مختلف شہروں سے ملانے والے تمام روڈز،لنک روڈز رٹوٹ پھوٹ اورخستہ حالی کاشکا ر،مسافراورٹرانسپورٹر شدیدکوفت کا شکار،منٹوں کاسفرگھنٹوں پرمحیط،جگہ جگہ کھڈوں اورپتھراُکھڑجانے کے باعث نئی سے نئی گاڑی بھی چند ہی ایام میں کھٹارہ،دھول کے غبارکے باعث علاقے کے عوام جلدی،سانس اورپھیپھڑوں کی بیماریوں میں مبتلا۔
دالبندین : ضلع چاغی میں بڑھتی ہوئی بیروزگاری کی شرح میں زبردست اضافہ عرصہ دراز سے بھرتیاں نہ ہونے سے نوجوان اوور ایج ، تفصیلات کے مطابق معدنی خزائن سے مالا مال دنیا کے امیر ترین خطہ ضلع چاغی میں دیگر مسائل میں اضافے کے ساتھ ساتھ بڑھتی ہوئی بیروزگری میں بھی بے تحاشہ اضافہ ہورہا ہے ۔
دالبندین : دالبندین کینسر نے ایک اور انسانی جان لے لی تفصیلات کے مطابق کینسر جیسے خطرناک مرض سے امسال ضلع چاغی مین درجنوں اموات ہوچکی ہیں۔
سبی : شادی کا گھر ماتم میں تبدیل ہوگیا ،چاکر روڈ پر دو معصوم بچوں کو تیز رفتار ٹینکر نے کچل کرہلاک کر دیا ،ایک زخمی ،بچوں کوکچلنے اور ڈرائیور کی عدم گرفتاری کے خلاف ورثاء اور شہریوں کا سول ہسپتال کے سامنے احتجاجی مظاہرہ ،مظاہرین نے ٹائر جلا کر شاہراہ کو ہر ٹریفک کے لئے معطل کردیا ہے۔
ڈیرہ مراد جمالی: وزیر اعلی بلوچستان جام کمال خان نے کہا ہے کہ ہمارا تعلق بلوچستان سے ہے اور اس سرزمین کا ہم پر قرض ہے لوگوں کے مسائل کا حل ہماری ذمہ داری صوبے کے ہر علاقے کے مسائل اور حالات کی نوعیت الگ الگ ہے ۔
دالبندین: ڈسٹرکٹ چیئرمین چاغی میر داؤد خان نوتیزئی نے اپنے جاری کردہ بیان میں کہا کہ تبدیلی کے نام پر ضلع چاغی کے لوگوں کا مذاق اڑایا جا رہا ہے ۔