خضدار : جمعیت علماء اسلام کے مرکزی سیکرٹری جنرل ڈپٹی چیئر مین سینٹ مولانا عبد الغفور حیدری ، جمعیت علماء اسلام پاکستان کے نائب امیر رکن قومی اسمبلی مولانا قمر الدین ، جمعیت علماء اسلام بلوچستان کے امیر مولانا فیض محمد نے کہا ہے کہ امریکہ کی جانب سے پاکستان کو گیڈڑ ببکیاں پاکستانی قوم کے لئے ناقابل برداشت ہیں جمعیت علماء اسلام امریکی صدر حالیہ بیان کی شدید مذمت کرتے ہوئے واضح کرتا ہے کہ پاکستان امریکہ کے ہر حربہ کی جواب دینے کی مکمل صلاحیت رکھتی ہے ۔
مستونگ: قومی جسٹس پارٹی مرکزی چیئرمین ملک سمندر خان کاسی مرکزی سیکرٹری جنرل حقدار قیصرانی ایگز یکٹو ممبر محمد رمضان سابق جج ممتاز قانون دان محمد اکبر آزاد اور دیگر رہنماؤں پریس کانفرنس سے خطاب کرتے ہوئے کہاکہ اس ملک کو ایک نئے آئین کی سخت ضرورت ہے مگر بد قسمتی سے اس ملک کے آئین کو ہمیشہ غیر سیاسی و غیر جمہوری عناصر نے اپنے ضرورت و مفادات کی خاطر اس میں ترمیم کی ہے۔
ڈیر ہ بگٹی : ایف سی کالج سوئی میں تعلیم کے حوالے سے ایک پروقار سیمینار کا انعقاد کیا گیا جس میں سول و عسکری حکام کے علاوہ قبائلی عمائدین اور سول سوسائٹی سے تعلق رکھنے والے افراد اور مختلف سکولوں کے طلباء اور اساتذہ کرام نے بڑی تعداد میں شرکت کی پروگرام کا آغاز تلاوت کلام پاک سے کیا گیا ۔
سبی: لیویز فورس سبی کی89خالی آسامیوں پر بھرتی میں مبینہ بے قائدگیوں اور بدعنوانیوں کے خلاف پشتونخوامیپ اور ناکام امیدواروں کا پریس کلب کے سامنے احتجاجی مظاہرہ ،اسناد کی فوٹوکاپیاں احتجاجاً نظرآتش کردی گئیں،سلیکشن کمیٹی کے چیئرمین اوراراکین نے اُقرباء پروری و رشوت ستانی کو پروان چڑھایا ہے ۔
نوشکی : میونسپل کمیٹی کے چیر مین و بی این پی کے رہنما سردار منظور احمد پرکانی نے اپنے جاری کردہ بیان میں کہا ہے کہ نوشکی میں سوئی سدرن گیس پچھلے 10 سالوں سے نوشکی کو مل رہی ہے مگر تاحال صارفین کی داد رسی اور شکایت کے لیے کوئی کسٹمر فسلیٹیشن سنٹر سی (سی ایف سی) کا قیام عمل میں نہیں لایا گیا ہے۔
مچھ: گوگرت لیویز تھانے پر نامعلوم مسلح افراد کا چھوٹے بڑے ہتھیاروں سے حملہ لیویز ایف سی اور مسلح حملہ آوروں کے درمیان کافی وقت تک فائرنگ کا تبادلہ جاری رہنے کے بعد حملہ آوروں پہاڑوں میں فرار سیکورٹی خدشات کی بناء پر بولان قومی شاہراہ کو ٹریفک کیلئے بند کردیا گیا ۔
سبی: بلوچستان نیشنل پارٹی کے مرکزی رہنماء و سابق رکن قومی اسمبلی میر عبدالرؤف مینگل اور واجہ یعقوب بلوچ نے کہا کہ بلوچستان حکومت دن رات ترقی و خوشحالی اور جمہوریت کے دعوئے کرتے نہیں تھکتی جبکہ سیکرٹریٹ ملازمین جو اپنے حقوق کی بات کرتے ہیں تو ان کو گرفتار کرکے بلوچستان کی مختلف جیلوں میں بند کردیا جاتا ہے جو قابل مذمت عمل ہے۔
اوتھل: جو قومیں اپنے بڑوں کے نقش قدم پر چلتی ہیں وہ قومیں ہمیشہ کامیاب ہوتی ہیں ۔ اللہ تعالیٰ نے ایک نظام بنایا ہے کہ لوگوں کی پہچان ان کی قوموں سے ہوتی ہیاور وہ ہی لوگ اچھا انسان کہلاتے ہیں جن کا کردار اور اخلاق اچھا ہو۔ ان خیالات کا اظہار وفاقی وزیر مملکت نواب جام کمال خان عالیانی نے بیلہ میں رونجہ قوم کے نو منتخب سردار روئیداد رونجہ کی دستار بندی کے موقع پر تقریب سے خطاب کرتے ہوئے کیا ۔
ڈیرہ مراد جمالی : نصیرآباد پولیس نے دو مختلف کارروائی کرتے ہوئے تین مغوی بچوں کو بازیاب کرکے اسلحہ بر آمد کر لیا دو واقعات کے ملزمان فرار ہوگئے اہل خانہ میں خوشی کی لہر دوڑ گئی ۔
کوہلو: بلوچستان کے ضلع کوہلو میں محکمہ تعلیم کے نان ٹیچنگ کے خالی آسامیوں میں ڈرامائی ٹیسٹ و انٹرویوز سے امیدواروں میں شدید مایوسی اور بے چینی کی لہر دوڑ گئی ہے ۔