دالبندین : پاک ایران سرحدی شہر تفتان میں واقع تجارتی گیٹ وے زیرو پوائنٹ کی مسلسل تین ہفتوں سے بندش، سینکڑوں مزدور اپنے گھروں کو لوٹنے سے شہر کی رونقیں ماند پڑ گئیں، تجاتی سرگرمیاں معطل ۔
نصیرآباد: بلوچستان نیشنل پارٹی کے مرکزی سینٹرل کمیٹی کے ممبر نوابزادہ میر امان اللہ خان زہری نے کہا ہے کہ بلوچستان میں قبائلی نظام صوبے اور عوام کی پہچان ہے جلد اور سستا انصاف کی فراہمی ہی قبائلی نظام میں ہی ملتا ہے ۔
سکندرآباد سوراب: اتوار کے روز دوپہر ایک بجکر چھتیس منٹ پر سوراب اور گردونواح میں زلزلے کے شدید جھٹکے محسوس کئے گئے ریکٹر اسکیل پر زلزلے کی شدت 3.9ریکارڈ کی گئی جس کا مرکزسوراب سے چھتیس کلو میٹر مشرق میں تھا ۔
زیارت+ہرنائی+ڈیرہ اللہ یار: اے این پی بلوچستان کے زیر اہتمام سانحہ8 اگست کی پہلی برسی کے حوالے سے صوبے کے مختلف علاقوں میں احتجاجی مظاہرے ہوئے مظاہرین نے حسین فائز عیسیٰ کمیشن رپورٹ پر مکمل عمل درآمد کا مطالبہ کیاعوامی نیشنل پارٹی زیارت کی جانب سے شہدائے ۸ اگست کے سلسلے میں احتجاجی ریلی نکالی گئی ۔
ڈیرہ اللہ یار : ڈیرہ اللہ یار کے قریب دیوار گرنے سے تین معصوم بچے جاں بحق بچے گھر کے قریبی نہر میں نہا رہے تھے کہ بوسیدہ دیوار ان پر گھر پڑی تین معصوم بچوں کی ہلاکت پر علاقے میں سوگ کی فضا چھا گئی پولیس نے ضروری کارروائی کے بعد لاشیں ورثا کے حوالے کر دی ہیں ۔
مستونگ : بلوچستان نیشنل موومنٹ کے مرکزی صدر ڈاکٹر حئی بلوچ ،مرکزی سیکرٹری جنرل میر اقبال زہری مرکزی سینئر نائب صدر میر سکندر ملازئی نے کہا کہ سی پیک اقتصادی راہداری اور گوادر پورٹ منصوبہ بلوچوں کی ترقی کیلئے نہیں بلکہ یہ ترقی اسلام آباد اور چین کے سرمایہ کاروں کیلئے ہیں اور ملک میں صرف حکمرانوں نے ہمیشہ اپنے ضرورت اور مفادات کے خاطر آئین میں ترامیم کی۔
خضدار: بلوچستان نیشنل پارٹی کی جانب سے پارٹی کے مرکزی رہنماؤں نصیر احمد شاہوانی اور نوید احمد دہوار کی ٹارگٹ کلنگ کے خلاف ایک ریلی نکالی گئی ریلی کے شرکا بی این پی کے ضلعی سیکٹریٹ سے ہوتا ہوا پریس کلب پہنچے ریلی کی قیادت ضلعی صدر آغا سلطان ابراہیم احمد زئی کررہے تھے ۔
حب : بلوچستان کے صنعتی شہر میں خضدار کے نوجوان کی لا ش برآمد ۔
مچھ: بولان ندی میں پکنک منانے کیلئے آنیوالا کوئٹہ کا رہائشی نوجوان ڈوب کر جاں بحق لاش ورثاء کے حوالے۔
حب: قانونی کنکشنز اور غیر قانونی ٹرانسفرمرز کے خلاف اپریشن شروع کردیا گیا.جرنل منیجر آئی بی سی اوتھل افضال خان برگھڑی اور ڈپٹی جرنل منیجر عبدالوھاب مگسی کی ھدایت پر اپریشن شروع کردیا گیا ۔