چمن: ویش زوانان چمن کے منور خان اور دیگر رہنماوں نے چمن پاک افغان باڈر کی مسلسل بندش اور بندش سے پہلے بھی چیکنگ کے نام پر چمن باڈر پر ناروا سختی کی وجہ سے مقامی تجارت کو شدید نقصان پہنچانے کی پرزور مزمت کی اور اسکے خلاف جلد ہی تاریخی احتجاج کرنے کا اعلان کیا تفصیلات کے مطابق ویش زوانان چمن کے اجلاس میں مقررین نے کہا کہ چمن باڈر کی بندش ہمارے مقامی شہریوں کی معاشی قتل عام کے مترادف ہے ۔
ڈیرہ اللہ یار: ڈیرہ اللہ یار میں بگٹی برادری کے افراد کا نوجوان کی لاش تھانے کے سامنے رکھ کر احتجاج کیا گیا متوفی کی والدہ کی مدوعیت میں سب انسپکٹر سمیت پانچ افراد کے خلاف قتل کا مقدمہ درج کر دیا گیا گزشتہ شب ٹیمپل شاخ کے رہائشی بگٹی برادری کے مرد و خواتین نے 30 سالہ نوجوان اسلام الدین بگٹی کی لاش پولیس تھانہ ڈیرہ اللہ یار کے سامنے رکھ کر دھرنا دیا جسکے باعث عدالت روڈ کی ٹریفک بند ہوگئی مظاہرین نے الزام عائد کرتے ہوئے کہا کہ سب انسپکٹر محمد پناہ لاشاری، حوالدار نصیر بگٹی، جوانسال اور اسلم نے متوفی اسلام الدین کی بیوی ریحانہ کے ساتھ مل کر ہمارے نوجوان کو نشہ آور چیز کھلا کر قتل کردیا ہے ملزمان کے خلاف مقدمہ درج کیا جائے
پنجگور: پنجگور تحصیل پروم کے علاقے دزپروم دمبانی کور سے ایک شخص کی تین روز پرانی نعش برآمد ۔
دالبندین : بلوچستان نیشنل پارٹی ڈسٹرکٹ چاغی کے آرگنائزئنگ کمیٹی کے زیر اہتمام شہید نوراستمان میر نورالدین خان مینگل اور پارٹی کے بانی رہنما ادا بابے شفیع محمد لہڑی کے برسی کی مناسبت سے پارٹی کے ضلعی آفس میں تعزیتی اجلاس منعقد ہوا اجلاس کی صدارت ضلعی آرگنائزر محمد بخش بلوچ نے کی اس موقع پر مقررین نے خطاب کرتے ہوئے کہا کہ آج سے گیارہ سال قبل پارٹی دشمن قوتوں نے پارٹی کے عظیم رہنما شہید نوراستمان میر نورالدین خان مینگل کو شہید کرکے ہم سے جدا کردیا ۔
مستونگ: ڈپٹی کمشنرمستونگ میجر (ر) الیاس کبزئی کے زیر صدارت 12 ربیع الاول کے سلسلے میں اعلی سطحی اجلاس منعقد ہوا اجلاس میں علماء کرام مشائخ ضلعی انتظامیہ قومی اداروں کے نمائندوں مسیح اور ہندو کمیونٹی کے متعلقہ ذمہ داروں نے شرکت کی جس میں ایس پی نورمحمد بڑیچ ایف سی 86 ونگ کمانڈر اسسٹنٹ کمشنرمستونگ عطاالمنعم نمائندہ سی ٹی ڈی مرکزی جامع مسجد کے خطیب مفتی غلام مصطفی مولانا عماداللہ سعید الرحمن فاروقی مولوی ندیم سیمسن مسیح مہاراج جگدیش کمار وجے کمار اور دیگر نے شرکت کی اجلاس میں مذہبی آہنگی باہمی روابط 12 رییع الاول سمیت امن وامان کی مجموعی صورت حال کا جائزہ لیا اجلاس کے دوران ڈپٹی کمشنرمیجر (ر) الیاس کبزئی نے کہا کہ مذہبی آہنگی رواداری کی فروغ کے لیئے علمائے کرام اور دیگر اقلیتی برادری کو کردار ادا کرنا چایئے۔
مچھ: ہیڈ ماسٹر گورنمنٹ ہائی اسکول کھٹن کی گاڑی کو حادثہ ایک شخص ہلاک دو زخمی حادثہ تیز رفتاری کے باعث پیش آیا بدقسمت گاڑی گہری کھائی میں جاگری زخمیوں کو مچھ ہسپتال میں ناکافی سہولیات کی پیش نظر کوئٹہ منتقل کردی گئی۔
ڈیرہ بگٹی: بگٹی قبیلے کے سربراہ نواب محمد میر عالی بگٹی کی جانب سے قبائلی عمائدین کے لیے ظہرانے کا اہتمام کیا گیا ظہرانے میں قبائلی عمائدین۔سول سوسائٹی۔لیبر یونینز۔ اقلیتی و صحافی برادری کے علاوہ عوام کی ایک بڑی تعداد نے شرکت کی۔
ڈیرہ بگٹی: سغاری میں نواب میر عالی بگٹی سے مختلف بگٹی قبائل کے ساتھ ملاقاتوں کا سلسلہ جاری ہے. واضح رہے کہ نواب محمد میر عالی بگٹی دو سال بعد ڈیرہ بگٹی آئے ہوئے ہیں, ضلع ڈیرہ بگٹی اور دوسرے اضلاع سے لوگ ان سے بدستور ملنے آ رہے ہیں۔
پنجگور: پنجگور مولانا ہدایت الرحمن کا پنجگور پہنچنے پر دازی بونستان اسماعیل مشین پر شاندار استقبال کیاگیاگاڑیوں اور موٹر سائیکلوں کے ایک لمبے جلوس میں انہیں شہر پہنچایا گیا استقبال کے لئے آنے والوں میں جمعیت علمائے اسلام کے ضلعی امیر حافظ محمد اعظم بلوچ جماعت اسلامی کے سابق امیر مولانا نورمحمد مدنی جمعیت طلباء کے سراج احمد بلوچ مسلم لیگ (ن )کے اشرف ساگر حنیف شمبے زئی انجمن تاجران کمیٹی کے صدرحاجی خلیل احمد دہانی حاجی لشکری زمباد یونین کے سیف اللہ سیفی اور دیگر اہم شخصیات موجود تھے چتکان بسم اللہ چوک پر منعقدہ جلسہ سے مولانا ہدایت الرحمن نے خطاب کرتے ہوئے کہا کہ پنجگور میں تاریخی استقبال اور جلسہ میں شرکت کرنے پر عوام کا مشکور ہوں اور یہ میرے اوپر آپ لوگوں کا قرض ہے پنجگور میں جو لوگ مختلف واقعات میں مارے جاچکے ہیں۔
مستونگ: بلوچ اسٹوڈنٹس آرگنائزیشن مستونگ زون کی جانب سے ڈسٹرکٹ کونسل ہال میں نو منتخب زونل کابینہ کی تقریب حلف برداری اور شمولیتی پروگرام بیاد سردار عطاء اللہ خان مینگل منعقد ہوا۔تقریب حلف برداری کے مہمان خاص بی ایس او کے مرکزی چیرمین جہانگیر منظور بلوچ جبکہ بی این پی مستونگ کے صدر حاجی نزر جان ابابکی سینٹرل کمیٹی کے ممبر ملک عبدالرحمان خواجہ خیل تھے۔اس موقع پر مرکزی جوائنٹ سیکریٹری عاطف بلوچ بی ایس او کے سینٹرل کمیٹی کے رکن صمند بلوچ عدنان شاہ مظفر بلوچ بی این پی کے ضلعی جنرل سیکریٹری جمعیل بلوچ منیر آحمد شعیب مسیح و کے علاوہ تقریب حلف برداری میں بی ایس او مستونگ کے کارکنوں کی بڑی تعداد موجود تھے۔