ڈیرہ اللہ یار: ڈیرہ اللہ یار میں مون سون بارشوں کے پیش نظر امدادی کارروائیاں شروع ضلعی انتظامیہ کے حکم پر شہر سے ملحقہ نہروں کے پشتے مضبوط بنانے کا عمل تیز کردیا گیا ڈپٹی کمشنر جعفرآباد رزاق خان خجک کی خصوصی ہدایت پر ایکسین ڈرینج عبدالحمید مینگل اور نائب تحصلیدار جھٹ پٹ محمد ظریف گولہ نے اپنی نگرانی میں نہروں کے پشتے مضبوط بنانے کا عمل شروع کروا دیا ہے ۔
مستونگ: بلوچستان نیشنل پارٹی ڈسٹرکٹ مستونگ کے زیراہتمام پڑنگ آباد کلی رودریس میں سینکڑوں قبائلی رہنماوں پر مشتمل پرجوش شمولیتی پروگرام کے تقریب کا انعقاد کیا گیا۔جس کے مہمان خاص بی این پی کے مرکزی ہیومن رائٹس سیکرٹری موسی بلوچ،اور اعزازی مہمان خاص بی ایس او کے مرکزی چیئرمین جہانگیر منظور بلوچ تھے۔
پنجگور: نیشنل پارٹی کے صوبائی نائب صدر اور سابق صوبائی وزیر صحت رحمت صالح بلوچ نے مکران اور خصوصاً پنجگور میں گزشتہ تین دنوں سے بجلی کی بندش پر کہا کہ مکران اور پنجگور کے عوام موجودہ دور حکومت میں بدترین دور سے گزر رہے ہیں موجودہ صوبائی حکومت اور وزراء کی غلط پالیسیوں سے مکران کے عوام کیلئے روزگار کاروبار تعلیم صحت کے دروازے بند اور پہلے سے موجود بنیادی سہولتوں کو ناکارہ بنا کر بند کردیا گیا ہے۔
ڈیرہ مراد جمالی : جعفرآباد کے پولیس تھانہ کیٹل فارم کی حدود سے آٹھ روز قبل آغوا ہونے والا شخص بازیاب نہ ہوسکا اہل خانہ پریشان مغوی کے قتل کیے جانے کا خدشہ یہ بات اوستہ محمدکے ریائشی محمدحسن لاکٹی نے ڈیرہ مراد جمالی میں صحافیوں سے بات چیت کرتے ھوئے کہاکہ گزشتہ روز میں اورمیرا خالہ زاد بھائی جان محمد ولد علی نواز لاکٹی اپنے ذاتی کام کے سلسلے میں گوٹھ حاجی خان بلیدی گئے تھے ۔
خضدار: خضدار قومی شاہراہ پر ٹریفک حادثے میں ایک شخص جاں بحق ایک شدید زخمی خضدار لیویز کے مطابق جمعہ کے روزکوئٹہ کراچی قومی شاہراہ وہیر کے مقام پر ٹرک اور موٹر سائیکل کے درمیان تصادم کے نتیجے میں دو بھائی شدید زخمی ہوگئے جنہیں گورنمنٹ ٹیچنگ ہسپتال خضدار میں ابتدائی طبی امداد کے بعد علاج کے لئے کوئٹہ لیجایا جارہاتھا راستے میں21 سالہ محمدفاروق ولد محمد صادق قوم رئیسانی سکنہ وھیر زخموں کی تاب نہ لاتے ہوئے چل بسا جبکہ زخمی محمد عثمان کو خضدار میں طبی امداد دی جارہی ہے لیویز نے واقعہ سے متعلق تحقیقات شروع کردی
مستونگ: نیشنل پارٹی کے ضلعی صدرنواز بلوچ،سینئر رہنماو سابق سٹی ناظم میر سکندرخان ملازئی بی ایس او پجار کے صوبائی صدربابل ملک بلوچ ملک محمدعارف لہڑی نے کہاکہ نیشنل پارٹی بلوچ ساحلی پٹی گوادر میں چائنیز و دیگر غیرمقامی ٹرالنگ کی سخت مذمت کرتی ہیں ۔
ڈیرہ مرادجمالی : پیپلز پارٹی کے مرکزی سینٹرل ایگزیکٹو کمیٹی کے رکن سابق صوبائی وزیر میر محمد صادق عمرانی نے کہاکہ بلوچستان عوامی کے پارٹی کے پانچ وزرا نے ملکر جونیئر سب انجینئروں کو غیر قانونی ایس ڈی اوز کے اضافی چارچ دے کر پٹ فیڈر کینال اور دیگر ذیلی شاخوں کو تباہی کے دہانے پہنچا کر 20لاکھ کسانوں زمینداروں کا معاشی قتل کیا ہے پٹ فیڈر کینال کے بحالی کے بجائے کرپشن اور کمیشن کے فروغ کیلیے ایسے منصوبے شامل کیئے جہاں انسان تو اپنی جگہ چرند پرند کا وجود بھی نہیں ہے.
خضدار+مستونگ+بیلہ: بلوچستان کے ساحلی علاقوں میں چینی وبین الصوبائی غیر قانونی ٹرالنگ آبی حیات کی نسل کشی کیخلاف نیشنل پارٹی کی اپیل پر بلوچستان کے مختلف علاقوں میں احتجاجی مظاہرے وریلیاں منعقد کی گئیں، تفصیلات کے مطابق نیشنل پارٹی کے مرکزی کال پر گزشتہ روز نیشنل پارٹی و بی ایس او پجار کے زیر اہتمام بحر بلوچ میں غیر قانونی ٹرالنگ آبی حیات و آبی نسل کشی کے خلاف احتجاجی مظاہرہ کیا گیاغیر قانونی و غیر ملکی ٹرالنگ سے مقامی ماہی گیر نان شبینہ کے محتاج ہو گئے ہیں۔
کوہلو: کوہلو میں سمیت شمال مشرقی بلوچستان کے مختلف علاقوں میں گزشتہ دو روز سے بارشوں کا سلسلہ جاری ہے گزشتہ شب کوہلو کے مختلف علاقوں تمبو،پژہ،مست توکلی،ماوند،منجھرا،سفید، مخماڑ،لاسے زئی، گرسنی،جاندران میں گرج چمک کے ساتھ شدید اور موسلادھار بارشیں ہوئی جس سے ندی نالوں میں تغیانی ہوئی اور مختلف مقامات پر سڑکیں سیلابی ریلے میں بہہ جانے ،مٹی کے تودے گرنے اور سوناری پُل بہہ جانے سے کوہلو کا کویٹہ سے مواصلاتی رابطہ منقطع ہوا ۔
مستونگ: ضلعی انتظامیہ کے غیرمعیاری اور مضرصحت کیک اور بسکٹ بنانے و فروخت کرنے والی بیکری کے خلاف کاروائی کرتے ہوئے سیل کردیا،بیکری میں غیرمعیاری اور مضرصحت کیک و بسکٹ بناکر فروخت اور ہوٹلوں کو سپلائی کیاجارہاتھا،تفصیلات کے مطابق ڈپٹی کمشنر مستونگ میجر(ر)محمدالیاس کبزئی نے عوامی شکایات پر نوٹس لیتے ہوئے اسسٹنٹ کمشنر مستونگ عطاء المنہم کو فوری کاروائی کی۔