Posts By: نامہ نگار

دالبندین: بلو چستان کے ضلع چاغی کی تحصیل میں دالبندین میں پولیس کی کا میاب کارروائی میں غیر قا نونی طور پر ایران کے راستے ترکی جا نے والے17افراد کو گرفتار کر لیاگیاہے۔

نوکنڈی: کمانڈنٹ تفتان رائفلز کرنل عبدالمجید کاکڑ نے کہا چھ ستمبر یوم دفاع تجدید عہد کا دن ہے جب پاکستان کی باہمت و مسلح افواج اور پر جوش و محبّ وطن قوم نے ہندوستانی جارحیت کے خلاف اپنے پیارے وطن اور قومی وقار کا دفاع کیا اس دن سے جْڑی انمٹ یادوں، یکجہتی کے عمدہ مظاہرے، ہمارے عظیم شْہداء اور بے مثال قربانیوں کو زمانے کی گرد کبھی دھندلا نہ سکے گی۔

لورالائی: اے این پی کے مرکزی جوائینٹ سیکرٹری سردار رشید خان ناصر ضلعی صدر ملک منظور کاکڑ ایڈوکیٹ ودیگر نے لورالائی میں پریس کانفرنس سے خطاب کرتے ہوئے کہا کہ ملک کی خارجہ د واخلہ پالیساں ناکامی سے دوچار ہیں جب تک ملک میں تمام ادارے ائین کے دائرے کار میں اپنا کام نہیں کرینگے ملک میں ائین اسمبلی عدلیہ اور میڈیا آزادانہ کردار ادا نہیں کر سکیں گے ملک میں اسٹیبلشمنٹ کا کردار ختم کیئے بغیر کوئی بھی ادارہ ازادی کے ساتھ پرفارم نہیں کر سکتی۔

مستونگ: نیشنل پارٹی مستونگ کی سینئر باڈی کا اجلاس ضلعی صدر نواز بلوچ کی صدارت میں ضلعی سیکرٹریٹ میں منعقد ہوا اجلاس کہ مہمان خاص مرکزی رہنما اسلم بلوچ تھے۔اجلاس میں مرکزی صوبائی ضلعی اور تحصیلوں کے عہدیداروں و سینئر دوستوں نے کثیر تعداد میں شرکت کی اجلاس میں متفقہ فیصلے کی روشنی میں 10 ستمبر بروز جمعرات نیشنل پارٹی کے بانی بابائے جمہوریت میر حاصل خان بزنجو کی یاد میں تعزیتی ریفرنس کے انعقاد کا فیصلہ کیا گیا۔

کوہلو: ایس پی کوہلو کیپٹن (ر) نوید عالم نے گزشتہ روز بوہڑی پٹرولیم سروس کے قریب ضلع میں داخلی اور خارجی گاڑیوں کی چیکنگ و ضلع میں امن وامان کو برقرار رکھنے کیلئے پولیس چوکی کا افتتاح کیا ہے اس موقع پر ایس ایچ او سٹی میر حق نواز حسنی،لائن آفیسر ہزار خان،سی آئی انچارج عبدالمجید و پولیس کے دیگر افیسران واہلکاران موجود تھے اس موقع پر گفتگو کرتے ہوئے ایس پی کیپٹن (ر)نوید عالم نے کہا کہ ضلع میں امن وامان کو برقرار رکھنے کیلئے موثر اقدامات کررہے ہیں۔

اوتھل: بیلہ پولیس تھانہ میں پولیس حراست میں مبینہ طور پر خود کشی کرنے والے شکیل احمد سرمستانی بلوچ ولد بابو سرمستانی بلوچ کو کوئٹہ میں پوسٹ مارٹم کرنے کے بعد بیلہ میں آبائی قبرستان میں سپرد خاک کردیا گیا۔جنازے میں سیاسی رہنماؤں، افسران، معززین کے علاوہ لوگوں کی بڑی تعداد جنازے میں شرکت کے لئیے امڈ آئی۔ پولیس کے مطابق مبینہ خودکشی کرنے والے شکیل احمد سرمستانی بلوچ ولد بابو بلوچ کی نعش گزشتہ شب کوئٹہ میں پوسٹ مارٹم کے بعد بیلہ لائی گئی تھی۔

لورالائی: اے این پی کے مرکزی جوائنٹ سیکرٹری سردار رشید خان ناصر،ضلعی صدر ملک منظور کاکڑ ایڈوکیٹ ودیگر نے ایوان صحافت میں پریس کانفرنس سے خطاب کرتے ہوئے کہا کہ ملک کی خارجہ د واخلہ پالیساں ناکامی سے دوچار ہیں جب تک ملک میں تمام ادارے آئین کے دائرے کار میں اپنا کام نہیں کرینگے ملک میں آئین اسمبلی عدلیہ اور میڈیا آزادانہ کردار ادا نہیں کر سکیں گے ملک میں اسٹیبلشمنٹ کا کردار ختم کیئے بغیر کوئی بھی ادارہ آزادی کے ساتھ پرفارم نہیں کر سکتا۔

دالبندین: عوامی فنڈز میں کرپشن،بھتہ خوری،بدامنی،اقرباء پروری،متعصبانہ سوچ، بڑھتی ہوئی بیروزگاری اور نااہل عوامی نمائندوں کے خلاف بابائے چاغی پینل اور بڑیچ پینل کی جانب سے دالبندین بازار میں واقع شہید حمید چوک پر ایک بڑا عوامی جلسہ عام منعقد کیا گیا جس سے بابائے چاغی پینل کے قائد و سابقہ صوبائی وزیر سخی امان اللہ نوتیزئی،سابقہ ڈسٹرکٹ چیئرمین میر داؤد خان نوتیزئی،بڑیچ پینل کے قائد و سابقہ چیئرمین نوکنڈی حاجی میر عرض محمد بڑیچ،قبائلی شخصیات سردار اکبر جان محمد حسنی،ملک رحمت اللہ نوتیزئی،حاجی عبدالرحمان ریکی،حافظ شبیر آحمد اور دیگر مقررین نے خطاب کیا۔

مستونگ: مستونگ شہر و گردونواح میں سوئی سدرن گیس کے پریشر میں کمی،بھاری بھرکم گیس بلوں اور گیس میٹروں کی تبدیلی کے خلاف سول سوسائٹی ضلع مستونگ کے چیئرمین زوہیب بلوچ ودیگر کے قیادت میں ایک احتجاجی ریلی نکالی گئی اور سلطان شہید چوک پر احتجاجی مظاہرہ کیاگیا۔