بسیمہ: پی ڈی ایم اے کی جانب سے فراہم کردہ درجنوں ٹینٹ کو گزشتہ رات کی بارشوں سے نقصان، درجنوں ٹینٹ پھٹ گئے، اطلاعات کے مطابق زلزلے سے متاثرہ بسیمہ کے علاقے ساجد کے عوام بے مددگار کھلے آسمان تلے زندگی گزارنے پر مجبور ہیں گزشتہ دن اور رات کی تیز بارشوں نے پی ڈی ایم اے کی جانب سے فراہم کردہ درجنوں ٹینٹز کو آڑا کر لے گئے۔
ڈیرہ اللہ یار: وفاقی وزیر منصوبہ بندی اسد عمر اور صوبائی وزیر زمرک اچکزئی ودیگر کی سابق وزیر اعظم الحاج میر ظفراللہ خان جمالی سے الگ الگ ملاقاتیں قومی صوبائی سیاسی صورتحال پر گفتگو کی ترجمان جمالی ہاوس روجھان جمالی کی۔
ڈیرہ مراد جمالی: پیپلز پارٹی کے مرکزی سینٹرل ایگزیکٹو کمیٹی کے رکن سابق صوبائی وزیر میر محمد صادق عمرانی نے کہاکہ ڈیرہ مرادجمالی کے مین بازار سے گزرنے والی قومی شاہراہ کھنڈرات میں تبدیل ہونے کے باوجود نیشنل ہائی وے اتھارٹی کی چشم پوشی قابل جرم ہے بلوچستان کی عوام کے ساتھ زیادتی کے مترادف ہے جس کی وجہ سے سینکڑوں کی تعداد میں تاجر برادری عام شہری مختلف بیماریوں کا شکار ہوچکے ہیں۔
خضدار: تربت واقعہ کے خلاف برمش یکجہتی کمیٹی کے زیر اہتمام کینڈل واک کا اہتمام شہید طالب علم کی یاد میں شمعیے روشن کئے گئے حیات بلوچ کی شہادت میں ملوث ملزم کو انصاف کے کٹہرے میں کھڑا کرنے کا مطالبہ تفصیلات کے مطابق تربت میں طالب علم حیات بلوچ کے شہادت کے واقعہ کے خلاف اور خاندان کو انصاف دلانے کے لیے پرمش یکجہتی کمیٹی کے زیر اہتمام کینڈل واک کا اہتمام کیا گیا۔
دالبندین: پاچنکوہ دوربن چاہ میں کام کرنے والی کمپنی BME مقامی ملازمین اور مزدوروں کے ساتھ تعصبانہ رویہ اور ناانصافیوں پرمبنی ظالمانہ پالیسیوں کے ذریعہ لوگوں میں اشتعال پیداکررہی ہے۔نیشنل پارٹی چاغی کے پریس ریلیز میں کہاگیا ہے کہ چاغی میں موجود تمام مائنز کمپنیاں ایک طرف مقامی لوگوں اور ملازمین کا استحصال کررہی ہے دوسری جانب کمپنیوں میں موجود غیرمقامی افسران نے کرپشن کا بازار گرم کرکے لوٹ مار میں مصروف ہے۔
خاران: بلوچستان نیشنل پارٹی کے مرکزی کمیٹی کے سابق رکن حاجی غلام حسین بلوچ نے شہدہ زہری شہید نواب امان اللہ خان زہری،علی مردان زہری، سکندر کورشان مشرف زہری و دیگر کو ان کی پہلی برسی کے موقع پر خراج عقیدت پیش کرتے ہوئے کہا ہے کہ بلوچستان نیشنل پارٹی میں مرکزی لیڈر شپ سمیت کارکنوں کے شہادت کی لمبی فہرست ہے جنہوں نے سرزمین بلوچستان کے سائل و سائل کے دفاع اور حق حاکمیت کی جہدوجہد میں جانوں کا نذرانہ پیش کیا۔
مستونگ: بلوچستان نیشنل پارٹی مستونگ کے زیراہتمام بلو چستان نیشنل پارٹی کے مرکزی رہنماء نواب امان اللہ زہری و شہدا زہری کے پہلی برسی کے موقع پر سراوان پریس کلب میں تعزیتی ریفرنس منعقد کیاگیا۔
ڈھاڈر :ڈپٹی کمشنر کچھی بولان مرادخان کاسی کے ایک اعلامیہ کے مطابق ملک کے بیشترحصوں میں شدید بارش برسانے والاایک اور سپیل متوقع ہے جس میں ضلع کچھی بولان میں بھی شدید بارشوں کے بعد بولان ندی میں سیلابی ریلہ ندی نالوں میں طغیانی آنے کا امکان ہے
مچھ: بی این پی کی مرکزی رہنما غلام نبی مری نے کہا ہے کہ مری معاہدہ بلوچستان کی تاریخ کا ایک سیاہ ترین معاہدہ تھا بی این پی نے ذاتی مفادات مراعات سے بالاتر ہوکر بلوچستان کے عوام کی ترجمانی کی چھ اہم بنیادی نکات پیش کی جس سے بلوچستان کیساتھ جاری 70 سالوں سے ناانصافی کی مداوہ تو نہیں ہوسکتا کم از کم چند اہم بنیادی مسائل حل ہوتے جن کاحل ہونا وقت کی اہم ضرورت ہے۔
مستونگ: نیشنل پارٹی مستونگ اور بی ایس او پجار کے زیر اہتمام پارٹی کے ضلعی سیکریٹریٹ میں ضلعی صدر نواز بلوچ کے زیر صدارت بابائے بلوچستان میر غوث بخش بزنجو کی برسی کے مناسبت سے تعزیتی ریفرنس منعقد ہواتعزیتی ریفرنس سے نیشنل پارٹی کے ضلعی صدر نواز بلوچ نیشنل پارٹی کے صوبائی ورکنگ کمیٹی کے رکن آغا فاروق شاہ صوبائی سیکرٹری تعلیم ظفر بلوچ بی ایس او پجار کے زونل صدر ناصر بلوچ جنرل سیکریٹری نثار بلوچ ظفر اقبال بلوچ ودیگر رہنماوں نے خطاب کرتے ہوئے کہا کہ بابائے بلوچستان میر غوث بخش بزنجو کی سیاسی فلسفہ سے ہی قومی وطنی اہداف کی تکمیل کو شعوری طور پر ممکن بنایا جاسکتا ہے۔