Posts By: نامہ نگار

ڈیرہ اللہ یار: پی پی ایچ آئی بلوچستان نے کومسیٹس اسلام آباد کے تعاون سے جعفرآباد کی پسماندہ تحصیل گنداخہ کے عوام کو جدید طرز پر علاج معالجہ کی سہولت فراہم کرنے کا خواب پورا کر دیا چوکی جمالی میں ٹیلی ہیلتھ کلینک کا قیام عمل میں لانے سے دور افتادہ علاقے کے عوام کی رسائی ماہر امراض ڈاکٹر تک ممکن بنا دی گئی پی پی ایچ آئی بلوچستان کے چیف ایگزیکٹو آفیسر عزیز احمد جمالی اور کومسیٹس اسلام آباد کے مابین ایم او یو پر دستخط ہونے کے بعد پہلے مرحلے میں جعفرآباد کی تحصیل گنداخہ کے دور افتادہ علاقے چوکی جمالی میں تاریخ کا پہلا ٹیلی ہیلتھ کلینک کا قیام عمل میں لایا گیا۔

مستونگ: چیئرمین منظور بلوچ کی بلوچ قومی تحریک کیلئے خدمات کو کوئی ذی شعور شخص فراموش نہیں کرسکتا ظلم ناانصافی کے خلاف ہمیشہ سیسہ پلائی دیوار ثابت رہے ڈکٹیٹر کے سخت دور میں یا دیگر کسی بھی سخت دور میں کبھی بھی انکے پاوں نہیں لرزے اور کسی قربانی سے پیچے نہیں ہٹھے شہید چیئرمین منظور بلوچ کی جدائی سے بلوچستان کے سیاسی ماحول اور بلوچ قومی تحریک میں بہت بڑاخلاء پیدا ہوگیا۔

ڈیرہ اللہ یار: ڈیرہ اللہ یار اور ہرنائی میں گرج چمک اور تیز ہوا کیساتھ مون سون کی پہلی بارش سڑکیں گلی محلے تالاب بن گئیں دیہی علاقوں کا شہر سے زمینی رابطہ منقطع سم نالوں میں طغیانی آنے سے بیشتر علاقے زیر آب آنے کا خدشہ بڑھ گیا میونسپل کمیٹی نے سکر مشین کے ذریعے نکاسی آب کو یقینی بنا کر پہلے مرحلے میں اہم سڑکوں اور گلی محلوں میں آمدورفت بحال کروادی ڈیرہ اللہ یار اور گردونواح میں پیر کی علی الصبح گرج چمک اور تیز ہوا کیساتھ مون سون کی پہلی بارش ہوئی۔

دالبندین: بلوچستان نیشنل پارٹی کے مرکزی سیکرٹری جنرل و سینیٹر ڈاکٹر جہانزیب جمالدینی نے کہا ہے کہ بلوچستان نیشنل پارٹی کی سیاست کا محور بلوچستان کے لوگوں کی خوشحالی ہیں پارٹی بلوچستان کے تمام علاقوں کے تعمیر ترقی کیلئے یکساں کوشش کررہا ہیں پارٹی کے فکری کارکن پارٹی میں ریڑھ کی ہڈی کی حیثیت رکھتے ہیں ضلع چاغی کے مختلف علاقوں کیلئے چار ڈیم منظور کرایا یونین کونسل آمری میں ایک ہزار سے زائد سولر کٹس پر عنقریب کام کا آغاز ہوگا۔

چمن :پاک افغان سرحد کی بند ش کے خلاف احتجاجی دھرنا جاری،دھرنے میں لو گوں کی بڑی تعداد نے شرکت کی۔ دھر نے کے شرکا ء سے خطاب کر تے ہو ئے جمعیت نظریاتی کے صوبائی رہنماء محمود الحسن قاسمی،تحصیل چمن صدر منور خان اچکزئی، انجمن تاجران کے ضلعی صدر و مظلوم اولسی تحریک کے جنرل سیکرٹری صادق اچکزئی ودیگرمقررین نے کہا کہ جب تک پاک افغان بارڈر نہیں کھولاجاتا اس وقت تک دھرنا جاری رہے گا سرحد کی بند ش سے چمن کے شہری اور تاجر نان شبینہ کے محتاج ہوگئے ہیں اگر پوری طورپر پاک افغان سرحد کو نہیں کھولاگیا تو احتجاج کو مزید وسعت دینگے۔

سبی: سبی،لہڑی،بختیار آباد اور گردو نواح میں قیامت خیز گرمی،سورج سوا نیزے پر آگیا،شدید گرمی کے باعث دوپہر سے شہر کی گلیاں ویران اور بازار بند ہوگئے،لوگ گھروں تک محدود ہوگئے،قیامت خیز گرمی کے باعث دو پہر کو ایرکولرز،ایر کنڈیشنز،فریجراور پنکھوں نے کام کرنا چھوڑ دیا،گرمی لگنے سے درجنوں متاثر ہو کر مختلف ہسپتالوں میں پہنچ گئے،برف اور ٹھنڈے مشروبات کی مانگ میں اضافہ،بوڑھے اور بچے دھوپ پر نکلنے سے گریز کریں۔

تمپ: تمپ میں شدید طوفانی بارش کے سبب مین کھمبے زمین بوس، مکران بھر میں بجلی منقطع ہوگیا۔

ڈیرہ بگٹی: بگٹی کالونی سوئی ميں پرانی دشمنی کی بنا پر فاٸرنگ جس کے نتیجے میں باہو نامی شخص موقع پر ہلاک تفصیلات کے مطابق فائرنگ کی اطلاع ملتے ہی پولیس جائے وقوع پر پہنچ گیا لاش کو ضروری کاروائی کیلئے ہسپتال منتقل کر دیا جہاں پر پوسٹ مارٹم کے بعد لاش ورثہ کے حوالے کردی گئی

کوہلو: نیشنل پارٹی کے زیر اہتمام انٹرنیٹ اور بجلی کی معطلی،پانی کی عدم دستیابی اور گرلز کالج کی عدم تعمیر کے خلاف مرکزی رہنما مہراب بلوچ کی قیادت میں پریس کلب کے سامنے مظاہرہ کیا گیا اور ریلی نکالی گئی ریلی نیشنل پارٹی کے مرکزی سیکرٹر یٹ سے شروع ہوئی جو شہر کے مختلف شاہراہوں سے ہوتے ہوئے پریس کلب کے سامنے آکر احتجاجی مظاہرے کی شکل اختیار کرگئی شرکاء نے بینرز اور پلے کارڈزاٹھا رکھے تھے۔

ڈیرہ بگٹی:سابق وزیر داخلہ بلوچستان سینٹر میر سرفراز بگٹی کے خلاف مبینہ بچی اغواء کیس اور ان کی گرفتاری کے احکامات کے خلاف بگٹی قبائلی عمائدین کی جانب سے شدید ردعمل سامنے آگیا