پنجگور: پنجگور لیویز کی مختلف علاقوں میں کارروائیاں 9 ڈاکواسلحہ سمیت گرفتار قبضے سے مسروقہ مال اور گاڑیاں بھی برآمد مقدمات درج تفصیلات کے مطابق ڈپٹی کمشنر پنجگور شبیراحمد بادینی کی ہدایت پر اسسٹنٹ کمشنر پنجگور امجد حسین سومرو تحصیلدار آغا ظفر حسین نائب تحصیلدار ریاض احمد میجر لیویز صابر علی گچکی حوالدار ملا عبدالحمید نے لیویز کی بھاری نفری کے ہمراہ مختلف مقامات پر کارروائیاں کرتے ہوئے فائرنگ کے تبادلے کے بعد ڈکیتی کی وارداتوں میں ملوث 9 ڈاکووں کو گرفتار کرلیا ہے۔
مستونگ: مستونگ ضلع میں کوروناوائرس کے مثبت کیسز میں بتدریج اضافہ جاری ہیں اور روز بروز کورونامثبت کیسز کی تعداد بڑرہی ہیں عید کے بعد تاحال 119 مثبت کیسز رپورٹ ہوئے اس سے قبل شروع میں کے پہلے مہینہ میں مستونگ میں کروناوائرس کے مثبت کیسز کی تعداد 29 تھی جبکہ اگلے مرحلے میں ایک مہینہ میں یہ تعداد بڑھ کر 119 ہوگئی اور اب تک پازیٹو کسز کی ٹوٹل تعداد 148 ہوگئی۔
اوستہ محمد: نیشنل پارٹی ضلع جعفرآباد کے جنرل سیکرٹری راوت بلوچ،صالح بلوچ، پیر جان بلوچ،عبدالرحیم لہڑی، ڈاکٹر علی بخش سیال، ضیا مری اور دیگر دوستوں نے موجودہ آئی ایم ایف کے بجٹ کو مسترد کرتے ہوئے کہا کہ ملک کو آئی ایم ایف کے حوالے کرنا قابل افسوس ناک بات ہے اس بار تو اس حکومت نے اپنے نعروں کے برعکس کام کرکے مہنگائی کے اس دور میں ملازمین کے مشکلات کو نظر انداز کیا گیا۔
پنجگور: پنجگور پولیس کی کارروائی دو ملزماں گرفتار قبضے اسلحہ برآمد ملزمان مختلف دفعات میں پولیس کو مطلوب تھے ڈی پی او تفصیلات کے مطابق پنجگور سٹی پولیس نے مختلف علاقوں میں کارروائی کرتے ہوئے جمشید اور عارف نامی دو ملزمان کو گرفتار کرلیا ہے۔
دالبندین: بابائے چاغی پینل کے رہبر اور سابق صوبائی وزیر سخی امان اللہ خان نوتیزئی، سابق ڈسٹرکٹ چیئرمین میر داؤد خان نوتیزئی، قاری سعداللہ نوتیزئی، پی ٹی آئی رہنماء ملک امان اللہ نوتیزئی، میر بدل خان ساسولی، میر مدد خان بڑیچ، خلیفہ محمد اشرف ایجباڑی، ملک صالح محمد نوتیزئی، عبدالقادر سنجرانی، ٹکری عبدالغفار بنگلزئی سمیت درجنوں دکان و مکان مالکان نے سرگیشہ نوتیزئی ہاؤس میں پرہجوم پریس کانفرنس کے دوران دالبندین شہر کی ماسٹر پلان کو چند ٹھیکیداروں اور صوبائی وزیر مواصلات و تعمیرات کا گٹھ جوڑ قرار دیتے ہوئے ذاتی مفادات کے حصول کا منصوبہ قرار دیا اور اس متنازعہ ماسٹر پلان کو یکسر مسترد کردیا۔
پسنی :پسنی کے علاقے بسول میں ٹریفک کے حادثے میں ایف سی ساوتھ کے لیفٹیننٹ کرنل اشتیاق احمد جاں بحق اور میجر ڈرائیور سمیت زخمی ہوگئے،
ماشکیل: فیلڈاسسٹنٹ محکمہ زارعت سعید مہر حسنی کی سربراہی میں ٹڈی دل سے متاثرہ علاقوں پیتاپ،جوئے شاہ سلیم،گڑوک،کلاگ،دشت لیلا میں محکمہ زارعت کے ٹیم نے اسپرے کئے جبکہ ماشکیل رود کے علاقوں میں بھی ٹڈی دل تلف کرنے والے دوا تقسیم کئے جن میں پتکان،باغ،چاہوک،متہ،جوڑ،بزکوئی،گورکادان شامل ہیں۔
تربت: آن لائن کلاسز کے خلاف بی ایس او کا بھوک ہڑتالی کیمپ دوسرے روز بھی جاری رہا۔بلوچ اسٹوڈنٹس آرگنائزیشن تربت زون کی جانب سے آن لائن کلاسز اور ایچ ای سی کے پالیسیوں کیخلاف تربت میں شہید فدا چوک پر سہ روزہ علامتی بھوک ہڑتالی کیمپ دوسرے روز بھی جاری رہا۔ مختلف شعبہ جات سے تعلق رکھنے والے شخصیات نے کیمپ میں شرکت کرکے طلبہ سے اظہار یکجہتی کا مظاہرہ کیا۔
تفتان:کرونا وائرس کے باعث ایرانی سرحد کی جزوی بندش سے آموں کی برآمد شدید متاثر پاک ایران سرحدی شہر تفتان میں آموں سے لدے سیکڑوں ٹرک پھنس گئے ہیں شدید گرمی میں کئی روز سے پھنسے گاڑیوں میں آم گلنے سڑنے لگیکرونا وائرس کے باعث پاک ایران سرحد ہفتے میں 3 روز کھولی جاتی ہے
خضدار:جتک قبیلے کا جرگہ، واقعہ انجیرہ کے خلاف جتک قبیلے نے مسئلے کے حل تک انجیرہ سے بائیکاٹ کا اعلان کردیا ، گو کہ واقعہ جتک قبیلے کے دو گروہوں کے درمیان ہوا، تاہم انجیرہ کے عمائدین اس سے مبرا نہیں ہوسکتے ہیں