ڈیرہ اللہ یار: وفاق اور بلوچستان حکومت گندم خریداری کے لیے مناسب قیمت مقرر نہ کرسکے کاشتکارپاسکو اور محکمہ خوراک کے بجائے اوپن مارکیٹ میں گندم فروخت کرنے لگے ہیں۔
پنجگور : سابق صوبائی وزیر صحت اور نیشنل پارٹی کے صوبائی نائب صدر میر رحمت صالح بلوچ نے کہا ہے کہ پنجگور شریف شہریوں کے لیے نوگو ایریا بن گیا ہے قتل وغارت گری چوری ڈکیتی ربزنی اور دیگر جرائم کی وارداتیں عام ہوچکی ہیں کسی کی بھی جان ومال محفوظ نہیں انہوں نے کہ صحافی جوکہ معاشرے کے آئینہ ہوتے ہیں مگر اب صحافی بھی غیر محفوظ ہیں۔
ڈیرہ اللہ یار: ڈیرہ اللہ یار میں عوام کو صاف اور ٹھنڈا پانی فراہم کرنے والے واٹر فلٹر پلانٹس آپریٹرز 12سال گزرنے کے باجود مستقل نہ ہوسکے۔
چھتر: پیپلزپارٹی سینٹرل کمیٹی ممبر سابق صوبائی وزیر میر محمد صادق عمرانی اپنے بیان میں کہا کہ نصیرآباد میں محکمہ ایجوکیشن نصیرآباد کو جس طرح مذاق بنایا گیا ہے جتنا افسوس کیا جائے کم ہے۔
بھاگ: کرونا وائرس کی وجہ سے لاک ڈاون کو دو ماہ گزر جانے کے باوجود بھاگ کے متاثرہ دیہاڑی دار مزدور اور سفید پوش طبقے کو کسی بھی جانب سے امداد نہ مل سکی جسکی وجہ سے مزدور اور سفید پوش طبقے سے وابستہ ہزاروں خاندان عید کی خوشیوں سے محروم مایوس اور چہرے مرجھائے ہوئے پریشان نظر آتے ہیں۔
دالبندین: چاغی لیویز فورس کی کاروائی اغواء برائے تاوان کے دو ملزمان گرفتار دوران تفتیش اہم انکشافات۔ تفصیلات کے مطابق اسسٹنٹ کمشنر دالبندین جاوید ڈومکی نے اپنے دفتر میں پریس کانفرنس کے دوران کہا کہ کیو آر ایف لیویز فورس کے انچارج کریم نوتیزئی کی قیادت میں لیویز فورس کی خصوصی ٹیم نے خفیہ اطلاع پر دالبندین سٹی میں چھاپے کے دوران چوری ڈکیتی اور اغواء برائے تاوان کے الزام میں مطلوب دو اہم ملزمان گرفتار کرلیے ہیں۔
دالبندین: بلوچستان نیشنل پارٹی کے رکن قومی اسمبلی حاجی میر محمد ہاشم نوتیزئی نے اپنے ایک بیان میں ملک میں لاک ڈاون میں نرمی اور حکومتی ایس او پیز پر عمل درآمد نہ کرنے پر حیرانگی کا اظہار کرتے ہوئے کہا کہ ڈیڑھ مہینے تک لوگوں کے کاروبار بند کرکے انہیں گھروں میں محصور کردیا۔
چمن : ڈسٹرکٹ بار ایسوسی ایشن قلعہ عبداللہ چمن کے پریس ریلیز میں گزشتہ روز چند وکلا کی طرف سے کوئٹہ کچہری میں نئے زیر تعمیر بار روم پر حملہ،توڑ پھوڑ اور تعمیراتی کام میں رکاوٹ پیدا کرنے کے عمل کو انتہائی ناپسندیدہ اور خلاف توقع طرزعمل قرار دیتے ہوئے کہا ہے کہ یہ بلا جواز حرکت وکلا کمیونٹی کے ساکھ پر ایک بدنما دھبہ ہے جس کی جتنی مذمت کی جائے وہ کم ہے بلکہ ستم ظریفی یہ ہے کہ وھاں توڑ پھوڑ کے دوران کچھ سینئر ساتھی وکلا بھی موجود تھے جن کی شہہ پر یہ غلط عمل جاری تھا۔اسطرح کے واقعات قانونی بھائی چارے کیلئے نقصان دہ ہیں۔
لورالائی : صوبائی وزیر صنعت و حرفت حاجی محمد خان طور اوتمانخیل نے اپنے دفتر میں مختلف وفود اور صحافیوں سے بات چیت کرتے ہوئے کہاکہ کرونا وائر س کی وباء سے قبل رواں مالی سال میں صوبے میں ترقی کی رفتار اطمینان بخش تھی سلانہ ترقیاتی اخراجات مکمل طور پر متوزن تھے۔
چاغی: چاغی سردارزادہ منظور احمد لیوارزئی نے اپنے جاری کردہ بیان میں کہا ہے کہ چاغی میں راشن کو سیاسی نذر لگ گیا راشن غریب مستحقین کی بجائے بااثر لوگوں میں تقسیم ہوئے راشن پسند اور ناپسند اور اقربا پروری کی بنیاد پر دیئے گئے ہیں۔