کوئٹہ: صوبائی پارلیمانی سیکرٹری برائے اطلاعات محترمہ بشریٰ رند نے کہا ہے کہ موجودہ دور حکومت میں خواتین سے متعلق ریکارڈ قانون سازی ہوئی ہے جس میں خواتین پر گھریلو تشدد کی روک تھام،اور کام کی جگہ پر ہراساں کرنے کے خلاف قانون سازی عمل میں لائی گئی ہے جبکہ صوبائی حکومت نے معذور خواتین کے لیے انڈومنٹ فنڈ کا قیام عمل میں لایا ہے۔
گوادر: کنٹانی ہور سے بارڈر کی کی سمندری حدود تک 40 دن کے لیئے ماہیگیری کو تحفظ فراہم کرنے کے لیئے اسپیڈ بوٹ مالکان کی سرحدی تجارت کو بند کیا جائے انجمن ماہیگیران جیونی کے رہنماؤں کا مطالبہ ، انجمن ماہیگیران جیونی کے رہنماؤں ناخدا غلام، ناخدا شاہ بخش، ناخدا،پیر محمد اور دیگر ماہیگیروں کی طرف سے جاری ایک بیان میں کہا ہے کہ یکم مارچ سے مئی تک کا عرصہ ہمارا ماہیگیری کا سیزن ہے۔
مستونگ: شہید نواب غوث بخش رئیسانی میموریل ہسپتال مستونگ کا ایم پی اے بلوچستان چیف آف سراوان نواب محمد اسلم خان رئیسانی، نوابزادہ حاجی لشکری رئیسانی، سی ای او Progressive Education Network (PED) ڈاکٹر محمد نجیب، سابقہ ایڈیشنل سیکرٹری ہیلتھ بلوچستان چیئرمین تعلیمی فاؤنڈیشن پاکستان ظفر قادر نے دورہ کیا۔
کوئٹہ: گورنربلوچستان امان اللہ خان یاسین زئی نے کہا ہے کہ بلوچستان میں زراعت، ماہی گیری اور لائیو سٹاک کے شعبوں کو جدید خطوط پر استوار کرنے کیلئے آبی ذخائر میں اضافہ کرنا ہوگا. گویا ہم نئے آبی ذخائر کی تعمیر سے ہی غذائی قلت پر قابو پانے کے قابل ہو سکتے ہیں. گورنر یاسین زئی نے کہا کہ خوراک اور غذائیت کے حوالے سے حکومتی اقدامات کے علاوہ ملکی اور بین الاقوامی اداروں کے تعاون و رہنمائی کی بھی اشد ضرورت ہے۔
کوئٹہ: بلوچستان نیشنل پارٹی کے مرکزی کمیٹی کے ممبران سابق ایم این اے میررف مینگل چئیرمین جاویدبلوچ سابقہ چیف سی اینڈڈبلیومیراحمدخان مینگل نے بلوچستان کے عظیم اسکالر وائس چانسلریونیوسٹی آف لاہوراورایچ ای سی کی ایگزیکٹوڈاکٹرمحمد رفیق زہری کی المناک موت پران کے گھرواقع کلی اسماعیل جاکر تعزیت کااظہارکرتے ہوئے کہاکہ ڈاکٹررفیق صاحب کی انتقال ہمارے لئے قومی نقصان ہے ۔
کوئٹہ: بلوچستان نیشنل پارٹی کے مرکزی کمیٹی کے اراکین غلام نبی مری ،حاجی میر عبدالغفور مینگل، سیاسی و قبائلی رہنما حاجی محمد الیاس مینگل اور ملک عطا اللہ مینگل نے اپنے ایک مشترکہ بیان میں 18 فروری کے رات کو کلی سردار کاریز مغربی بائی پاس کوئٹہ میں قبائلی رہنما شاہ فیصل مینگل کے گھر پر سرکاری وردی میں ملبوس ایک درجن سے زائد مسلح ڈکیت گروہ نے رات 3 بجے گھر میں گھس کر اہل خانہ کو یرغمال بنا کر ڈکیتی کی سخت الفاظ میں مذمت کرتے ہوئے کہا ہے کہ واقعے کو 5روز گزرنے کے باوجود ابھی تک ڈاکوں کو گرفتار نہیں کیا جا سکا۔
کوئٹہ: بلوچستان میں 4ماہ کے دوران 73فیصد کم بارشیں ہوئیں جسکی وجہ سے صوبے کے 12اضلاع میں پانی کی قلت پیدا ہوگئی ۔ محکمہ موسمیات کی جاری کردہ رپورٹ کے مطابق بلوچستان میں اکتوبر 2020سے جنوری 2021تک 73.2فیصد کم بارش ریکارڈ کی گئی ہے صوبے میں اکتوبر 2020میں منفی 100فیصد،دسمبر میں منفی 74.2،جنوری میں منفی 100فیصد بارشیں ہوئیں۔
تربت: صوبائی مشیر فشریز الحاج میر اکبر آسکانی نے کہاہے کہ تبلیغی اجتماع گاہ کی اراضی کے تحفظ کیلئے تمام مسلمان اپنے ایمانی جذبہ کے ساتھ تبلیغی جماعت کے ساتھ ہیں۔
کوئٹہ: بلوچستان ہائی کورٹ میں بلوچستان عوامی پارٹی کے سینیٹ کی ٹیکنوکریٹ نشست پر امیدوار سعید احمد ہاشمی اور نوید کلمتی کے کاغذات نامزدگی منظور ہونے کے خلاف آئینی درخواست دائر کردی گئی ،منگل کو بلوچستان نیشنل پارٹی کے مرکزی ہیومن رائٹس سیکرٹری موسیٰ جان بلوچ کی جانب سے بلوچستان ہائی کورٹ میں آئینی درخواست دائر کی گئی ہے۔
کوئٹہ: جمعیت علمااسلام کے مرکزی رہنما و پاکستان ڈیموکریٹک مومنٹ کے ڈپٹی سیکرٹری اطلاعات سینیٹر حافظ حمداللہ نے کہا ہے کہ حکمران ملا مدرسہ اور طالب کے حوالے سے منافقانہ رویہ اپنائے ہوئے ہیں کل دہشت گرد اور انتہا پسند سمجھنے والے طلبا آج سیاسی جدوجہد کے میدان میں معصوم کیسے ٹہرے عصری اداروں میں پڑھنے والے طلبا کی طرح دینی مدارس کے طلبا کو بھی سیاسی میدان میں جدوجہد کا حق حاصل ہے۔