کوئٹہ: وزیراعلیٰ بلوچستان نواب ثنا ء اللہ خان زہری نے ورلڈکرکٹ الیون کے دورۂ پاکستان کا خیرمقدم کرتے ہوئے اسے پاکستان میں بین الاقوامی کرکٹ کی دوبارہ بحالی کے ساتھ ساتھ ملک میں امن وامان کی صورتحال کی بہتری کامظہرقراردیاہے اورکہاہے کہ یہ تاریخی دورہ اس بات کاثبوت ہے کہ دُنیا دہشت گردی کے خلاف پاکستان کی کاؤشوں اوران کے نتیجے میں پاکستان میں قائم ہونے والے امن کوسراہتی ہے ۔
کوئٹہ: گورنر بلوچستان محمد خان اچکزئی نے کہا ہے ہمارے معاشرے میں فکری انتشار اور سماجی تناؤ رواداری اور بھائی چارے کے فقدان کے باعث پیدا ہورہا ہے۔ضرورت اس امر کی ہے کہ جمہوری رویوں اور امن وآتشی کی فضا کو قائم رکھا جائے تاکہ معاشرے میں مزید استحکام اور باہمی اعتماد پیدا ہوسکے۔
کوئٹہ : ایڈیشنل ڈسٹرکٹ اینڈ سیشن جج IV کوئٹہ جناب حیات اللہ نے قتل کے مقدمہ میں نامزد سابق صوبائی وزیر علی مدد جتک کی درخواست ضمانت خارج کردی ۔
کوئٹہ: ایڈیشنل چیف سیکریٹری منصوبہ بندی وترقیات ڈاکٹر عمر خان بابر نے کہا ہے کہ چین پاکستان اقتصادی راہدای منصوبے کے لئے بہترین منصوبہ بندی کے تقاضوں کو مدنظر رکھتے ہوئے حکومت بلوچستان ہر ممکن اقدام اٹھارہی ہے کیونکہ یہ منصوبہ بلوچستان کی ترقی میں سنگ میل ثابت ہوگی جس سے ترقی کی نئی راہیں کھلیں گی۔
کوئٹہ : عوامی نیشنل پارٹی کے رہنماؤں نے کہا ہے کہ ملک اس وقت تاریخ کے نازک ترین دور سے گزر رہا ہے حکمرانوں نے ہوش کے ناخن نہ لئے تو یہ 20 کروڑ عوام کی بدقسمتی ہوگی ، جب تک مظلوم محروم قوتیں مل کر مشترکہ جدوجہد نہیں اپنائیں گے ، مزید پستی مقدر بنے گی۔
کوئٹہ: پاکستان تحریک انصاف بلوچستان کے صوبائی صدر سردار یار محمد رند نے کہا ہے کہ بلوچستان کی عوام صحت و وتعلیم سمیت تمام بنیادی سہولیات سے محروم ہے بلوچستان کے اکثر پڑھے لکھے نوجوان بیروزگار ہیں اور اچھی اچھی ڈگریاں ہونے کے باوجود در بدر کی ٹھوکریں کھا ر ہے ہیں ۔
کوئٹہ: بلوچستان کے ڈسٹرکٹ چیئرمینوں نے حکومت سے مطالبہ کیا کہ چار سال گزرنے کے باوجود بلدیاتی نمائندوں کو اختیارات نہیں دیئے گئے جس کی وجہ سے ہمیں عوامی مسائل حل کرنے میں مشکلات کا سامنا کر نا پڑ رہاہے ۔
کوئٹہ: جمعیت علماء اسلام کے رہنماؤں نے کہا ہے کہ پاکستان کو دھمکی دینے والا امریکہ پہلے افغانستان میں اپنا اور روس کا حشر یکھے دنیا میں بد امنی اور دہشتگردی کا ذمہ وار بھارت اور اسرائیل ہے جس کی سرپرستی امریکہ کر رہی ہے ۔
لاہور: ورلڈ الیون کے کوچ اینڈی فلاور نے کہا ہے کہ دہشت گردی کy خلاف قربانیاں دینے والوں کو خراج عقیدت پیش کرتا ہوں جب کہ ورلڈ الیون کے کھلاڑی پاکستان میں انٹرنیشنل کرکٹ کی بحالی چاہتے ہیں۔
اسلام آباد: قومی اسمبلی میں اپوزیشن لیڈر سید خورشید شاہ کا کہنا ہے کہ نوازشریف کو ملک میں رہ کر نیب ریفرنسز کا سامنا کرنا چاہئے کلثوم نواز کی بیماری کی آڑ میں ان کا وطن واپس نہ آنا غیرمناسب ہے۔