کوئٹہ /کراچی: جمعیت علماء اسلام پاکستان کے سینئر رہنما اور ممتاز پارلیمنٹرین حافظ حسین احمد نے کہا کہ مولانا فضل الرحمن تو پی ڈی ایم کے نمائشی صدر ہیں، اصل میں پی ڈی ایم میں پیسہ میاں نوازشریف کا اور فیصلہ آصف علی زرداری کا چلتا ہے وہ منگل کو ممتاز صحافی چودھری راشد محمود کے چھوٹے بھائی چودھری ساجد محمود کے ٹریفک حادثے میں انتقال پر تعزیت اور فاتحہ خوانی کے بعد میڈیا سے گفتگو کررہے تھے ۔
کوئٹہ: بلوچستان عوامی پارٹی کے سینئر نائب صدراور سابق صوبائی وزیر میر عبدالکریم نوشیروانی نے کہاہے کہ پی ڈی ایم نے ماضی کی ایم آر ڈی کا طرز عمل اپنا رکھاہے پاک افواج اور اداروں پر بے بنیاد الزامات لگانا کسی بھی طرح درست عمل نہیں پاک افواج اور اداروں کو سیاست میں نہ گھسیٹاجائے 1977کی طرح آج اگرملک سے جمہوریت ڈراپ ہوئی تواسکے منفی اثرات مرتب ہونگے۔
کوئٹہ: بلوچستان کے لاپتہ افراد کی بازیابی کیلئے قائم کمیشن کی کوئٹہ میں لاپتہ افراد کے کیسزکی سماعت دو سرے روز گیارہ لاپتہ افراد کے کیسز سنے گئے تاہم کسی بھی لاپتہ شخص کے بازیاب ہوکر گھر پہنچنے کی تصدیق نہ ہوسکی ۔محکمہ داخلہ کے مطابق لاپتہ افراد کے کمیشن کی سربراہی بلوچستان ہائی کورٹ کے سابق جج جسٹس ریٹا ئر ڈ فضل الرحمان کررہے ہیں۔
کوئٹہ: انسپکٹر جنرل آف پولیس بلوچستان محمد طاہر رائے نے کہا ہے کہ یہ میر ے لئے اعزاز کی بات ہے کہ میں بلوچستان پولیس کا کمانڈر بنا ہوں بلوچستان پولیس شاندار رویات کی امین فورس ہے اس نے بہت سارے بہادر سپوت پیدا کئے ہیں انہوں نے کہا کہ میں آپ کی عزت بڑھانے آیا ہوں میں آپ کا مستقبل بنانے آیا ہوں آپ کو ترقیاں دینے آیا ہوں آپ کی زندگی اور نوکر ی بہتر بنانے کے لئے آیا ہوں۔
تمپ: تحصیل تمپ کے مختلف علاقون میں بکریوں میں پراسرار بیماریان پھیل گئی ہیں، عوامی حلقوں نے ویکسینیشن مہم کا مطالبہ کردیا۔ عوامی حلقوں کے مطابق محکمہ لائیوسٹاک کی عدم توجہی سے آئے روز متعدد بکریان بیماری کے باعث ہلاک ہورہے ہیں۔
اوستہ محمد: جمعیت علما ء اسلام کے کے سابق صو بائی جنر ل سیکر ٹری و بلوچستان اسمبلی میں اپوزیشن لیڈر ملک سکندر خان ایڈووکیٹ نے کہاہے کہ صوبے میں جام حکومت جام ہو کر رہ گئی ہے ، جمعیت علمائے اسلام ملک میں اسلامی نظام کے نفاذ اور ملک کی سلامتی و خوشحالی سمیت پاکستان کی غریب اور مظلوم عوام کے حقوق کیلئے جدوجہد کررہی ہے۔
دالبندین: چاغی کے عوام کے ساتھ تبدیلی کے نام پر دھوکہ کیا گیا ٹھیکوں کی بندر بانٹ سرکاری آفیسران پر من مانی اعلانات صرف سوشل میڈیا تک محدود۔ ساسولی قبائل کے ساتھ ہمارا خون کا رشتہ ہے اقتدار آنی جانی چیز ہے لیکن چاغی کے 42 قبائل کے ساتھ ہر فورم پر کھڑے ہیں بلوچستان کے ممتاز قبائل رہنما سابق صوبائی وزیر بابائے چاغی پینل کے سربراہ سخی امان اللہ خان نوتیزئی کا تحصیل چاغی ساسولی ہاوس میں قبائل عمائدین سے بات چیت کرتے ہوئے کہا کہ ساسولی قبائل سمیت تمام قبائل کے ساتھ ہمارا خون کا رشتہ ہے اقتدار آنی جانی چیز ہے چاغی امن کا گلدستہ ہے۔
کوئٹہ: نیشنل پارٹی کے رہنماؤں نے کہا ہے کہ سیاسی شعور فکر و نظریے سے آراستہ تنظیمیں ہی قومی بیداری کا راستہ متعین کرنے کا ذریعہ بنتے ہیں۔ اور قومی فکر کے پروان چڑھنے سیہی قوموں کی تاریخ بنتی ہے۔گل خان نصیر اور ماما عبداللہ جمالدینی کی مٹی نے ہمیشہ قومی تحریک کی آبیاری کی ہے۔زرخیز سیاسی سرزمین سے نیشنل پارٹی کے کاروان میں شمولیت سیاسی آگہی کی نشاندھی اور نیشنل پارٹی کی شعوری فکر کو واضح کرتی ہے۔
کوئٹہ: حکومت بلوچستان نے صوبے کے سرد علاقوں کے تعلیمی اداروں کو بتدریج کھولنے کا نوٹیفکیشن جار ی کردہ،پرنسپلز کو کورونا وائرس سے بچائو کی احتیاطی تدابیر پر سختی سے عملدآمد کی ہدایت کی گئی ہے۔
لاہور: وزیراعلیٰ بلوچستان جام کمال خان نے پنجاب سیف سٹیز اتھارٹی ہیڈ کوارٹرز کا دورہ کیا،اس موقع پر آئی جی بلوچستان رائے طاہر، ایم ڈی راو سردار علی خان اور سی او او محمد کامران خان نے وزیراعلی کا استقبال کیا اورمنیجنگ ڈائریکٹر پنجاب سیف سٹیزاتھارٹی راو سردار علی خان اور چیف آپریٹنگ آفیسر محمد کامران خان نے اتھارٹی بارے تفصیلی بریفنگ دی اور مختلف شعبہ جات کا دورہ کروایا۔