کوئٹہ: چیف سیکرٹری بلوچستان کیپٹن (ر) فضیل اصغر نے کہا ہے کہ انسان درختوں کے بغیر اپنے وجود کے بارے میں نہیں سوچ سکتے اور یہ آکسیجن کی فراہمی کے ماحولیاتی توازن کو برقرار رکھنے میں ہماری مدد کرتے ہیں لیکن ہمارے درخت اور جنگلات ہمارے زمین کے کل رقبے کے تناسب کے لحاظ سے کافی نہیں ہیں۔ اپنے ماحول کو محفوظ رکھنے کے لئے درخت لگانے ناگزیر ہیں۔
کوئٹہ: ڈپٹی اسپیکر قومی اسمبلی محمد قاسم خان سوری نے کہاہے کہ کاروباری آسانی اور سرحد پار تجارتی انڈیکس میں بہتری، پاکستان ایشیا میں پہلے نمبر پر آ گیا، سرحد پار تجارتی انڈیکس میں 31 درجے بہتری کے بعد پاکستان 142ویں سے 111ویں پوزیشن کے ساتھ کاروباری آسانیاں پیدا کرنے والے پہلے دس ممالک میں بھی شامل ہوگیاہے ۔
کوئٹہ: بلوچستان عوامی پارٹی کے سینیٹر کہدہ بابر نے حکومت بلوچستان اور صوبائی اسمبلی سے اپیل کی ہے کہ وہ بلوچستان کے ماہی گیروں کو مزدور کا درجہ دلانے کیلئے قانون سازی کرے ۔
کوئٹہ/اسلام آباد: سینیٹ کی قائمہ کمیٹی برائے اطلاعات ونشریات نے ریڈیو پاکستان سے نکالے گئے کنٹریکٹ ملازمین کو میرٹ پر بحال کرنے اور خسارے کو دیگر ذرائع سے پورا کرنے کی ہدایت کرتے ہوئے آئندہ آجلاس میں ریڈیو پاکستان کے اخراجات کو کم کرنے ریڈیو پاکستان کی عمارتوں کو موثر استعمال میں لانے اور تمام ملازمین کی تنخواہوں کی تفصیلات طلب کر لیں۔
کوئٹہ: انسپکٹر جنرل بلوچستان پولیس محسن حسن بٹ نے کہا ہے کہ کوئٹہ سمیت صوبے بھر میں امن وامان کی بحالی کیلئے پولیس افسران وجوانوں کی قربانیوں کے باعث ہم آگے بڑھ رہے ہیں بلوچستان پولیس کی تاریخ شہدا کی قربانیوں سے بھر ی ہے پولیس کو جدید خطوط پر استوار کرتے ہوئے چستان کے تمام تھانوں میں ایف آئی آر ٹرانسفر پوسٹنگ ڈیجیٹل سٹم سے اور تمام ملازمین کا ریکارڈ کمپیو پرائز سٹم سے منسلک کر دیا گیا۔
کوئٹہ: لوکل میڈیکل سٹوڈنٹس کوہلو کے رہنماوں نے کہا ہے کہ میڈیکل کالج کی سیٹوں میں کوہلو کے طلباء کے ساتھ ہونے والی نا انصافی کافوری نوٹس لیتے ہوئے غیرمقامی طلباء کی کوہلو کیلئے مختص نشستوں پر داخلے منسوخ کئے جائیں بصورت دیگر شدید احتجاج پر مجبور ہونگے۔
خضدار: صوبائی سیکرٹری اسپورٹس میر عمران گچکی نے کہا کہ ترقیاتی منصوبوں کی معیاری اور بروقت تکمیل کو یقینی بنایا جائے تاکہ فنڈز اور وقت کا ضیاع نہ ہو منصوبوں میں تاخیر برداشت نہیں کی جائے گی ان خیالات کا اظہار انہوںخضدار کے دورے موقع پر محکمہ کے زیر نگرانی مختلف منصوبوں کے معائنہ کے دوران بات چیت کرتے ہوئے کیا۔
زیارت: بی اے پی کے مرکزی رہنماء صوبائی وزیر پی ایچ ای ، واسا حاجی نورمحمد خان دمڑ نے کہا کہ حلقہ انتخاب میںشاندار کارکردگی سے مخالفین خائف ہیں، ہم مثبت تنقید کو سنجیدگی سے لیتے ہیں ۔
کوئٹہ: امیرجماعت اسلامی صوبہ بلوچستان مولانا عبدالحق ہاشمی نے کہاکہ بلوچستان میں کھیلوں کے میدان ویران ،نوجوان بے روزگار،تعلیم وصحت کے ادارے خراب ہیں ۔جماعت اسلامی عوام کومسائل ومشکلات اور پریشانیوں سے نجات دلائیگی ۔
کوئٹہ: جمعیت علمااسلام پاکستان کے مرکزی رہنما ء و سینیٹرا ورڈپٹی سیکرٹری اطلاعات پاکستان ڈیموکریٹک موومنٹ مولاناحافظ حمداللہ نے کہاہے کہ شیخ رشید جیسا لوٹا میدان سیاست کا بارہواں کھلاڑی تو کجا سکواڈ میں بھی شامل نہیں۔