گوادر: ڈی جی آپریشنل نیب پاکستان ظاہر شاہ اور ڈی جی نیب بلوچستان فرمان گوادر،. پہنچ گئے. گوادر کے دورے پر آئے ہوئے نیب کے اعلی عہدیداروں نے چمبر آف کامرس،.ریئل اسٹیٹ اور فش انڈسٹری سمیت مختلف کاروباری لوگوں کے ساتھ ملاقاتیں کیں. اس موقع پر ڈی جی آپریشنل نیب پاکستان نے مختلف کاروباری لوگوں سے غیر رسمی بات چیت کرتے ہوئے کہا کہ نیب ایک خودمختار ادارہ ہے۔
کوئٹہ: پاکستان مسلم لیگ(ن) کی مرکزی ترجمان مریم اورنگزیب نے شبلی فراز کومخاطب کرتے ہوئے کہاہے کہ وہ وزیراعظم کومشورہ دیں کہ وہ کوئٹہ آئیں ،پانچ دن سے شہداء کی میتیں سڑک پر پڑی ہیں جبکہ وزراء وزیراعظم کیلئے فائدے ڈھونڈ رہے ہیں ۔ان خیالات کااظہار انہوں نے میڈیا سے گفتگو کریت ہوئے کیا۔ انہوں نے کہاکہ اپوزیشن جماعتیں لاشوں پر سیاست نہیں کرتی۔
کوئٹہ: بلوچستان نیشنل پارٹی کے مرکزی رہنماء سینئر قانون دان ساجد ترین ایڈووکیٹ نے کہاہے کہ ہزارہ برادری کے جذبے کو سلام پیش کرتے ہیں ،سانحہ مچھ پر عمران خان اور جام کمال کی حکومتوں پر شرمندگی محسوس کررہے ہیں ،بلوچستان اور وفاق کی نام نہاد حکومتوں صرف اپنی ذات کی فکر میں ہے انہیں اس کی پرواہ نہیں ہے کہ کتنے لوگ شہید ہیں یا کتنے دن لوگ احتجاج پر بیٹھتے ہیں۔
کوئٹہ : بلوچستان نیشنل پارٹی کے رکن صوبائی اسمبلی ثناء بلوچ نے کہا ہے کہ بحرانی صورتحال پر بحث اور لائحہ عمل بنانے کے لئے واحد فورم اسمبلی فلور ہے اسپیکر بلوچستان اسمبلی کو اجلاس فوری طور پر طلب کرنا چاہئے۔
کوئٹہ: صوبائی وزیر داخلہ کے ترجمان نے میر ضیاء اللہ لانگو کو ہٹانے سے متعلق خبروں کی تردید کرتے ہوئے کہا ہے کہ ایسی خبروں میں کوئی صداقت نہیں اپنے ایک بیان میں صوبائی وزیر داخلہ میر ضیاء اللہ لانگو کے ترجمان نے وزیر داخلہ کو ہٹانے سے متعلق سوشل میڈیا پر گردش کرنے والی خبر کی تردید کی۔
سابق وزیراعظم شاہد خاقان عباسی نے لندن میں قائد مسلم لیگ ن نوازشریف سے ملاقات کی اور شہباز شریف کا خصوصی پیغام پہنچایا۔
کراچی کی عدالت نے لیاری گینگ وار کے سرغنہ عذیر بلوچ کو تین مقدمات سے بری کر دیا۔
کوئٹہ:وزیراعلیٰ بلوچستان جام کمال خان کی قیادت میں وفد کے سانحہ مچ کے لواحقین کے ساتھ مذاکرات ناکام ،لواحقین نے وزیراعظم کی آمد تک میتوں کی تدفین سے انکار کردیا ، وزیراعلیٰ جام کما ل خان نے کہا ہے کہ مچ واقعہ افسوسناک ہے داعش سمیت امن و امان خراب کرنے والے عناصر کی سرکوبی کے لئے مربوط اقدامات اٹھائے جائیں گے شہداء کی میتوں کی تدفین کو وزیراعظم کی آمد سے مشرو ط نہ کیا جائے۔
لاہور: وفاقی وزیر تعلیم شفقت محمو دنے کہا ہے کہ بلوچستان میں فرقہ واریت کو فروغ دینے ، بے گناہ مزدوروں کو قتل اور بدامنی میں بھارت کے ملوث ہونے کو خارج از امکان قرار نہیں دیا جاسکتا۔
گوادر: صدر ڈاکٹر عارف علوی نے گوادر پورٹ فری زون ایریا کو کراچی بندرگاہوں کے علاوہ افغانستان اور بلوچستان کے ساتھ تجارت کے لئے بھی استعمال کرنے کی ضرورت پر زور دیا ہے۔ انہوں نے کہا کہ گوادر بندرگاہ پر ٹریفک کے تیز بہاؤ کو یقینی بنانا ہوگا۔ انہوں نے حکام پر زور دیا کہ وہ ترقیاتی سرگرمیوں کو تیز کرے اور اتفاق رائے سے اور متعلقہ اسٹیک ہولڈرز سے مشاورت کے ذریعے اس میں رکاوٹوں کو دور کرے۔