کراچی: گینگ وار کے سرغنہ عزیر جان بلوچ کے خلاف مقدمہ میں گواہ منحرف ہوگیا جس پر مقامی عدالت نے عزیر بلوچ کو پولیس پر حملے کے مقدمے سے بری کردیا۔کراچی سینٹرل جیل جوڈیشل کمپلیکس میں ایڈیشنل ڈسٹرکٹ اینڈ سیشن جج جنوبی نے پولیس پر حملے کے مقدمے کا فیصلہ سنادیا۔
کوئٹہ: پاکستان مسلم لیگ(ن) کے صوبائی صدر و سابق اسپیکر جمال شاہ کاکڑ نے کہا ہے کہ خادم اعلیٰ میاں شہباز شریف کی ضمانت کی منظوری حکومت کے سیاسی مخالفین کو انتقامی کاروائی کا نشانہ بنانے کی شکست ہے، کرپشن کے الزامات ایک کے بعد ایک کرکے ختم ہو رہے ہیں مسلم لیگ(ن) کا دامن صاف ہے جلد ہی تمام بے بنیاد اور جھوٹے مقدمات عدالت سے خارج ہونگے۔
پنجگور: پنجگور جیسے ایک چھوٹے علاقے میں روڑ حادثات میں تین ماہ کے دوران درجنوں افراد لقمہ اجل بنے سرکاری اعداد وشمار کے مطابق جنوری 2021 سے لیکر اپریل تک پنجگور کے مختلف علاقوں میں روڑ حادثات کی وجہ سے 20 کے قریب قیمتی جانیں ضائع ہوئیں اور ایک سو کے قریب لوگ زخمی ہوگئے بعض کی ٹانگیں چلی گئیں اوربعض ہاتھ اور سرپر چوٹ لگنے کی وجہ سے معذوری کا شکار بنے پنجگور میں روڑ حادثات کی سب بڑی وجہ لاپرواہی کو گردانا جاتا ہے۔
کوئٹہ: کوئٹہ کے نواحی علا قے میں ٹریلر کی زد میں آکر دو افراد جاں بحق ۔ پو لیس کے مطابق بدھ کو کوئٹہ کے نواحی علا قے کچلا ک میں ٹریلر کی بریک فیل ہو جا نے کے باعث دو افراد زد میں آکر جاں بحق ہو گئے پو لیس نے لاشوں کوتحویل میں لیکر ہسپتال منتقل کر دیا جہاں ضر وری کاروائی کے بعدلاشیں ورثاء کے حوالے کر دی گئی مزید کاروائی جا ری ہے ۔
کوئٹہ: بلوچستان نیشنل پارٹی کے مرکزی رہنما ایم پی اے میرمحمداکبرمینگل نے خضدار میں پولیس اورضلعی انتظامیہ کی دہشت گردانہ طرزعمل کی بھرپورمزمت کرتے ہوئے کہاکہ تحریک لبیک پاکستان کے پر امن احتجاج کے دوران انکے کارکنوں پربرترین شیلنگ اورفائرنگ کی گئی۔
کوہلو: رکن صوبائی اسمبلی میر نصیب اللہ مری نے ضلع کوہلو کے دورافتادہ علاقوں گرسنی ،سکہ دف میں جاری ترقیاتی اسکیموں کا دورہ کیا اس موقع پر ایکسین بی اینڈ آرسعود بگٹی،ایس ڈی او انجنیئر میر دغلام ستگیر مری نے ایم پی اے کو جاری ترقیاتی اسکیموں کے بارے میں تفصیلی بریفنگ دی۔
کوئٹہ : اسپیکر بلوچستان میر عبدالقدوس بزنجو نے کہا ہے کہ ماہ صیام میں منافع خوری اورمصنوعی مہنگائی کو کنٹرول کرنے کیلئے عملی اقدامات کرنے کی ضرور ت ہے عوام کو سستی اشیاء فراہم کرنا حکومت کی ذمہ داری ہے وزیراعلیٰ بلوچستان نے عوام کو ریلیف پہنچانے کیلئے بہت مثبت اقدامات اٹھائے ہیں۔
لورالائی: صوبائی وزیرصنعت وتجارت حاجی محمدخان طوراوتمانخیل نے اعلیٰ سطحی اجلاس کی صدارت کرتے ہوے کہا ہے کہ مو جودہ صوبائی حکومت صوبے میںصنعتیں لگانے کے لیے عملی اقدامات کررہی ہے تاکہ صوبے کے لوگوں کوروزگا رفراہم کیا جاسکے اجلاس میںسیکر ٹری حافظ عبدالباسط،سیکر ٹری اکبرحریفال،ایم۔ڈی حیڈا عطااللہ جوگیزئی اوردیگر ممبران نے شرکت کی۔
سبی: ڈپٹی کمشنر سبی سید زاہد شاہ نے گزشتہ روز تحصیل لہڑی اور بختیار آباد ڈومکی کا ہنگامی اور تفصیلی دورہ کیا اسسٹنٹ کمشنر ثوبان سلیم دشتی اور ڈی ایچ او ڈاکٹر اکبر سولنگی بھی انکے ہمراہ تھے انہوں نے لہڑی بازار کا معائنہ کیا جگہ جگہ کچروں کے ڈھیر اور ناقص صفائی پر سخت برہمی کا اظہار کرتے ہوئے لوکل گورنمنٹ حکام کو سختی سے ہدایت کی کہ وہ لہڑی میں صفائی ستھرائی پر خصوصی توجہ دیں انھو ں نے بی ایچ یو بختیار آباد کا بھی دورہ کیا۔
کوئٹہ: جمعیت علماء اسلام نظریاتی بلوچستان کے صوبائی امیر مولاناعبدالقادر لونی نے کہا ہے کہ بلدیاتی انتخابات کا التوا کسی صورت میں عوام کو قبول نہیں بلدیاتی انتخابات کے بغیر مسائل حل نہیں ہوئے ہیں نہ ہونگے ماضی میں بھی ہمیشہ بلدیاتی انتخابات کو تاخیری حربے استعمال کر کے بروقت الیکشن نہیں کرائے جاسکے اور کسی نہ کسی جواز کے تحت بلدیاتی الیکشن تاخیر کا شکار ہوتے رہے۔