خضدار: خضدارمیں ڈبل سواری اور اسلحہ کی نمائش پر پابندی عائد کردی گئی ، پولیس اور ایف سی کا گشت شہر اور اطراف میں بڑھانے کا فیصلہ ، لیویز فورس ان کی معاونت کا کردار ادا کریگی ،قیامِ امن کے لئے تمام تر ضروری اقدامات عمل میں لانے اور حکومتی رٹ بحال کرنے کے لئے اقدامات کیئے جائیں گے۔ ڈپٹی کمشنر کی زیر صدارت قانون نافذاداکرنے والے اداروں کی سربراہان و نمائندگان اجلا س اور فیصلے ۔
کوئٹہ: نیشنل پارٹی کے مرکزی ترجمان نے تحریک انصاف کی حکومت کی جانب سے قومی ادارے پاکستان اسٹیل ملزکی بندش اور ہزاروں ملازمین کی غیرقانونی برطرفی کی شدیدالفاظ میں مزمت کرتے ہوئے کہاہے کہ ایک کروڑ نوکریاں اور 50لاکھ گھر دینے کاوعدہ کرنے والے آج عوام کے سامنے بے نقاب ہوگئے ہیں، بیان میں کہاکہ پاکستان اسٹیل ملز قومی اثاثہ اور ملک میں فولاد سازی کا واحدادارہ ہے۔
کوئٹہ: جمعیت علماء اسلام کے صوبائی امیر ورکن قومی اسمبلی مولانا عبدالواسع نے پی ڈی ایم کے زیراہتمام کامیاب جلسہ اور احتجاجی مظاہرے پر سیاسی کارکنوں کوخراج تحسین پیش کرتے ہوئے کہاہے کہ وفاقی وزراء کے استعفوں سے متعلق بیانات سورج کو انگلی سے چھپانے کے مترادف ہے ،وزراء الیکشن سے پہلے عوام کو دکھائے گئے سبز باغ کے وعدے پورے کرے ۔
اسلام آباد: وزیرخارجہ شاہ محمود قریشی نے کہا ہے کہ بھارت خطے کے امن کا دشمن ہے، بلوچستان اور قبائلی علاقوں میں بھارت دہشت گردی پھیلا رہا ہے۔اپنے ایک بیان میں شاہ محمود قریشی نے کہا کہ بھارت دہشت گردی کی پشت پناہی کررہا ہے۔
کوئٹہ: پاکستان ڈیموکریٹک موومنٹ کے رہنمائوں نے کہا ہے کہ ملتان کے جلسے پر کریک ڈائو ن کے بعد حکومت نے آئی جی پولیس کے ذریعے یوٹرن لیا، پی ڈی ایم کو احتجاج پر مجبور کر کے حکومت نے اپنے پائوں پر خود کلہاڑی ماری ہے، پی ڈی ایم عوام کے حقوق، جمہوریت کی بحالی تمام اداروں کی آزادی کی جنگ لڑ رہی ہے،عمران خان اور انکی ٹیکنوکریٹ کابینہ کے خلاف عوامی احتجاج اور جلسے ریفرنڈم ثابت ہوئے ہیں۔
کوئٹہ: بلوچستان ہائی کورٹ کے چیف جسٹس جناب جسٹس جمال خان مندوخیل اور جسٹس جناب جسٹس عبدالحمید بلوچ پرمشتمل ڈویژنل بینچ نے اسسٹنٹ سب رجسٹرار آفس میں وکلاء کے ساتھ پیش آنے و الی جیسی واقعات کی روک تھام کیلئے کمیٹی بنانے کا حکم دیاہے۔
کوئٹہ; صوبائی وزیرخزانہ میر ظہوراحمد بلیدی نے کہاہے کہ لکھا پڑھا اور خوشحال مکران ان کا خواب ہے اس مقصد کے حصول کو یقینی بنانے کیلئے عملی اقدامات اٹھائے جارہے ہیں۔کیونکہ تعلیم کسی بھی علاقے کی ترقی و خوشحالی میں ہمیشہ سے کلیدی کردار ادا کرتی آرہی ہے اس سمت میں گورنمنٹ انٹر کالج ھو شاب برائے طلباء اور گورنمنٹ انٹر کالج بلیدی برائے طلبا ء کو اپ گریڈ کرکے ڈگری کالجز کا درجہ دیا گیا ہے۔
کوئٹہ: پارلیمانی سیکرٹری برائے اطلاعات محترمہ بشریٰ رند نے یوم استغفار کے حوالے سے کہا ہے کہ مسلمان کی نظر ہر وقت اللہ کی رحمت پر ہوتی ہے ہم سب کو چاہئے کہ اللہ کا شکرادا کرنے کے ساتھ ساتھ استغفار کو بھی جاری رکھیں۔ انہوں نیجمعہ کا دن یو م استغفار خصوصاً اجتماعی طور پر منانے کو خوش آئند قرار دیتے ہوئے کہاکہ علماء اور مشائخ دین نے عوام کو جہاں کرونا کے حوالے سے احتیاط برتنے کی تلقین کی ساتھ ساتھ خود بھی عمل پیرا نظر آئے۔
خضدار: جھالاوان کے قبائلی معتبرین سماجی شخصیات میر محمد ایوب گنگو ،میر جاوید احمد سوز مینگل ،میر عبدالرحیم جاموٹ اور دیگر نے وزیر اعلیٰ بلوچستان جام کمال خان کی ترقیاتی ویژن کی بھر پور حمایت کا اظہار کرتے ہوئے کہا ہے کہ وزیر اعلیٰ بلوچستان جام کمال خان کی قیادت میں بننے والی حکومت کی بدولت آج جھالاوان کے مختلف علاقوں میں کروڑوں روپے کی ترقیاتی اسکیمات جاری ہیں۔
گوادر: ڈسٹرکٹ ہیڈکوارٹر ہسپتال گوادر کے ایم ایس ڈاکٹر عبدالطیف دشتی کے جاری کردہ اعلامیے میں کہا گیا ہے کہ ڈپٹی کمشنر گوادر کے احکامات کی روشنی میں ضلعی محکمہ صحت کی جانب سے ڈی ایچ کیو ہسپتال کی لیبارٹری میں کورونا وائرس کی ٹیسٹ کیلئے کاوئنٹر قائم کردیا گیا ہے۔