اسلام آباد/خضدار: وفاقی وزیر ریلوے شیخ رشید احمدنے کہاہے کہ ہمارا دل بلوچستان کے عوام کے ساتھ دھڑکتا ہے ، بلوچستان ہے تو پاکستان ہے ، بلوچستان کے عوام کے اعتماد کو بحال کرنے اور ان کی احساسِ محرومی دور کرنے کے لئے موجودہ وفاقی حکومت اقدامات کررہی ہے ، اس وقت سی پیک منصوبے کے حوالے سے بسیمہ اور خضدار روڈ بن رہی ہے جس کی جلد تعمیر کے لئے ہدایات جاری کردی گئیں ہیں ۔
کوئٹہ: پاکستان تحریک انصاف کے پالیمانی لیڈر اور صوبائی وزیر تعلیم سردار یار محمد رند نے کہا ہے کہ حکومت بلوچستان نے آئی کیپ اور نجی شعبے کے اشتراک سے صوبے میں چارٹرڈ اکائونٹنٹ کی تعلیم فراہم کرنے کاسلسلہ شروع کیا جارہاہے جسکی کی کلاسوں کا آغاز کوئٹہ میں جنوری میں ہوگا حکومت صوبے کے نوجوان طلباء طالبات کو اعلیٰ تعلیم کے ساتھ ساتھ روزگار کے بہترین مواقعے فراہم کر رہی ہے۔
کوئٹہ: ترجمان حکومت بلوچستان لیاقت شاہوانی نے کہا ہے کہ ملک میں کورونا کی دوسری لہر نے خطرناک صورتحال اختیار کرلی بلوچستان حکومت ایس او پیز کی پاسداری یقینی بنانے کے لئے اقدامات کر رہی ہے،بلوچستان حکومت ایس او پیز کے حوالے سے ہفتہ آگاہی منا رہی ہے ۔یہ بات انہوں نے بدھ کو آفیسرز کلب کوئٹہ میں پریس کانفرنس کرتے ہوئے کہی۔انہوں نے کہا کہ ملک بھر میں کورانا کی دوسری لہر نے شدت اختیار کر لی ہے ۔
کوئٹہ: پارلیمانی سیکرٹری صحت ڈاکٹر ربابہ خان بلیدی نے کہا ہے کہ کوویڈ سمیت صحت عامہ سے متعلق شعوری آگاہی کے لئے میڈیا کا کردار نہایت اہمیت کا حامل ہے محکمہ صحت میں جاری اصلاحات کو بار آور بنانے کے لیے میڈیا مثبت تجاویز دے تاکہ بہتری کے لیے تشکیل دی جانے والی ہیلتھ پالیسز کو عوامی ضروریات سے ہم آہنگ کیا جاسکے ان خیالات کا اظہار انہوں صدر کوئٹہ پریس کلب رضاالرحمن سے بات چیت کرتے ہوئے کیا۔
خضدار: بلوچ سٹوڈنٹس ایکشن کمیٹی خضدار زون کا جنرل باڈی اجلاس زیر صدارت زونل نائب صدر جنید بلوچ منعقد ہوا جس میں مرکزی سرکولر, سابقہ رپورٹ،تنقیدی نشست، تنظیمی امور اور آئندہ لائحہ عمل کے ایجنڈے زیر بحث رہے۔ دیوان کے مہمان خاص مرکزی ڈپٹی جنرل سیکریٹرری خالد بلوچ تھے۔ مختلف ایجنڈوں پر سیر حاصل گفتگو کے بعد تنظیم کی مزید بہتری کے لئے متعدد فیصلے کئے گئے۔
کوئٹہ: ڈپٹی اسپیکر قومی اسمبلی قاسم خان سوری ،بی اے پی کے مرکزی رہنماو سینیٹر سرفرا ز بگٹی نے کہا ہے کہ قمربھٹی کے ساتھ پیش آنے والا واقعہ بلوچ پشتون قبائلی روایات کے منافی ہے بلوچستان میں آباد اقلیتیں بھی صوبے کا حصہ ہیں جنہیں مکمل تحفظ فراہم کیا جائے گا،پولیس فوری طور پر قمربھٹی کے ساتھ پیش آنے واقعے واقعہ میں ملوث ملزمان کی گرفتاری کو یقینی بنائے۔
اسلام آباد: وزیرخارجہ شاہ محمود قریشی کا کہنا ہے کہ اقوام متحدہ کے سیکرٹری جنرل کی طرف سے متنازعہ علاقوں میں جنگ بندی کی اپیل پر توجہ نہیں دی گئی، دو ایٹمی قوتوں کے مابین محاٖذ آرائی عالمی امن کیلئے خطرات کا باعث ہوگی۔
مڈل ایسٹ آئی (ایم ایم آئی) ویب سائٹ نے دعویٰ کیا ہے کہ ایران نے امریکا کی جانب سے حملے کی صورت میں متحدہ عرب امارات پر حملے کی دھمکی دی ہے۔
کوئٹہ: بلوچستان نیشنل پارٹی کے مرکزی کمیٹی کے ممبر غلام نبی مری نے ممتاز قبائلی سیاسی شخصیت اور بی این پی کے بانی رہنماء سردارزادہ میر غلام محمد خان ساتکزئی کو ان کی پہلی برسی کے کے موقع ان کے سیاسی، سماجی، قبائلی، علاقائی خدمات، جدوجہد اور قربانیوں کو زبردست الفاظ میں خراج عقیدت پیش کرتے ہوئے کہا ہے کہ آج 2دسمبر کو سردارزادہ میر غلام محمد ساتکزئی مرحوم کی پہلی برسی ہے۔
خضدار: خضدار کے علاقے چمروک میں حجام کی دکان پر دستی بم کے حملے دو افرا د زخمی ہوگئے۔پولیس کے مطابق منگل کی شب بلوچستان کے ضلع خضدار کے علاقے چمروک چوک کے قریب واقع حجام کی دکان پر نامعلوم موٹر سائیکل سواروں نے دستی بم پھینکا جو دکان کے اندر گر کر زور دار دھماکے سے پٹ گیا۔ دھماکے کے نتیجے میں دکان میں موجوددو بھائی زخمی ہوگئے۔