کراچی: کونسل آف پاکستان نیوزپیپر ایڈیٹرز (سی پی این ای) نے پیر کو کہنہ مشق صحافی، بنیادی حقوق کے علمبردار اور انسانیت کے مبلغ جناب آئی اے رحمان کے انتقال پر گہرے رنج و غم کا اظہار کیا ہے۔ سی پی این ای کے صدر عارف نظامی اور سیکریٹری جنرل ڈاکٹر جبار خٹک نے مشترکہ تعزیتی بیان میں جناب آئی اے رحمان کی وفات پر اظہار افسوس کرتے ہوئے کہا ہے کہ آزادی اظہار نے ایک توانا آواز کو کھو دیا ہے۔
کوئٹہ: صوبائی وزیر داخلہ میر ضیاء اللہ لانگو سے وزیر داخلہ آفس میں مختلف اضلاع سے تعلق رکھنے والے عوامی نمائندوں نے ملاقاتیں کیں جس میں مختلف حلقوں کے مسائل کے حل کے حوالے سے بات چیت ہوئی۔ عوامی نمائندوں نے وزیر داخلہ میر ضیاء کو حلقوں میں جاری ترقیاتی سکیموں پر ہونے والی پیشرفت سے آگاہ کیا۔ وزیر داخلہ نے اس موقع پر گفتگو کرتے ہوئے کہاکہ ہر ضلع کا علیحدہ ڈویلپمنٹ پیکیج کررہے ہیں۔
کوئٹہ: نیشنل پارٹی کے مرکزی رہنما و سابق صوبائی وزیر صحت میررحمت صالح بلوچ نے کہا ہے کہ بلوچستان کو کسی بھی صورت تقسیم نہیں ہونے دیں گے کچھ سیاسی عناصر حکومت میں بیٹھ کر بلوچوں کے خلاف سازشیں کررہے ہیں نیشنل پارٹی کسی بھی سازش کو کامیاب نہیں ہونے دیں گی۔
خضدار: یوٹیلٹی اسٹورز کارپوریشن خضدار کے ریجنل منیجر عبدالحکیم شاہوانی نے کہا ہے کہ یوٹیلٹی اسٹور زبلوچستان کے زونل منیجر عاطف اسلم و ڈپٹی کمشنر خضدار ولی محمد بڑیچ کی ہدایات کی روشنی میں رمضان المبارک کے بابرکت مہینے کے دوران یوٹیلٹی اسٹورز کارپوریشن نے غریب عوام کو ریلیف فراہم کرنے کے لئے حکمت عملی تیار کرلی ہے۔
کوئٹہ: پاک سر زمین پارٹی کے صوبائی صدر میر شمس مینگل نے کہا ہے کہ بلوچستان کو مزید لا قانونیت کی طرف دھکیلنے نہیں دیا جائے گا چند بااثر گھرانوں کے سیاسی تسلط نے صوبے کو محرومیوں کا شکار بنایا ریاست چند افراد کی بجائے عوام سے براہ راست ڈیل کر کے بنیادی مسائل حل کریں صوبے کی عوام دیگر سیاسی جماعتوں اور انکے ناکام تجربات سے تنگ آچکی ہے۔
گوادر: وفاقی وزیر دفاعی پیداوارزبیدہ جلال کی کوششوں سے ر یڈیواسٹیشن گوادر کے ہائی پاور ٹرانسمیشن سسٹم کی منظوری دیدی گئی اسلام آباد سے انجینئر نگ سیکشن کی ٹیم گوادر براڈ کاسٹنگ ہاؤس اور ٹرانسمیٹر کی تنصیب کے پر اجیکٹ سائٹ معائنے کیلئے پہنچ گئی ہے براڈ کاسٹنگ ہائوس کا تعمیراتی کام پاک پی ڈبلیو کے انجینئرز کی زیر نگرانی عنقریب شروع ہوگا۔
سبی: ڈپٹی کمشنر سبی سید زاہد شاہ نے آج یہاں گورنمنٹ بوائز ڈگری کالج سبی میں سائنسی نمائش کا افتتاح کیا جس میں مختلف سکولوں اور کالجز کے طلباء و طالبات نے سائنسی اشیاء کی مؤثر نمائش کا اہتمام کیا تھا۔
کوئٹہ: بی ایس او کے مرکزی کمیٹی کا پہلا تعارفی اجلاس بی ایس او کے مرکزی سیکریٹریٹ بمقام شال منعقد ہوا۔دو دن سے چلنے والی سینٹرل کمیٹی اجلاس میں ملکی و بین الاقوامی سیاسی صورتحال، بلوچستان کے سیاسی و تعلیمی مسائل،تنظیمی امور اور آئندہ لائحہ عمل پر سیرحاصل گفتگو کی گئی۔ بی ایس او کے مرکزی کمیٹی کے اجلاس کی صدارت مرکزی چئیرمین جہانگیرمنظوربلوچ نے کی جبکہ سیکریٹری جنرل عظیم بلوچ نے کاروائی چلائی۔
کوئٹہ:سیکریٹری کھیل بلوچستان انڈر19 سلیکٹ ہونے والے 16 کھلاڑیوں کا تعلق اکیڈمی سے ثابت ہوتا ہے کہ کوچیز بھرپور محنت کر رہے ہیں۔ عمران گچکی (ترجمان محکمہ کھیل و امور نوجوانان بلوچستان ) سیکریٹری اسپورٹس اینڈ یوتھ افیئرز بلوچستان میر عمران گچکی نے آج بلوچستان کرکٹ میں کا دورہ کیا ان کے ساتھ اسسٹنٹ ڈائریکٹر ٹیکنیکل امان اللہ خان بھی موجود تھے۔
اسلام آباد: وزیراعلی بلوچستان جام کمال خان سے وزیراعظم کے معاون خصوصی برائے قومی سلامتی امور ڈاکٹر معید یوسف نے گزشتہ روز ملاقات کی۔ملاقات میں قومی سلامتی کے معاملات بالخصوص سی پیک، بلوچستان میں جاری ترقیاتی منصوبوں اور اقتصادی سیکورٹی کے امور پر تفصیلی تبادلہ خیال کیا گیا۔