کوئٹہ: پاکستان تحریک انصاف کے پار لیمانی لیڈر و صوبائی وزیر تعلیم سر دار یار محمد رندنے کہا ہے کہ تمام ارکان پارلیمنٹ کا وزیراعظم عمران خان پربھرپور اعتماد ہے وزیر اعظم عمران خان کے خلا ف ہر سازش کو کارکنان ناکام بنائیں گے ۔
ژوب: پاکستان مسلم لیگ (ن) کے رہنما سابق صوبائی وزیر شیخ حاجی جعفر خان مندوخیل نے کلی ونئی میں شمیولتی تقریب سے خطاب کرتے ہوئے کہا کہ اقتدار کے بغیر بھی عوامی خدمت ہمارا مشن ہے، اور عوامی خدمت پر یقین رکھتے ہیں، موجودہ حکومت نے عوام کو منگائی کے سوا کچھ نہیں دیا ہے پیٹرولیم مصنوعات سمیت آشیا خوددنوش کی چیزیں کی قیمتوں میں دن بدن اضافہ ہو رہا ہے۔
کوئٹہ: پارلیمانی سیکرٹری برائے اطلاعات بشریٰ رند نے اپنے ایک بیان میں کہا ہے کہ افواج پاکستان اور سیکورٹی فورسیزبلوچستان کے امن وامان کی ضامن ہیں اور اُن کی قربا نیاں کسی سے ڈھکی چھپی نہیں ہیں ۔
اسلام آباد: قومی اسمبلی کی قائمہ کمیٹی داخلہ نے مسلح افواج کے افسران اور اہلکاروں پر تنقید کرنے والوں کے خلاف 2 سال کی قید اور 5 لاکھ تک کے جرمانے کی مجوزہ سزاوں کے بل کی منظوری دے دی، قانون کی مخالفت کرنے والے کے خلاف سول عدالت میں کیس چلے گا۔ پی ڈی ایم میں ایک دوسرے کے مخالف مسلم لیگ ن اور پیپلز پارٹی نے متفقہ طور پر بل کی مخالفت کی،چیئرمین کمیٹی کے ووٹ سے بل کثرت رائے سے منظور ہوگیا ۔
خضدار: زیدی کے رہائشی خاتون تاج بی بی اپنے خاوند اور بیٹے کے ہمراہ خضدا ر پریس کلب میں پریس کانفرنس سے خطاب کرتے ہوئے کہاہے کہ گزشتہ روز خضدار کے علاقہ زیدی میں چند شر پسند عناصر نے میرے بیٹے کو فائرنگ کرکے زخمی کردیا ۔
کوئٹہ: بلوچستان ایمپلائز اینڈ ورکرز گرینڈ الائنس کا احتجاج دسویں روز بھی جاری رہا حکومت اور مظاہرین کے درمیان ڈیڈلاک برقرار، تفصیلات کے مطابق بدھ کو کوئٹہ کے عبدالستار ایدھی چوک پر بلوچستان ایمپلائز اینڈ ورکرز گرینڈ الائنس کا تنخواہوں میں 25فیصد ڈسپیرٹی الائونس کی فراہمی سمیت 19نکاتی ایجنڈے کی منظور ی کے لئے دھرنا دسویں روز بھی جاری رہا ملازمین کی جانب سے عبدالستار ایدھی چوک سے ریلی بھی نکالی گئی۔
اوتھل: بلوچ اسٹوڈنٹس ایکشن کمیٹی (بساک )اوتھل لومز کے رہنماؤں نے یونیورسٹی انتظامیہ کے ناروا سلوک کی شدید الفاظ میں مزمت کرتے ہوئے کہا کہ ڈی وی ایم ڈیپارٹمنٹ کے طْلباء اور طالبات امتحانات کے غلط نتائج کے جاری کرنے کے خلاف جو پچھلے دو دنوں سے سراپا احتجاج میں ہیں اْن پر یونیورسٹی کے چند مسلط کردہ لیکچرر اور انتظامیہ نے ملکر تشدد کی اور طالبات پر ہاتھ اٹھایا جو کہ غیر مہزب اور غیر انسانی رویہ ہے۔
اوتھل: لسبیلہ یونیورسٹی کے طلبا و طالبات نے اپنے مطالبات تسلیم کروانے کیلئے احتجاجی دھرنا دے دیا احتجاجی دھرنا تیسرے روز بھی جاری، یونیورسٹی انتظامیہ سے مذاکرات نہ ہوسکے اور طلبا نے گورنر بلوچستان ۔وزیراعلی بلوچستان سے انصاف کا مطالبہ کردیا،تفصیلات کے مطابق لسبیلہ یونیورسٹی کے طلبا یونیورسٹی انتظامیہ کے خلاف دھرنا تیسرے روز بھی جاری احتجاج میں بڑی تعداد میں طلبا شریک ہوئے۔
کوئٹہ: چیف جسٹس بلوچستان ہائی کورٹ جمال خان مندوخیل نے کہا ہے کہ انصاف صرف عمارت تعمیر کرنے سے نہیں ملتا بلکہ انصاف اس عمارت میں بیٹھے ہوئے لوگ مہیا کرتے ہیں عمارت صرف انصاف فراہم کرنے کے لیے سہولت فراہم کرتی ہے۔ان خیالات کا اظہار انہوں نے سریاب روڈ پر نئے جوڈیشل کمپلیکس کے سنگ بنیاد کی تقریب سے خطاب کرتے ہوئے کیا۔
کوئٹہ: بلوچستان نیشنل پارٹی (عوامی) ضلع کوئٹہ میں بھی بلوچستان بھر کی طرح وفاق کی جانب سے بلوچستان کے ساتھ جاری نا انصافیوں کے ازالہ کیلئے پر امن احتجاجی موٹر سائیکل ریلی کا انعقاد کیا گیاریلی پارٹی کے سینٹرل کمیٹی کے فیصلوں کی روح سے کی گئی ریلی میں مطالبہ کیا گیا کہ چمن تاکوئٹہ کراچی روڈ کی سنگل کیریج وے ہونے کی وجہ سے ہزاروں انسانوں کی قیمتی جانیں ضیاع ہوئی ہے۔