کوئٹہ: گورنر امان اللہ یاسین زئی نے کہا ہے کہ مطالعہ اور ریسرچ سے ذوق و شوق رکھنے والے نت نئی ایجادات آرٹیفیشل انٹلیجنس اور بائیو ٹیکنالوجی کی نئی کتابوں سے ضرور رہنمائی حاصل کریں. سردار بہادر خان وویمن یونیورسٹی کو ملک کی بہترین یونیورسٹیز کی صف لانے کیلئے اب بھی بہت کچھ کرنا باقی ہے. ان خیالات کا اظہار انہوں نے جمعرات کے روز سردار بہادر خان وویمن یونیورسٹی کے دورہ کے موقع پر کیا۔
کوئٹہ: بلوچستان نیشنل پارٹی کے مرکزی رہنماء نوابزادہ حاجی میر لشکری خان رئیسانی نے بلوچ اسٹوڈنٹس ایکشن کمیٹی کے نومنتخب عہدیداروں کو مبارکباد دیتے ہوئے کہا ہے کہ نومنتخب عہدیدارپسماندہ سماج کی علمی روشنیوں میں اضافہ کریں گے ۔
کوئٹہ: صوبائی وزیر خوراک سردار عبدالرحمن کھیتران نے دھرنے کے شرکا سے اپیل کی ہے کہ عوامی مفاد عامہ کیلئے دھرنا ختم کرے کورونا وائرس کی تیسری لہر سے حالات کے نازک ہونے کا خطرہ ہے۔
کوئٹہ: بلوچستان نیشنل پارٹی کی رکن بلوچستان اسمبلی شکیلہ نوید دہوار نے کہا ہے کہ گوادر کو جنوبی بلوچستان کا دارالحکومت بنانے کی سازش کرکے صوبے میں ایک اور سورش کو جنم دیا جارہا ہے بلوچ قوم و سیاسی کارکن صوبے کو تقسیم نہیں ہونے دیں گے ۔ صوبے میں جمہوری طریقے سے اپنے حقوق حاصل کرنے کے لئے جدوجہد کرنے والوں کو اس راہ پر نا دھکیلا جائے جس سے واپسی ممکن نہ ہو۔
کوئٹہ: بلوچستان عوامی پارٹی کے سینئر نائب صدر اور سابق صوبائی وزیر میر عبدالکریم نوشیروانی نے کہاہے کہ بلوچستان اس وقت گھمبیر صورتحال سے دوچار ہے وسائل کم اور مسائل زیادہ ہوتے جارہے ہیں سرکاری ملازمین اور زمیندار سراپا احتجاج ہیں صوبائی حکومت کی مالی پوزیشن ایسی نہیں کہ وہ سرکاری ملازمین اور زمینداروں کے جائز مطالبات کو فوری طورپر تسلیم کرلے لہذا وفاقی حکومت کو چاہیے کہ وہ جام حکومت کو بھرپور سپورٹ کرے۔
کوئٹہ: سابق وزیراعلیٰ بلوچستان وچیف آف ساراوان نواب محمد اسلم رئیسانی نے کہاہے کہ بلوچوں کا وطن ایک ہے اور ایک رہے گا، بلوچستان کی تقسیم قطعاََ قبول نہیں ہے ،گوادر بلوچستان کا موسم سرما کا دارالحکومت قراردیاتھا جنوبی لفظ شامل نہیں ہے ۔
برسلز: یورپی یونین نے ایران کی ملیشیا اور پولیس کے آٹھ کمانڈروں اور تین ریاستی اداروں پر نومبر 2019ء میں مظاہرین کے خلاف خونین کریک ڈاؤن پر آئندہ ہفتے سے پابندیاں عائدکرنے کا فیصلہ کیا ہے۔
کوئٹہ: صوبائی وزیر زراعت انجینئر زمرک خان اچکزئی نے کہا ہے کہ ترکی حکومت بلوچستان میں زراعت کے شعبے میں ہر قسم کے تعاون کرنے کیلئے تیار ہے اور ترکی کی تعاون تربت او رپنجگور میں زراعت کے شعبے میں بہتری لانے کیلئے نئے پلانٹ قائم کیے جائیں گے۔
کوئٹہ: جمعیت علما اسلام کے صوبائی امیر مولانا عبدالواسع نے کہا ہے کہ جام حکومت مکمل طور پر فیل ہو چکا ہے ایسا کوئی بھی طبقہ نہیں رہا جو اس ناکام اور سلیکٹڈ حکومت کے خلاف سراپا احتجاج نہ ہو ، سلیکٹڈ حکومتیں ملکی ترقی اور عوام کے مسائل حل کرنے کی بجائے خوردبرد میں لگے رہتے ہیں ، موجودہ حکومت کے برسراقتدار آنے کے بعد سے ہی عوام و سرکاری ملازمین ہر قسم کی ریلیف سے محروم ہے۔
کوئٹہ: ملازمین کی تنخواہوں میں 25 فیصد اضافے کا نوٹیفکیشن نہ کرنے میونسپل کمیٹیوں سمیت مختلف اداروں کے فنڈز میں کٹوتی بی ڈی اے۔ واسا ملازمین کو تنخواہوں اور پنشن اوور ٹائم کے فنڈز ادا نہ کرنے ملازمین کی اپ گریڈیشن پرموشن میں ٹال مٹول کوئٹہ میٹرو پولیٹن کارپوریشن کے ملازمین کو اضافی ڈیوٹی کے واجبات ادا نہ کرنے صوبائی حکومت کے مزدور و ملازم دشمن رویہ کیخلاف بلوچستان لیبر فیڈریشن کا احتجاج۔