نوشکی: گیس کنکشن کی تنصیب میں تاخیر ،ہزاروں درخواستیں جمع لوگ گیس کی سہولت سے محروم ،ضلع نوشکی کے شہر میں ایل پی جی پلانٹ کی تنصیب 10 سال قبل عمل میں لائی گئی ،سٹی ون اور ٹو کے چند سو لوگوں نے گھریلو کنکشن حاصل کیئے لیکن باقی ہزاروں گھرانوں کے کنکشن رہ گئے۔ تفصیلات کے مطابق سٹی کے گردونواح کلی میر شریف خان بادینی سردار بادینی کلی جمالدینی بدلکاریز کلی مینگل قادر آباد کے مین لائن کو پلانٹ سے کنکٹ کیا گیا۔
کوئٹہ: جونیئر ٹیچرز ایسوسی ایشن بلوچستان کے عہدیداروں نے اپنے مطالبات کے حق میں 10مارچ کو احتجاجی مظاہرے اور 15مارچ سے تادم مرگ بھوک ہڑتال شروع کرنے کا اعلان کردیا ۔ یہ اعلان جونیئر ٹیچرز ایسوسی ایشن بلوچستان کے صدر یوسف کاکڑ ودیگر نے ہفتہ کو کوئٹہ پریس کلب میں پریس کانفرنس کرتے ہوئے کیا ۔
سوراب: سوراب میں یوٹیلیٹی اسٹورز غیر فعال ، متعلقہ حکام کی عدم دلچسپی کے باعث ضروری اشیائتک ناپید ہیں عملہ صرف حاضری لگانے تک محدود، عوامی حلقوں کا رمضان المبارک سے قبل سوراب شہر میں قائم یوٹیلٹی اسٹورز کو فعال کرکے ان پر اشیاء خوردونوش کی فراہمی یقینی اور عملہ کو مقررہ نظام الاوقات کے مطابق ڈیوٹی کے پابند بنانے کا مطالبہ ،تفصیلات کے مطابق سوراب میں موجود یوٹیلٹی اسٹورز عرصے سے غیر فعال ہیں ۔
اسلام آباد/کوئٹہ: جمہوری وطن پارٹی کے سربراہ رکن قو می اسمبلی شاہ زین بگٹی نے کہاہے کہ اتحادی عمران خان کے ساتھ ہیں ،جب مطمئن نہیں ہوں گے تو علیحدگی اختیار کرلیں گے۔ میڈیا سے گفتگو کرتے ہوئے ۔
کوئٹہ: پاکستان تحریک انصاف بلوچستان کے صدر ڈاکٹر منیر بلوچ نے کہا ہے کہ وزیراعظم پاکستان عمران خان کا اعتماد کا ووٹ لینا اپوزیشن کے منہ پر طمانچہ ہے ۔ اپنے جاری کردہ بیان میں انہوں نے وزیراعظم پاکستان عمران خان کی جانب سے قومی اسمبلی میں اعتماد کا ووٹ لینے پر خوشی کا اظہار کرتے ہوئے کہا ہے کہ عمران خان نے قومی اسمبلی میں اعتماد کا ووٹ لے کر تاریخ رقم کردی ہے۔
کوئٹہ/ڈھاڈر: جمعیت علماء اسلام پاکستان کے سینئر رہنما اور ممتاز پارلیمنٹرین حافظ حسین احمد نے کہا کہ جے یو آئی(ف) کی انٹراپارٹی انتخابات میں موروثیت، خیانت اور دھاندلی کے خلاف مہم کو پورے ملک میں غیر معمولی پذیرائی حاصل ہورہی ہے۔ وہ جامعہ مطلع العلوم ڈھاڈر شاخ کے سالانہ جلسہ دستار بندی کے بعد میڈیا سے گفتگو کررہے تھے۔
پنجگور: پنجگور آرگنائزنگ کمیٹی کی جانب سے گورنمنٹ ڈگری کالج کے آڈیٹوریم میں لیٹریسی فیسٹول کا انعقاد کیا گیا جس میں پنجگور کے معزز اساتذہ کرام سیاسی وسماجی شخصیات کے علاوہ طلبہ وطالبات نے بڑی تعداد میں شرکت کی۔
حب: بلوچستان نیشنل پارٹی کے نومنتخب سینیٹر واجہ محمد قاسم رونجھو نے کہا ہے میری جیت سردار اختر جان مینگل کی جیت ہے اور لسبیلہ کے عوام کی جیت ہے اب سینیٹ میں لسبیلہ کے عوام کی نمائندگی ہوگی پورے بلوچستان کے حقوق کیلئے عملی طور پر جدوجہد کروں گا میں وہ شخص ہوں جو چٹائی پر بیٹھ کر بھی بات کروں گا رب العزت نے سب کچھ دیا ہے مگر غرور تکبر سے اللہ پاک بچائے میں غریب عوام کا ہمدرد ساتھی ہوں غریب عوام کو کبھی بھی تنہا نہیں چھوڑوں گا۔
یمن کی سرکاری فوج اور حوثی باغیوں کے درمیان جھڑپوں میں 90 افراد ہلاک ہوگئے۔ غیرملکی خبررساں ادارے کے مطابق یمن کے شہر مارب میں سرکاری فوج اور حوثی باغیوں کے درمیان شدید جھڑپیں ہوئی اور دونوں طرف بھاری جانی نقصان ہوا۔
کوئٹہ: وزیراعلیٰ بلوچستان جام کمال خان نے سبی کے علاقے تندوری میں ہونے والے بم دھماکے کی مذمت کرتے ہوئے دھماکے میں قیمتی انسانی جانوں کے ضیاع پر دکھ اور افسوس کا اظہارکیا ہے اپنے ایک بیان میں وزیراعلیٰ نے ضلعی انتظامیہ کو دہشت گردی کی بزدلانہ کارروائی میں ملوث عناصر کو فوری قانون کی گرفت میں لانے کی ہدایت کی ہے۔