اوتھل: آئی جی ایف سی ساوتھ بلوچستان میجر جنرل سعید احمد ناگرا نے کہا ہے کہ آپ نوجوان ہی اس ملک کے دفاع کی مضبوط لکیر ہو آنے والے دنوں اپنے فرائض پورا کرنے کے لیے اور اپنے ملک اور اپنی فورس کی سربلندی کے کھٹن تکالیف برداشت کرنا ہوں گی بیشک آپ کی صلاحیتوں پر ہمیں مکمل بھروسہ اور ناز ہے۔
حب: صوبائی وزیر داخلہ و پی ڈی ایم اے میرضیا اللہ لانگو نے کہاہیکہ لیویز فورس کو آرمی ٹریننگ دے رہی ہے، اور اسے بہتر بناے کے لئے جدید اسلحہ و دیگر سامان بھی خریدے جاررہے ہیں اور لیویز میں انٹیلینجس کا الگ شعبہ بھی قائم کیا جارہا ہے وفاقی لیویز کے متعلق صوبائی وزیرداخلہ کا کہنا تھا کہ وفاقی لیویز کی تعیناتی سی پیک روٹ پر ہوگا جس سے امن و امان قائم ہوگی اور لوگوں کو روز گار بھی ملے گا۔
خضدار : زیر تعمیر شہید سکندر زہری یونیورسٹی خضدار کی عمارت کو جھالاوان میڈیکل کالج خضدار کو دینے اور یونیورسٹی کا منصوبہ ختم کرنے کی خبروں نے خضدار کے سیاسی،سماجی،عوامی حلقوں سمیت طلباء تنظیموں قلم کاروں دانشوروں وکلاء برادری اور علم دوست حلقوں کو یکجا اور یک زبان کر دیا،شہید سکندر یونیورسٹی کے منصوبے کو ختم کرنا اور اس کی عمارت جھالاوان میڈیکل کالج کے حوالہ کرنا نہ صرف خضدار بلکہ پوری قلات ڈویژن میں علم کی نرسری کو آگ لگانے کی مترادف ہو گا۔
اوتھل: بلوچستان یونیورسٹی کے اسسٹنٹ پروفیسر و معروف ٹی وی آرٹسٹ و بی این پی کے رہنماء درجان پرکانی ٹریفک حادثے میں جاں بحق ہوگئے حادثے میں انکی اہلیہ،بیٹی سمیت چار افراد زخمی ہوگئے، درجان پرکانی کی تدفین آج کی جائیگی۔
خضدار: جے یوآئی کے رکن بلوچستان اسمبلی میر یونس عزیززہری نے کہاہے کہ انصاف و مساوات کی پیروی کرتے ہوئے ایک تسلسل کے ساتھ عوام کے مسائل کے حل کے لئے کوششیں کررہے ہیں، عوام کی خدمت کومیں اپنے لیئے سعا دت سمجھتا ہوں جہاں کہیں بھی عوام کے مسائل کے حل کی امید ہو وہاں ضروردستک دیتا ہوں تاکہ عوام کے مسائل میں کمی اور ان کے لئے سہولیات میں اضافہ ہو۔
خضدار: صوبائی وزیر بلدیات سردار محمد صالح بھوتانی نے کہا ہے کہ محکمہ بلدیات کا عوام الناس کوبنیادی سہولتوں کی فراہمی میں کلیدی کردار ہے یہ وہ ادارہ ہے جسکی بنیادیں دیہی علاقوں میں یونین کونسل،تحصیل سطح پرمونسپل کمیٹی اور شہری علاقوں میں میونسپل کارپوریشن کی سطح پر قائم ہیں۔
خضدار : خضدار کے علاقہ سمند میں بھائی نے سگے بھائی اور بھابی کو قتل کر کے فرار ہو گیا،لیویز فورس نے دوہرے قتل کی تصدیق کرتے ہوئے ملزم کی تلاش شروع کر دی قتل کی وجہ معلوم نہیں ہو سکی۔
خضدار : کمشنر قلات ڈویژن حافظ محمد طاہر نے کہا ہے کہ حکومت دیہی علاقوں کی ترقی پر خصوصی توجہ دے رہی ہے عوام کی فلاح و بہود کے لئے مختلف ترقیاتی منصوبوں کو بلاتاخیر مکمل کی جائے تحصیل مولہ کے سیاحتی مقام مولہ چٹوک میں ملک بھر سے آنے والے سیاحوں کو ہر ممکن سہولتیں فراہم کرنے کے لیئے اقدامات کیئے جائیں۔
حب : چیف جسٹس بلوچستان ہائی کورٹ جسٹس جمال خان مندوخیل نے کہاہے کہ عوام کی فوری اور سستا انصاف فراہم کرنے کیلئے بلوچستان کے مختلف علاقوں میں مزید عدالتوں کا قیام عمل میں لایاجارہاہے خضدار میں ہائی کورٹ بینچ،بیلہ میں قاضی کورٹ اور اوتھل میں انسدا منشیات کورٹ بنائے جائیں گے کسٹم کے کیسز اب کراچی کے بجا ئے بلوچستان ہائی کورٹ میں حل ہونگے لسبیلہ یونیورسٹی میں لاء کالج کیلئے کوششیں کی جارہی ہیں۔
خضدار : منی پیٹرول پمپ میں آگ لگ گئی،آگ کی لپیٹ میں آکر ایک شخص جاں بحق ہو دکان خاکستر ہو گیا۔