خضدار: کینسر نے خضدار کے اور ایک نوجوان کی زندگی چھین لی کینسر کے مرض کا مقابلہ کرتے ہوئے 25 سالہ مقبول مینگل انتقال کر گیا تفصیلات کے مطابق خضدار،وڈھ،نال اور زہری کے علاقوں میں کینسر کی مرض شدت سے پھیل رہی ہے اس وقت بھی خضدار میں متعدد مریض کینسر کا مقابلہ کر رہے ہیں ان مریضوں ایک مریض بلوچستان نیشنل پارٹی کے ضلعی رہنماء ڈاکٹر رحیم مینگل کے فرزند25 سالہ مقبول احمد غلامانی تھے۔
خاران: بلوچستان عوامی پارٹی کے صوبائی سینئر نائب سابق وزیر میر عبدالکریم نوشیروانی نے ضلع واشک کے تحصیل بسیمہ کے علاقے ساجد میں زلزلے سے ہونے والے نقصانات پر افسوس اور متاثرین سے دلی ہمدردی کا اظہار کرتے ہوئے کہا کہ مشکل کی اس گھڑی میں ہم زلزلہ متاثرین کے ساتھ ہیں ان خیالات کا اظہار انھوں نے بسیمہ ساجد کے زلزلہ سے متاثرہ علاقوں کے دورے کے موقع پر زلزلہ متاثرین سے گفتگو کرتے ہوئے کیا۔
حب: حب سٹی پولیس نے چند روز میں ہی قتل کا معمہ حل کر دیا،پانچ روز قبل آلہ آباد ٹاؤن میں گھر سے ملنے والی تشدد زدہ لاش کا ملزم سجاول سندھ سے گرفتار کر لیا گیا ہے جس نے اعتراف جرم بھی کر لیا ہے۔ایس ایچ او حب سٹی عطا اللہ نمانی نے میڈیا کو بتایا کہ انہوں نے10اگست کو حب کے علاقے الہ آباد ٹاؤن میں گھر سے پرتشدد زدہ لاش ملنے کے بعد مقدمہ درج کرکے قاتل کی تلاش شروع کردی تھی۔
خضدار: کوئٹہ کراچی قومی شاہراہ پر ڈرکھالہ کے ایریا میں ٹرالر اور کار میں تصادم،دو افراد جان بحق ایک شدید زخمی ہو گیا ریسکیو زرائع کے مطابق جمعہ کے روز کوئٹہ کراچی قومی شاہراہ پر ڈرکھالہ تحصیل وڈھ کے حدود میں ٹرالر اور کار میں تصادم ہوا جس کے نتیجے میں کمال خان،عباس خان اور ظفر خان شدید زخمی ہو گئے زخمیوں کو سول ہسپتال وڈھ منتقل کیا گیا جہاں دو زخمی عباس خان اور کمال خان زخموں کی تاب نہ لاتے ہوئے انتقال کر گئے نعشیں ضروری کاروائی کے بعد ورثاء کے حوالہ کر دیا گیاجبکہ شدید زخمی ظفر خان کو ابتدائی طبی امداد پہنچانے کے بعد مزید اعلاج کے لئے کراچی ریفر کر دیا گیا۔
خضدار: لیویز فورس کی بڑی کاروائی پراسرار قتل کا معمہ حل،قتل میں ملوث دو ملزمان گرفتار،ملزمان کی نشاندہی پر مقتول کا رکشہ سوراب سے برآمد اسسٹنٹ کمشنر خضدار عبدالمجید سربرہ نے لیویز ہیڈ کوارٹر خضدار میں تفصیلات بتاتے ہوئے کہا کہ 16 جولائی کو رفیق رند نامی ایک رکشہ ڈرائیور کو نا معلوم ملزمان چاکو کے وارسے قتل کرکے اس کے رکشہ کو بھی ساتھ لے گئے تھے۔
خضدار: پاکستان مسلم لیگ (ن) کے صوبائی رہنماء ڈاکٹر حضور بخش زہری نے کہا ہے کہ شہید سکندر یونیورسٹی خضدار کا قیام نواب ثناء اللہ زہری کے تعلیم دوست اقدامات میں سے ایک بنیادی قدم ہے موجودہ حکومت یونیورسٹی کے قیام کو جلد ممکن بنانے کے بجائے پراجیکٹ ڈائریکٹر کو عہدے سے ہٹا کر شہید سکندر یونیورسٹی کی تکمیل میں رکاوٹ ڈال رہی ہے۔
خضدار: ایس ایس ایف کے مرکزی ترجمان نے اپنے جاری کردہ بیان میں کہا ہے کہ وائس چانسلر بہاؤالدین زکریا یونیورسٹی ملتان کی طرف سے بلوچستان اور سابقہ فاٹا کے کوٹہ اسکالرشپ کی غیر اعلانیہ بندش کی مزمت کرتے ہیں۔ پچھلے کئی سالوں سے بلوچستان اور فاٹا کے طلبہ زکریا یونیورسٹی میں زیر تعلیم ہیں جو کہ ابھی ان کے لئے تعلیم کے دروازے بند کرنا پریشان کُن ہے۔
خضدار: خضدار نامعلوم مسلح افراد کی فائرنگ سے ایک شخص جاں بحق زہری لیویز کے مطابق گزشتہ روز زہری نورگامہ بازار میں نامعلوم مسلح موٹر سائیکل سواروں کی فائرنگ سے خدابخش ولد خیر بخش قوم بھٹار ساکن زہری شدید زخمی ہوگئے۔
اوتھل: حب میں دھماکہ،پولیس اور ایف سی اہلکارسمیت8افراد زخمی،تفصیلات کے مطابق پیرکی شب کو بلوچستان کے ضلع لسبیلہ کے صنعتی شہر حب میں شیر علی پیٹرول پمپ کے قریب اچانک زوردار دھماکہ ہوا جسکے نتیجے میں 8افراد شدیدزخمی ہوگئے زخمی ہونے والوں کی شناخت کریم بخش،ظہور احمد مگسی،آصف علی،غلام محمد،پولیس کانسٹیبل محمد شریف،ایف سی اہلکارفیروز ولد خان محمد،صابرعلی،محمد صادق کے نام سے ہوئی ہے
ملتان: پاکستان سرائیکی پارٹی کے زیر اہتمام بیرسٹر تاج محمد خاں لنگاہ کی 81 ویں سالگرہ کے موقع پر سرائیکی قوم پرست جماعتوں اور دانشوروں کا مشاورتی کٹھ پارٹی کے مرکزی صدر ملک اللہ نواز وینس کی رہاش گاہ پر منعقد ہوا صدارت پارٹی چیئرپرسن ڈاکٹر نخبہ تاج لنگاہ نے کی۔