خضدار : بلوچستان نیشنل پارٹی ضلع خضدار کے سینئرنائب صدر شفیق الرحمن ساسولی نے دازن میں بی بی کلثوم بلوچ کے قتل کی شدید الفاظ میں مذمت کرتے ہوئے کہا ہے کہ سانحہ ڈنک اور دازن تمپ جیسے واقعات ہمارے زخموں پر نمک چھڑکنے والی تسلسل ہے پے در پے ذلت آمیز واقعات اور دردناک قتل وغارت بلوچ قوم کی غیرت و حمیت پر حملہ اور انا و عزت کو مجروح کرنے والی سلسلہ ہے
گوادرا+خضدار(نمائندہ آزادی)بلوچ اسٹوڈنٹس الائنس کے زیر اہتمام خضدا رمیں تین روزہ علامتی بھوک ہڑتال کا انعقاد کیا گیابلوچ اسٹوڈنٹس الائنس کی جانب سے موقف اختیار کیا گیا ہے کہ بلوچستان، ڈیرہ غازی خان اور ملک کے دیگر پسماندہ حصوں میں آن لائن کلاسز کے لئے ضروری بنیادی سہولیات مثلاً بجلی، انٹرنیٹ، ایل سی ڈی اسکرین،لیپ ٹاپس، کے بغیر ایچ ای سی کی جانب سے آن لائن کلاسز کے اجرء کے فیصلے کے خلاف بلوچ اسٹوڈنٹس الائنس کی طرف سے خضدار میں سہ روزہ علامتی بھوک ہڑتالی کیمپ کا انعقاد کیا گیا
خضدار: جھالاوان عوامی پینل کے سربراہ میر شفیق الرحمن مینگل سے وڈھ میں گرگناڑی قومی اتحاد کے چیئرمین شاہجہان گرگناڑی کی قیادت میں قبائلی عمائدین کا وفد ملاقات کررہاہے۔وفد میں قبائلی رہنماء میر گل خان گرگناڑی، حاجی میر مہراب خان گرگناڑی، جھالاوان عوامی پینل سوراب کے رہنماء میر خالد نصیر گرگناڑی، میر قمر منظور گرگناڑی، میر فیصل گرگناڑی، میر عبدالغفور گرگناڑی، عبیداللہ گرگناڑی و دیگر شامل ہیں۔
خضدار : سیو اسٹوڈنٹس فیوچر فضل یعقوب بلوچ،بلوچ اسٹوڈنٹس کونسل ملتان کے رہنماء زولفقار بلوچ،بلوچ ایجوکیشنل کونسل زرعی یونیورسٹی فیصل کے ایکڈمک سیکرٹری جاوید بلوچ،چیئرمین بلوچ سندھی کمیونٹی زرعی یونیورسٹی فیصل آباد کبیر بلوچ اور بلوچ کونسل سندھ یونیورسٹی کے رہنماء سراج بلوچ نے خضدار پریس کلب میں مشترکہ پریس کانفرنس سے خطاب کرتے ہوئے کہا ہے کہ کووڈ 19 کے عالمی وباء نے پاکستان سمیت دنیا بھر کو اپنی لپیٹ میں لیا ہے۔
خضدار : کورونا کی وباء خضدار سمیت قلات ڈویژن کے تمام اضلاع میں تیزی سے پھلنے لگا،خضدار میں مریضوں کی تعداد 97،مستونگ میں 120،لسبیلہ میں 77 اور قلات میں 47 ہو گئی جبکہ دوسری جانب حکومت کی واضح کردہ ایس او پیز پر عمل درآمد ہوتا دیکھائی نہیں دے رہا تفصیلات کے مطابق کورونا کی وباء ملک کے دیگر حصوں کی طرح قلات ڈویژن کے تمام اضلاع میں انتہائی تیزی کے ساتھ پھیل رہی ہے۔
خضدار: مسلم لیگ (ن) کے مرکزی رہنماء سابق وزیراعلیٰ بلوچستان چیف آف جھالاوان نواب ثناء اللہ خان زہری نے کہاہے کہ ملک میں کورونا وباء کے مریضوں میں تیزی کے ساتھ اضافہ ہورہاہے،ملک میں وسائل کم جب کہ اس وباء میں کافی اضافہ ہورہاہے ایسے موقع پر عوام کو احتیاط اور بتائے گئے تدابیر پر عمل کرنا ہوگا، تاکہ قیمتی جانوں کو زیادہ سے زیادہ بچایا جاسکے۔
خضدار: جھالاوان عوامی پینل کے زیر اہتمام سانحہ ڈنک،شہدائے توتک،شہدائے پاکستان اور قوم پرست پارٹی کی جانب سے جھالاوان عوامی پینل کے قائدین پر بے جا الزام تراشی کے خلاف احتجاجی ریلی نکالی گئی،ریلی میر شہزاد غلامانی،میر نور احمد رئیسانی،سردار مراد خان شیخ،میر شہباز خان قلندرانی، رئیس صادق گزگی میر منیر احمد مینگل،فدا احمد قلندرانی،ابرار الحق گزگی کی قیادت میں فیصل چوک خضدار سے نکالی گئی۔
خضدار: لیویز فورس کی منشیات فروشوں کے خلاف کاروائیاں جاری ہیں،نائب تحصیلدارحبیب گچکی کی قیادت میں لیویز فورس نے رواں ہفتے سمگلنگ کرنے کی تیسری کوشش ناکام بنا دی گئی۔
خضدار: بلوچستان نیشنل پارٹی کے زیر اہتمام بد امنی،، پارٹی رہنماء شفیق ساسولی کو دھمکی دینے، مسلح جتھوں کی جانب سے قانون ہاتھ میں لیئے جانے کے خلاف خضدار میں ریلی نکالی گئی، ریلی بی این پی کے آفس چاکر خان روڈ سے برآمد ہوئی اور مارچ کرتے ہوئے خضدار پریس کلب پہنچی، ریلی کی قیادت بی این پی کے مرکزی ڈپٹی سیکریٹری جنرل لعل جان بلوچ کررہے تھے۔
خاران: بلوچستان نیشنل پارٹی کے مرکزی کال پربی این پی خضدار کے سینئر نائب صدر شفیق ساسولی کو جان سے مارنے کی دھمکی دینے کے خلاف بی این پی خاران کے ضلعی صدر حاجی میرمحمدجمعہ کبدانی کی قیادت میں پارٹی کے ضلعی دفتر سے پریس کلب خاران تک ایک احتجاجی ریلی نکالی گئی پریس کلب کے سامنے احتجاجی مظاہرہ کیا۔