خضدار : ڈپٹی انسپکٹر جنرل پولیس قلات رینج آغا محمد یوسف نے کہا ہے کہ عوام کے تعاون کے بغیر جرائم کو روکنا ممکن نہیں،اگر آج خضدار میں امن قائم ہے تو یہ پولیس سمیت تمام فورسز کی قربانیوں اور عوام کی بھر پور تعاون کا نتیجہ ہے،منشیات کا کاروبار کرنے والے انسانیت کے دشمن ہے اور رشوت لیکر اپنی دنیا و آخرت تباہ کرنے والے کبھی سکون حاصل نہیں کر سکتے،شہداء کے لواحقین پولیس فیملی کا حصہ ہے ان کے مسائل حل کرنا ہماری ذمہ داری ہے۔
خضدار: ڈسٹرکٹ اینڈ سیشن جج خضدار جان محمد گوہر کے معزز عدالت نے بی این پی کے مرکزی رہنماء نواب میر امان اللہ خان زرکزئی ان کے نواسہ اور دو محافظوں کے قتل کی سازش کے مقدمہ میں سابق وزیر اعلیٰ بلوچستان نواب ثناء اللہ خان زرکزئی،نواب زادہ میر نعمت اللہ زرکزئی اور آغا شکیل احمد درانی کو باعزت طور پر بری کر دیا۔
حب: لسبیلہ گوادر سے آزاد رکن قومی ا سمبلی محمد اسلم بھوتانی نے حب میں میڈیا سے گفتگو کرتے ہوئے کہا کہ وزیر اعلی بلوچستان کی کارکردگی سے 76فیصد لوگ مایوس ہیں حالیہ جاری ہونے والی گیلپ سروے رپورٹ سے واضع ہوگیا ہے کہ بلوچستان کے عوام میں شعور ہے یہ بات غلط ہے کہ شعور نہیں 76فیصد لوگوں کا وزیر اعلی بلوچستان کی کارکردگی سے عدم اطمینان کا اظہار کرنا اس بات کا واضع ثبوت ہے کہ بلوچستان کے لوگوں میں شعور آگیا ہے صرف آٹھ فیصد لوگوں نے وزیر اعلی کی کارکردگی کی تعریف کی ہے۔
خضدار: تحصیل نال کے مختلف ہائی،مڈل اور پرائمری سکولوں میں ٹیچروں کی عدم تعیناتی کے خلاف،نال کے نوجوانوں کو گریشہ سے خضدار تک اسی کلومیٹرطویل پیدل لانگ مارچ،لانگ مارچ کے شرکاء خضدار پریس کلب پہنچ کر اپنی مدعا بیان کی،وزیر اعلیٰ بلوچستان،وزیر تعلیم،سیکرٹری تعلیم سے نال کے تمام سکولوں میں ٹیچروں کی کمی پورا کرنے،سکولوں کی بلڈنگ تعمیر کرنے اور سائنس کا سامان دینے کا مطالبہ۔
حب: مولانا عبدالغفور حیدری نے کہا کہ اپوزیشن اس وقت متحد نہیں ہے اگر اپوزیشن ایک پیج پرہوتی تو ہمارے آزادی مارچ کے مطالبات حل ہوجاتے مگر متحدہ اپوزیشن میں انتشار کی وجہ سے وہ مطالبات حل نہیں ہورہے۔ ان خیالات کا اظہار انہوں نے جمعیت لسبیلہ کے جنرل سیکرٹری مولانایعقوب ساسولی کے سسر کے وفات پر تعزیت کے بعد صحا فیوں سے گفتگو کرتے ہوئے کہی انہوں نے کہا کہ میں میڈیا کے توسط سے اپوزیشن سے کہنا چاہتا ہوں کہ۔
خضدار: کمشنر قلات ڈویژن حافظ طاہر نے کہا ہے کہ علم وہ واحد ہتھیار ہے جس کے زریعے قومیں شعور اور ترقی کے منازل طے کی جا سکتی ہے،جس معاشرے میں علم و شعور ہوتی ہے اس معاشرے کو اس قوم کو دنیا کی کوئی طاقت لاشعوری کی جانب نہیں دھکیل سکتی،آکسفورڈ انگلش لینگویج اکیڈمی میں طلباء و طالبات کی تقاریر سن کو دلی خوشی محسوس ہوا کہ خضدار کے نونہالوں کی صلاحیتیں کسی سے کم نہیں یکم مارچ سے سکولوں میں داخلہ مہم شروع ہو رہا ہے۔
خضدار : نیشنل پارٹی بلوچستان وحدت کے صدر میر عبدالخالق بلوچ نے کہا ہے کہ ایک سوچے سمجھے منصوبے کے تحت ملک میں جمہوریت اور پارلیمانی نظام کو مفلوج کر کے رکھ دیا گیا ہے،آج جو حکومت ملک پر حکمرانی کر رہی ہے یہ دھاندلی زدہ اور عوام پر مسلط کردہ حکومت ہے ملک میں مہنگائی،اقربا پروری عروج پر ہے غریب سے جینے کا حق چھینا گیا ہے،لوگ خود کشیاں کرنے پر مجبور ہو رہے ہیں۔
خضدار: نیشنل پارٹی کے مرکزی رہنماء سینیٹر میر طاہر بزنجو نے کہا ہے کہ جب کوئی ملک معاشی اعتبار سے بد حال ہو جہاں سیاسی و معاشی عدم استحکام ہو تب خارجہ پالیسی مضبوط نہیں ہو سکتا یہی حال ہمارے ملکی خارجہ پالیسی کا ہے جہاں تک خوشگوار تعلقات قائم کرنے کی بات ہے بیشک ترقی سمیت تمام ممالک کے ساتھ اچھے تعلقات قائم کرنا چائیے لیکن میری رائے میں ہمسایہ ممالک کو اس ضمن میں ترجح دینا چائیے۔
خضدار: چیف آف جھالاوان و سابق وزیر اعلیٰ بلوچستان نواب ثناء اللہ خان زہری نے کہا ہے کہ ہماری سوچ ترقی یافتہ پاکستان اور خوشحال بلوچستان ہے،مسلم لیگ اور اتحادیوں کی صوبائی حکومت نے اپنے دور میں بلوچستان میں مثالی ترقیاتی کام کیا اور وہی ترقیاتی کام ہے جس کی بدولت وڈھ جیسے پسماندہ علاقہ سے بھی لوگ پاکستان مسلم لیگ (ن)میں شمولیت اختیار کر رہے ہیں۔
خضدار: سب تحصیل باغبانہ میں زیر زمین پانی کا لیول خطرناک حد تک گر چکا ہے۔ باغبانہ میں اب پانی کا مسئلہ دن بدن مشکل ہو تا جا رہا ہے باغبانہ میں پانی کا زیر زمین سطح 200 فٹ سے 600 فٹ تک نیچے جا پہنچا ہے۔ باغبانہ میں تقریباً 40 فیصد علاقے میں پانی کے چشمے خشک ہو گے ہیں۔