خضدار: نیشنل پارٹی کے مرکزی صدر و سابق وزیر اعلیٰ بلوچستان ڈاکٹر عبدالمالک بلوچ،مرکزی رہنماء سینیٹر میر طاہر بزنجو سابق صوبائی وزیر سردار محمد اسلم بزنجو اور مرکزی ڈپٹی سیکریٹری جنرل خیر جان بلوچ نے کہا ہے کہ ملک کو ون یونٹ اور صدارتی نظام کی طرف لے جایا جا رہا ہے،اٹھاویں ترمیم کیخلاف سازشیں ہو رہی ہیں،این ایف سی ایوراڈ پر بھی ڈاکہ ڈالنے کی کوششں ہو رہی ہے،18ویں ترمیم کو ختم کرنے کے بجائے صوبوں کو مزید حقوق دئیے جائیں،2018 ء کے انتخابات متنازعہ اور دھاندلی سے بھر پور تھے۔
خضدار: کمشنر قلات ڈویژن حافظ طاہر نے کہاہے کہ ہمارے لئے یہ باعث اطمینان ہے کہ تعلیم بہتر انداز میں پروان چڑھ رہی ہے،ہماری بچیاں شعبہ تعلیم میں اعلیٰ مقام کمانے کی دوڑ میں شامل ہیں، جس طرح بچیوں کی تعلیمی صلاحیتوں میں نکھا ر آرہی ہے وہ حوصلہ افزااور خوش آئند ہے۔
خضدار: ڈسٹرکٹ بار ایسوسی ایشن ضلع خضدار کے صدر خالد محمود ایڈووکیٹ اور جنرل سیکرٹری فیاض احمد محمد شہی نے کہا ہے کہ ضلع خضدار میں منظور شدہ بلوچستان ہائی کورٹ کا سرکٹ بینچ فوری طور پر فعال کیا جائے اور اسلام آباد ہائی کورٹ میں بلوچستان سے بھی ججز لیئے جائیں ،سپریم کورٹ میں بلوچستان کا صرف ایک جج ہے ،بلوچستان ہائی کورٹ میں ججز کی تعداد کم اور بلوچ علاقے نظر انداز ہیں،ججز کے باقی اسامیوں پر بلوچ علاقوں سے سینیئر وکلاء سے ججز منتخب کیئے جائیں ۔
تربت: آزادی کی خبر پر انتظامیہ حرکت میں آگئی۔ڈپٹی کمشنر کے حکم پر کیچ کور پل کے ٹوٹھے ہوئے حصوں کی مرمت کردی گئی ۔
خضدار: سابق وزیر اعلیٰ بلوچستا ن و چیف آف جھالاوان نواب ثناء اللہ خان زہری نے کہا ہے کہ وفاقی اور صوبائی حکومتیں جام ہو چکی ہیں ،عمران کی ٹیم ایک ہی جھٹکے میں زمین بوس ہو گئی ،لسبیلہ کا حال دیکھ کر جام کی ترقیاتی وژن کی حقیقت خود سامنے آتی ہے ۔
خضدار: ماہ رمضان کی آمد میں دوہفتے رہ گئے ہیں یوٹیلیٹی اسٹور ز میں اشیا خوردونوش ناپید ،ضلع خضدار کے تمام یوٹیلیٹی اسٹورز میں نہ چینی ہے ،نہ دالیں ،کوکنگ آئل بھی نایاب ،مشروبات بھی دستیاب نہیں عوام بازار سے مہنگے داموں اشیاء خردونوش خریدنے پر مجبور ،رمضان میں غریب روزہ داروں کے لئے حکومت پیکج بھی یوٹیلیٹی اسٹور میں تا حال دستیاب نہیں ،حکومت یوٹیلیٹی اسٹورز میں اشیا ضروریہ کو یقینی بنائے عوامی حلقوں کا مطالبہ ۔
خضدار: مسلم لیگ ن کے مرکزی رہنما سابق وزیر اعلیٰ بلوچستان چیف آف جھالاوان نواب نواب ثناء اللہ خان زہری نے کہا ہے کہ جام حکومت کا پہیہ جام ہو گیا ہے ۔
خضدار: چیف سیکریٹری بلوچستان ڈاکٹر اختر نذیر وڑائچ نے کہاہے کہ صوبہ بلوچستان کی تعمیر و ترقی اور عوام کی خوشحالی و فلاح وبہبودکے لئے جامعہ حکمت عملی کے تحت اقدامات کیئے جارہے ہیں۔حکومت ایسی پالیسی بنارہی ہے کہ جس میں عوام کی بھلائی ہوجا ری ترقیاتی منصوبوں کی معیاری اور بروقت تکمیل اوّلین ترجیح ہونی چاہیئے جو دیر پا اور پائیدار ہوں اور ان سے صوبے کے عوام بروقت استفادہ حاصل کرسکیں۔
خضدار : کمانڈنٹ قلات اسکاؤٹس کرنل ارشد محمود ملک نے کہا ہے کہ موجودہ حالات میں قوم کو اتحاد و اتفاق کی ضرورت ہے پاکستان نا قابل تسخیر ملک ہے پاکستانی قوم نے ہمیشہ مشکل حالات میں یکجان ہوکر ملک کی دفاع میں اپنا کر دار ادا کیا قومی دھارے میں شامل ہونے والے نوجوانوں سے بہت سے توقعات ہیں وہ ملک و قوم کی ترقی میں بڑھ چڑھ کر حصہ لیں ۔
خضدار: خضدارمیں ٹراما سینٹرعمارت کی تعمیر کا آغاز ،ٹراما سینٹر کے قیام سے صرف خضدار بلکہ صوبے کے عوام کی بہت بڑی ضرورت حل ہوگی ۔