خضدار: تحصیل کرخ 16 موضہ جات کو سندھ کے علاقہ قمبر شہداد کوٹ میں شامل کرنے کے خلاف ،ڈھاڈھارو، ،یونین کونسل سن چکو سمیت خضدار اور کرخ کے عوام سرآپا احتجاج ،الیکشن کمیشن کی جانبداری ،سندھ حکومت کی توسیع پسندانہ عزائم ،قابل مذمت ہے ۔
خضدار : جمعیت علما اسلام کے مرکزی نائب امیر ممبر قومی اسمبلی مولانا قمر الدین ،صوبائی امیر وسنیٹر مولانا فیض محمد نے کہا ہے کہ ضلع خضدار کے علاقوں ڈھاڈارو اور کتے جی قبر کو صوبہ سند ھ کے علاقہ شہدادکوٹ میں شامل کرنا یہاں کے عوام کے احساسات و جزبات سے کھیلنے کے مترادف ہے،ہمیشہ اس طرح کی غلط فیصلوں اور سازشوں کی وجہ سے صوبوں کے درمیان اختلافات اور عوام کے درمیان نفرتیں پیدا کی گئی ہیں۔
خضدار : گورنمنٹ گرلز کالج ڈگری کالج خضدار کی 1300 طالبات کے لئے صرف چھ لیکچرار تعینات ،شعبہ آرٹس سے تعلق رکھنے والی لیکچرارز مجبوراً سائنس کے مضامین بھی پڑھا رہی ہیں ،لیکچرار کی 21 اسامیاں خالی ہیں ،نہ حکومت ،نہ عوام اور نہ ہی منتخب عوامی نمائندے کالج کے مسائل کے حل میں دلچسپی لے رہے ہیں ۔
خضدار : قومی اسمبلی کے خصوصی کمیٹی برائے این ایچ اے کے ممبر رکن قومی اسمبلی مولانا قمر الدین سینٹر مولانا فیض محمد صاحب نے گذشتہ روز بین الاقوامی سٹرک گوادر ٹو رتو ڈیرو کے مختلف حصوں کا معائنہ کیا ۔
مستونگ: بلوچستان نیشنل پارٹی کے مرکزی قائم مقام صدر ملک عبدالولی کاکڑ مرکزی رہنماوں نوابزادہ میر حاجی لشکری خان رئیسانی بی ایس او کے مرکزی چیئرمین واجہ نذیر بلوچ سابق ایم این اے روف مینگل مرکزی لیبر سیکرٹری منظور بلوچ ملک نصیر شاہوانی مرکزی خواتین سیکرٹری زینت شاہوانی فوزیہ مری سردار عمران بنگلزئی سابق وفاقی وزیر میر ہمایوں عزیز کرد نے کہا کہ اسٹبلشمنٹ کی آشیرباد حاصل کرنے اور وفاق کے بیساکھیوں پر چلنے والے بلوچ قوم اور بلوچستان کے وارث نہیں ہو سکتے ۔
خضدار : خضدار سٹی ،باغبانہ ،زیدی ،فیروز آباد کے لئے نادرا کا ایک دفتر ،دفتر میں اسٹاف کی کمی ،لوگوں کو شناختی کارڈ کے حصول میں شدید پریشانی و مشکلات کا سامنا ،خضدار سٹی اور گردنواح کے علاقوں میں نادرا کیوسک سینٹروں میں اضافہ کرنے کا مطالبہ ۔
خاران: پاکستان تحریک انصاف کے صوبائی صدر سردار یار محمد رند نے کہا ہے کہ پورے دنیا میں جیوری اور جرگہ سسٹم انصاف فراہم کرنے کابہترین ذریعہ ہے ملک کے موجودہ عدالتی نظام پر عوامی تحفظات ہیں کیونکہ یہ نظام ہمارے جغرافیائی حالات اورعوامی امید کے مطابق نہیں ہیں قانونی نظام میں کوتائیوں کی وجہ سے آج ہمارا معاشرہ بد حالی کا شکار ہے عوام کو کالونیل نظام عدل سے نجات دلانے کی ضرورت ہے ۔
خضدار: قومی شاہراہ پر ڈرائیوروں کی جانب سے حد رفتار سے تجاوز سرچ لائٹوں کی بے جا استعمال پتھر لے جانے والی فرش باڈی گاڑیوں، ٹرالر،اور مسافر کار ڈرائیوروں کی غلط ڈرائیونگ کی وجہ سے حادثات میں اضافہ ،تین ماہ کے دوران درجنوں افراد لقمہ اجل بن گئے ۔
خضدار: جمعیت علما اسلام کے زیر اہتمام شامی مسلمانوں پر بر بریت اور قتل عام کے خلاف احتجاجی ریلی نکالی گئی ،ریلی مرکزی جامعہ مسجد سے برآمد ہو کر مختلف راستوں سے ہوتی ہوئی آزادی چوک پر جلسہ عام کی شکل اختیار کی ۔
خضدار : خضدار کے جنوبی علاقوں کا تاریخی ڈگری کالج تباہی کے دہانے پر پہنچ کر کھنڈرات میں تبدیل ہو رہا ہے اس تاریخی کالج پر حکومت کی جانب سے کوئی تو جہ نہیں دیا جارہا ہے ۔