کوئٹہ : بلوچستان نیشنل پارٹی مرکزی ہیومن رائٹس سیکرٹری موسی بلوچ مرکزی کمیٹی کے ممبر وضلعی آرگنائزر غلام نبی مری ،آرگنائزنگ کمیٹی کے اراکین ملک محی الدین لہڑی ،ڈاکٹرعلی احمدقمبرانی ،ستار شکاری اور پارٹی ممبر کامریڈ ملک نذیراحمد دہوار نے پیر کے روز بلوچستان میں یو نیو رسٹی میں جاری لاپتہ طلبا کی گمشدگی کے خلاف جاری دھرنے پر بیٹھے طلبا سے اظہار یکجہتی کی اس موقع پر گفتگو کرتے ہوئے پارٹی رہنمائوں نے حکومت وقت سے مطالبہ کیاہے کہ جامعہ بلوچستان سے لاپتہ طلبا کو فوری طورپر منظرعام پر لائے جائیں۔
کوئٹہ: جماعت اسلامی پاکستان کے سیکرٹری جنرل امیر العظیم نے کہا ہے کہ بلوچستان کے مظلوم عوام کیساتھ سوتیلاسلوک ،حق مانگنے والوں کو غدار کہنا بند ہنا چاہیے سی پیک سٹی گوادر کے غریب عوام مسائل ومشکلات اور پریشانیوں کا شکار ہے کیا گوادرکے وسائل پرصرف سرمایہ داروں کا حق ہے سی پیک سٹی گوادر کے مقامی آبادی جو صدیوں سے یہاں آباد ہے سب سے پہلے انہی کو حق ملنا چاہیے اہل بلوچستان کو ایران وافغانستان سے آسان شرائط پرقانونی تجارت کا موقع دیا جائے مچھیروں ماہی گیروں کے مسائل ترجیحی بنیادوں پر حل کیا جائے جماعت اسلامی حق دو تحریک کے تمام مطالبات کی حمایت کرتی ہے ۔
چمن: عوامی نیشنل پارٹی کے صوبائی صدر اور بلوچستان اسمبلی میں پارلیمانی لیڈر اصغرخان اچکزئی نے ڈی ایچ کیو ہسپتال میں چار نئے شعبوں کا ضافہ کرکے مشینری کی فراہمی اور سولر سسٹم کی تنصیب کے افتتاحی تقریب سے خطاب کرتے ہوئے کہا کہ عوامی نیشنل پارٹی بلوچستان کی قیادت انتخابی وعدے ایک ایک کرکے پورے کررہی ہیں ضلع قلعہ عبداللہ بلخصوص چمن میں صحت تعلیم آبنوشی بجلی امن وامان سمیت بہت سارے مسائل پر قابوں پالیا ہے۔
کوئٹہ: نیشنل پارٹی کے رہنمائوں نے کہا ہے کہ بلوچستان یونیورسٹی سے گزشتہ دنوں دو طلباء کی جبری گمشدگی کے خلاف بلوچ پشتون طلباء تنظیمیں مشترکہ طور پر طلباء کی بازیابی کے لئے احتجاجی دھرنا دیئے ہوئے ہیں پندرہ روز گزرنے کے بعد بھی ان کے پر امن احتجاج پر حکومت،یونیورسٹی انتظامیہ اور سیکیورٹی اداروں کی طرف سے کوئی خاطر خواہ طلباء کی بازیابی کے لئے اقدامات نہیں کئے گئے،جس کے بعد طلباء نے مجبورآ بلوچستان یونیورسٹی سمیت کوئٹہ کے تمام یونیورسٹیز اور کالجز کا بائیکاٹ کیا ہے اور اگرگمشدہ طلباء کی بازیابی نا ہوئی تو اس احتجاج کو بلوچستان بھر کے تمام تعلیمی اداروں میں لے جائیں گے۔
خضدار: رکن بلوچستان اسمبلی میر یونس عزیز زہری کی جانب سے قابل ستائش اقدام،خضدار کے شہریوں کی مشکلات کو مدنظر رکھتے ہوئے خضدار سٹی کے لئے دو مذید فیڈرز کی تجویز و منظوری دیدی، بہت جلد فیڈرزتنصیب کاکام شروع ہوگا، خضدار میں لوڈ شیڈنگ اور کم وولٹیج کی بنیادی وجہ صارفین کی تعداد میں اضافہ اور فیڈرز کی کمی تھی۔ ماضی میں کسی بھی نمائندے نے فیڈرز کو نہ زیرِ غور لایا اور نہ ہی عوام کے اس اہم مسئلے کی جانب توجہ دینے میں ضرورت محسوس کی۔
کوئٹہ : بلوچستان اسمبلی میں قائد حزب اختلاف لیڈر ملک سکندر خان ایڈووکیٹ نے کہا کہ مہنگائی اور بیروزگاری کے طوفان سے قوم خودکشیاں کرنے پر مجبور ہے وزیر اعظم نے غریب کش اور غریب دشمن پیکج کا اعلان کردیا یہ ریلیف پیکج نہیں بلکہ تکلیف پیکج ہے موجودہ پیکج کے اعلان سے مہنگائی کا نیا طوفان برپاہوگا تبدیلی کے نام پر ملک وقوم کو تباہ کیا جا رہا ہے۔
کوئٹہ: پشتونخواملی عوامی پارٹی کے صوبائی ایگزیکٹو کا اجلاس پارٹی کے مرکزی سیکرٹری عبدالرحیم زیارتوال کی زیر صدارت پارٹی کے مرکزی سیکرٹریٹ میں منعقد ہوا۔ اجلاس میں صوبائی ایگزیکٹوز کے اراکین نے شرکت کیں۔ اجلاس میں برصغیر پاک وہند اور پشتونخوا وطن کی آزادی کے قافلے کے عظیم سالار خان شہید عبدالصمد خان اچکزئی کے شہادت کی 48ویں برسی کے موقع پر 2دسمبر کو کوئٹہ میں منعقد ہونیوالے عظیم الشان جلسہ عام کی تیاریوں کا جائزہ لیا گیا۔
کوئٹہ : جماعت اسلامی بلوچستان کے امرائے اضلاع کا اہم اجلاس صوبائی سیکرٹریٹ کوئٹہ میں زیر صدارت صوبائی امیر مولانا عبدالحق ہاشمی منعقد ہوا اجلاس میں جماعت اسلامی کے مرکزی سیکرٹری جنرل امیر العظیم نے خصوصی شرکت کی اجلاس میں صوبائی نائب امرا بشیرا حمدماندائی ،ڈاکٹر عطا الرحمان ،زاہداختر بلوچ ،ڈپٹی جنرل سیکرٹریزمولانا عبدالحمیدمنصوری ،مرتضی خان کاکڑ سمیت امرائے اضلاع نے شرکت کی اجلاس میں امرائے اضلاع نے سابقہ تنظیمی رپورٹس پیش کرتے ہوئے آئندہ لائحہ عمل کے حوالے سے مشاورت وفیصلے کیے ۔
کوئٹہ: ملک باالخصوص بلوچستان میں سیاست کو پراگندہ کرکے سیاست کی آزادی کا جنگ بھی عوام پہ مسلط کردیا گیا ان خیالات کا اظہار نیشنل پارٹی کے صوبائی صدر رحمت صالح بلوچ مرکزی نائب صدر اول سردار کمال خان بنگلزئی مرکزی سیکریٹری اطلاعات اسلم بلوچ نے پڑنگ آباد مستونگ کے مقام پر گرینڈ شمولیتی جلسہ سے خطاب کرتے ہوئے کہی۔ اس موقع پر سابق کونسلر اور ممتاز سماجی شخصت امان اللہ محمد حسنی نے اپنے سینکڑوں ساتھیوں سمیت نیشنل پارٹی میں شمولیت کا اعلان کیا۔
کوئٹہ: بلوچستان پیس فورم کے سربراہ وسابق سینیٹر نوابزادہ حاجی میر لشکری خان رئیسانی نے کہا ہے کہ تعلیمی ادارے باعزت اقوام کیلئے آب حیات کی حیثیت رکھتے ہیں، کتاب اس آب حیات کی طرف راستہ دیکھانے کا ذریعہ ہے ، سماج کو قریب لاکر کتاب سے رشتہ جوڑ کر نفرتیں ختم کی جاسکتی ہیں، تعلیم محض نوکری کے حصول کا ذریعہ نہیں لوگوں کو ووٹ کے ذریعے اپنے نمائندے منتخب کرنے کا اختیار ملے تو سیاست میں قیادت کا قحط خم ہوجائے گا ۔ یہ بات انہوں نے گزشتہ روز پنجاب یونیورسٹی کے ایگزیکٹو کلب میںپروفیسر ڈاکٹر ذیشان بلوچ کی جانب سے منعقدہ مزاکرے سے خطاب، میڈیا سے گفتگو کرتے ہوئے کہی ۔