کوئٹہ: نیشنل پارٹی کے مرکزی بیان میں کہا گیا ہے کہ بلوچستان کے صوبائی دارالحکومت میں موسم سرما کی آمد کے ساتھ بجلی اور گیس غائب ہوچکی ہیے اندرون بلوچستان کا کیا حال ہوگا۔سردار بہادر خان وومن یونیورسٹی سمیت آدھے کوئٹہ میں گزشتہ چار دنوں سے بجلی غائب ہے متعلقہ حکام کے کانوں پر جوں تک نہیں رینگتی ان اعلی تعلیمی اداروں میں گیس ناپید ہو گئی ہیے طالبات امتحانات کے دوران سردی سے ٹھٹر رہی ہیں۔
کوئٹہ: جماعت اسلامی کے صوبائی بیان میں کہاگیا ہے کہ سوشل میڈیا پر ‘ گوادربلوچستان کو حق دو ”تحریک کے روح رواں وجماعت اسلامی بلوچستان کے صوبائی جنرل سیکرٹری مولانا ہدایت الرحمٰن بلوچ کے خلاف بے بنیاد پروپیگنڈہ بندکیا جائے مولاناہدایت الرحمان بلوچ بچپن سے جماعت اسلامی کا فعال رکن وصوبائی جنرل سیکرٹری ،ممتازعالم دین ہے۔
ہندو باغ: پشتونخواملی عوامی پارٹی کے مرکزی سیکرٹری صوبائی صدر افغان ملی شہید ملی اتل محمد عثمان خان کاکڑ کے مزار، علمی مرکزو ریسرچ سینٹر کے تعمیر کے سنگ بنیاد رکھنے کے موقع پر ہندوباغ میں ایک پروقار ملی اجتماع کا انعقاد پشتونخوامیپ کے چیئرمین محترم مشر محمود خان اچکزئی کی زیر صدارت میں ہوا۔ جس میں پارٹی کے مرکزی صوبائی اور ضلعی وعلاقائی اداروں کے نمائندوں ، پارٹی کارکنوں اور مختلف پارٹیوں کے کارکنوں ، قلعہ سیف اللہ اورہندوباغ کے ہزاروں عوام نے بڑی تعداد میں شرکت کیں۔
کوئٹہ: پاکستان ڈیموکریٹک موومنٹ کے زیر اہتما م کوئٹہ کے عظیم الشان مہنگائی مارچ وجلسہ عام کی کامیابی پر پی ڈی ایم میں شامل تمام سیاسی جمہوری جماعتوں کے رہنمائوں وکارکنوں کو خراج تحسین پیش کرتے ہوئے تمام باشعور وطن دوست ، قوم دوست، جمہوریت پسند عوام کا شکریہ ادا کیا گیاجنہوں نے مہنگائی کے خلاف احتجاجی ریلی وجلسے میں شرکت کیں۔
کوئٹہ: نیشنل ڈیموکریٹک پارٹی کے مرکزی ترجمان نے اپنے جاری کردہ بیان میں بلوچ طلباء کی عدم بازیابی پر تشویش کا اظہار کرتے ہوئے کہا کہ گزشتہ دو ہفتوں سے لاپتہ کیے گئے طلبہ ابھی تک بازیاب نہیں ہوسکے تعلیمی اداروں کے بجائے عقوبت خانوں کو آباد کیا جا رہا ہے تعلیمی اداروں سے طالب علموں کو لاپتہ کرکے عقوبت خانوں میں پابند سلاسل کیا جارہا ہے جوکہ نوآبادیاتی نظام کی عکاسی کرتا ہے. تعلیمی اداروں کے احاطے میں گھس کر طلباء کو لاپتہ کرنے کا مقصد بلوچستان کے تعلیمی اداروں میں خوف کا ماحول پیدا کرنا جسکی وجہ سے طلباء کو ذہنی طور پریشاں اور مفلوج کیا جا سکے تاکہ وہ تعلیمی اور سیاسی سرگرمیوں سے دور رہیں ۔
کوئٹہ : نیشنل پارٹی کے صوبائی ترجمان نے اپنے بیان میں کہا ہے کہ کچھی کا حالیہ واقعہ جس میں تین غریب بزگروں کو قتل کیا گیا جو کھلی دہشت گردی اور انسانت سوز واقع ہے ۔جس کی نیشنل پارٹی پرزور مذمت کرتے ہوئے اس واقع کی جوڈیشل انکوائری کا مطالبہ کرتی ہے تاکہ انصاف ہوسکے ۔
کوئٹہ : بلوچستان نیشنل پارٹی ضلع کوئٹہ کی یونٹ سازی مہم کے سلسلے میںگزشتہ روز پنجپائی میں خواتین کے 4 یونٹوں کا قیام عمل میں لایا گیا۔ محمد جان یونٹ، شہید ظفر بلوچ یونٹ، کلی شادینی یونٹ اور کلی محمد خان یونٹ۔ یونٹ سازی ضلعی آرگنائزنگ کمیٹی کے رکن و سی سی ممبر محترمہ منورہ سلطانہ سمالانی کی سربراہی میں منعقد ہوئی۔مہمان خاص سینٹرل کمیٹی کی ممبر اور ایم پی اے شکیلہ نوید دہوار تھیں۔ اس سے قبل پنجپائی پہنچنے پر بلوچستان نیشنل پارٹی کے خواتین ممبران کا شاندار استقبال کیا گیا ہے ان پر پھولوں کی پتیاں نچھاور کیا گیا۔
کوئٹہ: پاکستان ڈیموکریٹک موومنٹ کے زیر اہتمام 17نومبر کو مہنگائی کے خلاف مارچ کی تیاریوں کے سلسلے میں ضلع کوئٹہ کے مختلف علاقوں باچا خان چوک ، کچلاغ اور سریاب میں کیمپس لگائیں گئے ۔ کچلاغ میں کیمپس کا افتتاح پی ڈی ایم کے صوبائی صدر ایم پی اے ملک نصیر احمد شاہوانی ، مولانا محمد سرور ،عبدالقہار خان ودان ،عصمت اللہ سالم ، یوسف خان کاکڑ، ایم پی اے نصراللہ خان زیرے، محمد حنیف کاکڑ، مولوی خورشید، عبداللہ خان نے کی ۔
کوئٹہ : نیشنل ڈیموکریٹک پارٹی کے مرکزی ترجمان نے 13 نومبر بلوچ شہیدوں کے دن کی مناسبت سے بیان جاری کرتے ہوئے کہا بلوچ سر زمین کو طویل عرصے سے استعماریت اور سامراجیت نے اپنے پاں تلے روند رہا ہے اسی سامراجیت کے خلاف والیِ ریاست خان محراب خان بلوچ نے 13 نومبر 1839 کو فرنگی کے قبضہ کو روکنے کیلئے ان کے خلاف بر سر پیکار ہو کر شہادت کے عظیم رتبے کو پا لیے۔اسی دن سے لے کر آج تک بلوچ سپوت اپنی سر زمین کی خاطر نو آبادیاتی اور استعماری پالیسیوں کے خلاف جانیں نذر کیے جا رہے ہیں۔13 نومبر 1839 سے لیکر آج تک بلوچ قوم ٹوٹنے کے بجائے مزاحمت کرتا آرہا ہے۔
کوئٹہ : بلوچستان نیشنل پارٹی کے ضلع کوئٹہ کے عہدیداروں یونٹ سیکرٹریز ڈپٹی سیکرٹریز ضلعی کونسلران اور سینئر اراکین کا مشترکہ اہم اجلاس پارٹی کے مرکزی سیکرٹریٹ میں منعقدہ ہوا اجلاس کے مہمان خاص پارٹی کے مرکزی قائمقام صدر ملک عبدالولی خان کاکڑ اور اعزازی مہمان پارٹی کے مرکزی سیکرٹری جنرل ڈاکٹر جہانزیب جمالدینی ،مرکزی فنانس سیکرٹری وصوبائی پارلیمانی لیڈر ملک نصیر احمد شاہوانی، مرکزی ہیومن رائٹس سیکرٹری موسیٰ بلوچ تھے۔