کوئٹہ: پاکستان پیپلز پارٹی کے رہنمائوں نے کہا ہے کہ پیپلز پارٹی مزدوروں ،کسانوں ،محنت کشوں کی جماعت ہے جس نے ہر دور میں ہر طبقے کے لئے اقدامات کئے ہیںمزدور قوم کی گاڑی کا پہیہ ہیں انکی بہتری کے اقدامات اٹھائے بغیرقومی ترقیاتی اہداف کا حصول ناممکن ہے، مگر بدقسمتی سے ملک میں موجود سلیکٹڈ حکومت نے ہرطبقے کا جینا محال کردیا ہے۔
کوئٹہ: پشتونخواملی عوامی پارٹی کے چیئرمین وپی ڈی ایم کے مرکزی نائب صدر محمود خان اچکزئی پاکستان ڈیموکریٹک موومنٹ کے زیر اہتمام 17نومبر 2021کی ریلی میں شرکت کرینگے۔پشتونخواملی عوامی پارٹی کے صوبائی ایگزیکٹو اور ضلع کوئٹہ کے ضلعی ایگزیکٹو کامشترکہ اجلاس پارٹی کے صوبائی نائب صدر عبدالقہار خان ودان کی زیر صدارت پارٹی کے مرکزی سیکرٹریٹ میں منعقد ہوا۔
حب : بلوچ عوامی موومنٹ کی مرکزی سینئر باڈی کا ایک اہم اجلاس مرکزی آرگنازرئیس نوازعلی برفت ایڈووکیٹ کی زیرصدارت حب میں منعقد ہوا۔ جس میں شرکاء کی باہمی مشاورت سے باقاعدہ ایجنڈا ترتیب دیا گیا۔ بعدازاں پہلے ایجنڈے بام کی مرکزی آرگنازنگ کمیٹی کی ازسر نو تشکیل کے عین مطابق بام کے مرکزی آرگنازر ریس نوازعلی برفت ایڈووکیٹ نے پارٹی کی مرکزی آرگنازنگ کمیٹی کو تحلیل کردیا۔ بعدازاں شرکا نے باقاعدہ ووٹنگ کے ذریعے ایک نی مرکزی آرگنازنگ کمیٹی تشکیل دی۔
شیرانی: پشتونخواملی عوامی پارٹی ضلع شیرانی کے زیر اہتمام سلیزہ میں پارٹی کے عظیم رہنماء سائیں کمال خان شیرانی کی گیارہویں برسی کے موقع پرتعزیتی اجتماع ضلع سیکرٹری غلام الدین شیرانی کی زیر صدارت منعقد ہوا۔ برسی کے اجتماع سے پارٹی کے مرکزی سیکرٹری اطلاعات رضا محمد رضا ، مرکزی وصوبائی سیکرٹری عبدالرحیم زیارتوال ، صوبائی ڈپٹی سیکرٹری ڈاکٹر حامد خان اچکزئی، غلام الدین شیرانی، عزیز خان مندوخیل ، جلات خان حریفال ، ڈاکٹر یونس شیرانی ، دائود خان ایڈووکیٹ، واحد شیرانی نے خطاب کیا۔
کوئٹہ : مشترکہ بلوچستان بس ٹرانسپورٹ فیڈریشن کے صدر حاجی جمعہ خان بادینی نے گزشتہ روزٹرانسپورٹ نماندوں سے خطاب کرتے ہوئے کہاکہ موجودہ بے لگام مہنگائی پٹرولیم مصنوعات کی قیمتوں میں اضافے پر اضافہ کی بلوچستان بلخصوص پسماندہ رخشان ڈویژن کے عوام اورٹرانسپورٹرزمتحمل نہیں ہوسکتے لہذا اب وقت آگیا ہے کہ اس جگہ جگہ چیکنگ کے طریقہ کار کوبھی نیک نیتی سے مستقل حل کرکے ایرانی ایشیاخوردونوش تیل دیگرروزمرہ کے ضروری ایشیا وغیرہ سے متعلق بارڈری عوام کو ریلیف دلایا جائے۔
کوئٹہ: بلوچ اسٹوڈنٹس آرگنائزیشن کے مرکزی ترجمان نے سوشل میڈیا پر مخصوص ٹولے کی جانب سے نومبر کو بی ایس او کے کونسل سیشن کی خبروں کو مضحکہ خیز اور بے بنیاد قرار دیتے ہوئے اس سے مکمل لاتعلقی کا اظہار کیا ہے۔ترجمان نے کہا ہے کہ تنظیم کا قومی کونسل سیشن رواں سال مارچ کو شال میں منعقد ہوا تھا جہاں نئی کابینہ و سینٹرل کمیٹی کا چناؤ عمل میں لایا گیا تھا لیکن ایک مخصوص ٹولہ کی جانب سے نومبر کو کونسل سیشن کا اعلان کرکے طالب علموں و بلوچ قوم میں کنفیوڑن پھیلائی جارہی ہے۔
کوئٹہ : ینگ ڈاکٹرز ایسوسی ایشن بلوچستان کے صوبائی ترجمان ڈاکٹر کلیم اللہ کاکڑ نے اپنے جاری کردہ ایک پریس ریلیز میں بتایا ہے کہ 06 نومبر بروز ہفتہ کو وائی ڈی اے سول ہسپتال کے صوبائی آفس میں ینگ ڈاکٹرز ایسوسی ایشن بلوچستان اور وائی ڈی اے سپریم کونسل کا مشترکہ اجلاس زیر صدارت ڈاکٹر احمد عباس منعقد ہوا، اجلاس میں ینگ ڈاکٹرز ایسوسی ایشن بلوچستان کے صوبائی جنرل سیکرٹری ڈاکٹر مالک کاکڑ ، صوبائی نائب صدر ڈاکٹر طاہر موسی خیل ، سپریم کونسل کے چیرمین ڈاکٹر یاسر اچکزئی ، وائس چیئرمین ڈاکٹر بہار شاہ سمیت دیگر عہدیداران، کابینہ میمبران، اور وائی ڈی اے سپریم کونسل کے ممبران نے شرکت کی، اجلاس کا آغاز تلاوت کلام پاک سے ہوا۔
کوئٹہ: نیشنل پارٹی کے صوبائی صدر میر رحمت صالح بلوچ نے جاری بیان میں کہا ہے کہ موجودہ حکومت کی غیر سیاسی پن،غلط اقدامات اور نااہلیت وناعاقبت اندیشانہ پالیسیوں نے ملک کو مجموعی طور مسائل کا شکار کردیا ہے دنیا کا ہر مسئلہ پاکستان میں موجود ہیں۔ مہنگائی نے عوام کی کمرتوڑ رکھی ہے۔راتوں رات پیڑول کی قیمتوں میں اضافہ نے عوام کو زندہ درگور کر دیا ہے۔
کوئٹہ: بلوچستان نیشنل پارٹی کے زیراہتمام پارٹی کے بانی رہنماء کراچی ڈویژن کے سابق ضلعی صدر شہید زاہد حسین بلوچ کی 11ویں برسی کی مناسبت سے بی این پی کوئٹہ کی جانب سے کلی شابو یونٹ میں تعزیتی ریفرنس منعقد ہوا جس کی صدارت شہید رہنماء کی تصویر سے کرائی گئی جبکہ مہمان خاص انسانی حقوق کے سیکرٹری موسیٰ بلوچ ،اعزازی مہمان پارٹی کے مرکزی کمیٹی کے ممبر وضلعی آرگنائزر غلام نبی مری تھے ،شہید زاہد حسین بلوچ کی عظیم قربانیوں کو خراج عقیدت پیش کرنے کیلئے ایک منٹ کھڑے ہوکر خاموشی اختیار کی گئی ۔
شاہرگ: ملک کو بحرانوں سے نکالنے کیلئے پی ڈی ایم کے 26نکاتی اعلامیہ پر عملدرآمد ناگزیر ہوچکا ہے ، سلیکٹڈ حکمرانوں ، مہنگائی وبیروزگاری سے نجات کیلئے ملک میں فوری طور پر از سر نو صاف شفاف آزادانہ وغیر جانبدارانہ انتخابات کا انعقاد ضروری ہے، علی وزیر جوکہ ایک منتخب رکن قومی اسمبلی ہے لیکن انہیں تاحال پابند سلاسل رکھا گیا ہے ، یہ ملک پانچ برادر اقوام کاایک فیڈریشن ہے ہر قوم کے وسائل پر اس کی ملکیت کو تسلیم کرنا ہوگا، ہرنائی میں حالیہ زلزلہ سے تباہی کے بعد متاثرین کیلئے ضلع آواران کے زلزلہ متاثرین کی طرز پر زلزلہ پروف مکانات کی تعمیر ضروری ہے اور امداد ی اشیاء ضلعی انتظامیہ کے زیر نگرانی تقسیم ہو۔ ملک کو بچانے اور چلانے کا واحد راستہ ملک میں حقیقی جمہوریت کا قیام اور سیاست میں اسٹیبلشمنٹ کی مداخلت کاخاتمہ ہے ۔