کوئٹہ : پبلک اکاؤنٹس کمیٹی (پی اے سی)کے چیئرمین اختر حسین لانگو نے کہاہے کہ صوبائی حکومت کی جانب سے وفاق کو تقریباََ 50فیصد ترقیاتی بجٹ واپس کرنے کے معاملے پر کابینہ اور اسمبلی کو اعتماد میں نہیں لیاگیاہے،اسلام آباد سے پیسے لانا بہت مشکل ہے مگر انہوں نے اتنے آسان طریقے سے پیسے دے دئیے ہیں،بلوچستان میں مسائل سے چھٹکارہ دلا نے اور اسے دوسرے صوبوں کے برابر لانے کے لئے اچھی طرز حکمرانی اورباعمل حکومت کی ضرورت ہے۔
کوئٹہ: بلوچستان نیشنل پارٹی کے مرکزی رہنماء نوابزادہ حاجی میر لشکری خان رئیسانی نے کہا ہے کہ غیرمنتخب اوربے اختیار حکومت میں صوبے کے عوام کیلئے فیصلہ کن پالیسی بنانے کی اہلیت نہیں صوبے میں غربت، بے روزگاری،پسماندگی میں اضافہ کرنا موجودہ حکومت کا ایجنڈا ہے۔
کوئٹہ: بزرگ قوم پرست رہنماء ڈاکٹر عبدالحئی بلوچ نے کہا ہے کہ بلوچستان میں انسانی حقوق کی پامالیوں سے متعلق فیکٹ فائنڈنگ کمیشن تشکیل دیا جائے۔ آواران سے بے گناہ خواتین کی گرفتاری محکوم اقوام کی آواز کو دبانے کی سازش ہے نوآبادیاتی نظام کو تقویت فراہم کرنے کیلئے بلوچستانی عوام کو ان کی زمین سے بیدخل اور سیاسی جدوجہد سے دستبردار کرنے کیلئے منظم اقدامات کئے جارہے ہیں۔
کوئٹہ: ایچ آرسی پی کے وائس چیئرمین حبیب طاہرایڈووکیٹ نے کہا ہے کہ لاپتہ افراد سے متعلق قومی اسمبلی میں زیرالتواء بل کو منظوری کیلئے پیش کیا جائے ہراسمنٹ انسانی حقوق کی سنگین خلاف روزی ہے۔ کم عمر بچوں پر تشدد کرکے ان سے جبری مشقت کرائی جارہی ہے۔
کوئٹہ: وزیراعلیٰ بلوچستان نے وزیر صحت نصیب اللہ مری سے محکمہ کا قلمدان واپس لے لیا۔
کوئٹہ : ملک بھر سے 50 سے زائد پراپرٹی ڈیلرز اور ڈیولپرز نے ڈی ایچ اے کوئٹہ مین آفس اور سائٹ کا دورہ کیا، اس موقع پر ایڈمنسٹریٹر ڈی ایچ اے کوئٹہ اور مہمانوں کے درمیان سوال جواب کا سیشن بھی ہوا، اس موقع پر ملک بھر سے آئے مہمانوں نے ڈی ایچ اے کوئٹہ ایڈمنسٹریشن کی کاوشوں کو سراہتے ہوئے پروجیکٹ کے منصوبے اور جاری ترقیاتی کام کو دیکھ کر اطمینان کا اظہار کیا۔
کوئٹہ: خواتین کے حقوق پرکام کرنے والی غیرسرکاری تنظیم ”وومن شرکت گاہ“کے زیراہتمام کوئٹہ پریس کلب کے باہر احتجاجی مظاہرہ کیا گیا۔
کوئٹہ: سینٹ کی قائمہ کمیٹی برائے قانون وانصاف کے چیئرمین سینیٹر محمد جاوید عباسی نے کہا ہے کہ نئے صوبوں کے قیام بچوں کی کم ازکم عمر16سال کے تعین اوربلوچستان سے قومی وصوبائی اسمبلی کی نشستیں بڑھانے کے معاملے پر بلوچستان کے صوبائی وزراء اراکین اسمبلی عام افراد اور سول سوسائٹی کی تجاویز کوفائنل رپورٹ میں شامل کرکے سینٹ میں پیش کیاجائے گا۔
کوئٹہ: بلوچ اسٹوڈنٹس ایکشن کمیٹی کے جنرل سیکرٹر ی سلمان بلوچ، ڈاکٹر صبحیہ بلوچ اور نذر بلوچ نے کہا ہے کہ بولان میڈیکل اینڈ ہیلتھ سائنسز میں انٹری ٹیسٹ کے نتائج کا اعلان ڈھائی مہینے گزرنے کے باوجود نہ ہونے سے طلباء کا وقت ضائع ہورہا ہے۔ طلباء کو تعلیم سے دور رکھنے کی سازشیں کرکے طلباء کواحتجاج کیلئے مجبور کیا جارہا ہے۔
کوئٹہ: بی یو جے کے صدر ایوب ترین، پی ایف یو جے کے صدر شہزادہ ذوالفقار اور کوئٹہ پریس کلب کے صدر رضا الرحمان نے اسلام آباد میں ڈان لے دفتر کے دفتر پر نامعلوم افراد کے حملہ اور صحافیوں کو ہراساں کرنے کے واقعہ کی مذمت کرتے ہوئے کہا ہے کہ آزادی صحافت پر کوئی مصالحت نہیں ہوگی حالات کا اتحاد اور یکجہتی سے مقابلہ کریں گے، ٹی وی چینلز اور اخبارات ملک کے دُشمن نہیں ہیں نہ ہی کبھی ملک مخالف بات کی ہے اور نہ مستقبل میں اس کا تصور کرسکتے ہیں۔