کوئٹہ: وزیراعلی بلوچستان جام کمال خان نے کہا ہے کہ کسی ڈیل کا حصہ نہیں بلوچستان میں سیاسی تبدیلی صرف صوبے کی سیاسی جماعتیں ہی لائیں گی بلاتفریق صوبے کے ہر ضلع میں ترقیاتی کام کئے جارہے ہیں، وسائل پر اختیار ہمارا حق ہے پاکستان کی معاشی ترقی واستحکام بلوچستان کیساتھ منسلک ہے۔ بلوچستان کا مستقبل یہاں کے وسائل سے وابستہ ہے چند مفادات کیلئے صوبے کے وسائل کے معاہدات نہیں کرینگے۔
کوئٹہ: طلباء تنظیموں کے رہنماؤں نے کہا ہے کہ کوئٹہ میں طلباء کے حقوق طلباء سیاست کی بحالی کیلئے آج طلبہ یکجہتی مارچ کیا جائیگا مار چ کے شرکاء میٹروپولیٹن کارپوریشن سے کوئٹہ پریس کلب تک ریلی نکالیں گے اور احتجاجی مظاہرہ کیا جائیگا۔
کوئٹہ: وزیراعلیٰ بلوچستان جام کمال خان نے صدیق بلوچ میڈیا اکیڈمی کا سنگ بنیاد رکھ دیا،صدیق بلوچ میڈیا اکیڈمی کا مقصد صحافتی وعلمی سرگرمیوں کو فروغ دینا ہے۔
کوئٹہ : بلوچستان نیشنل پارٹی کے پارلیمانی لیڈر ملک نصیر شاہوانی رکن صوبائی اسمبلی احمد نواز بلوچ نے کہا ہے کہ ٹریفک حادثات کی روک تھام یقینی بنانے کیلئے قومی شاہراہوں کودورویہ کرناوقت کی ضرورت ہے۔
کوئٹہ: بلوچستان اسمبلی میں کوئٹہ چمن شاہراہ پر حادثات کی روک تھام کیلئے اقدامات،خاران میں ہائی کورٹ کے سرکٹ بینچ، نصیر آباد اور خاران میں میڈیکل کالجزکے قیام اور کوئٹہ کی کلی سبیل سمنگلی میں قبائل کی زمین غیر متعلقہ افراد کو الاٹ کرنے کے خلاف قرار دادیں منظور کر لیں گئیں،ایوان نے وزیر اعلی بلوچستان اور صوبائی وزرا کے مشاہرا ت اور استحقاقات کا ترمیمی مسووہ قانون بھی منظور کر لیا،سوئی گیس کے پریشر میں کمی کے مسلے پر ڈپٹی اسپیکر نے جی ایم سوئی سدرن گیس کمپنی کوپیر کو چیمبر میں طلب کرلیا۔
کوئٹہ: کوئٹہ سمیت بلوچستان کے مختلف علاقوں میں بارش کاسلسلہ شروع ہوگیا، با رشوں کے پیش نظر محکمہ پی ڈی ایم اے کو الرٹ رہنے کی ہدایت تفصیلات کے مطابق وادی کوئٹہ اور گردو نواح میں مطلع مکمل طور پر ابرآلود،شہر میں کالے سیاہ بادلوں کا راج ہے اور ہوائیں چلنے سے موسم سرد ہوگیا۔
کوئٹہ : قومی احتساب بیورو بلوچستان نے ڈائریکٹر ڈویلپمنٹ آفس کوئٹہ کے افسران کی جانب سے مبینہ طور پر من پسند افراد کو غیر قانونی پر ٹھیکے دیئے جانے اور کرپشن کے زریعے قومی خزانے کو کروڑوں روپے کا نقصان پہنچا نے کے الزامات میں ڈائریکٹر ڈویلپمنٹ آفس کوئٹہ کے ڈائریکٹر، ڈپٹی ڈائریکٹر، اسسٹنٹ ڈائریکٹرز ٹیکنیکل سمیت پانچ افراد کے خلاف ریفرنس احتساب عدالت میں دائر کر دیا۔
کوئٹہ: بلوچستان میں متحدہ اپوزیشن جماعتوں کے رہنماوں نے آزادی مارچ تحریک کے پلان سی کے تحت جمعہ 22 نومبر کو بلوچستان کے تمام ضلعی ہیڈکوارٹرز میں احتجاجی مظاہرے اور ریلیاں نکالنے کااعلان کرتے ہوئے کہا ہے کہ آزادی مار چ کی تحریک سلیکٹڈ او ر نااہل حکومت کے خاتمے تک جاری رہے گی وزیراعظم کے اشعال انگیز تقریر سے عوام کا حوصلہ مزید بلند ہوا ہے،حکومتی اتحاد میں شکوہ شکایات سامنے آرہی ہیں۔ آئندہ چند دنوں میں مزید انکشافات ہونگے۔
کوئٹہ: ڈائریکٹر جنرل ہیلتھ بلوچستان ڈاکٹرشاکربلوچ نے کہا ہے کہ نومولود بچوں کو حفاظتی ٹیکہ جات لگاکرپولیو،ٹی بی اورگردن توڑ بخار سمیت دیگر پانچ بیماریوں سے بچایاجاسکتا ہے،بلوچستان میں تمام سینٹرفعال ہیں،بچوں کی ویکسی نیشن کیلئے مزید اقدامات اٹھانے کی ضرورت ہے۔
کوئٹہ: مذہبی و سیاسی جماعتوں کے رہنماؤں نے کہا ہے کہ موسم سرما کے آغاز کے ساتھ ہی کوئٹہ سمیت صوبے کے دیگر اضلاع میں گیس پریشر نے دم توڑ دیا ہے صوبے میں بجلی بحران اور کوئٹہ میں پانی کی قلت کیخلاف بھرپور احتجاج کیا جائیگا۔